Jude 1:9 - U TIENU MAAMA TILI 2013

⁹ Lanwani, ba malekinba yudaano Miseli n den nia leni Sutaani Musa gbanandi po yaa yogunu, waa den tuo ki buni o buudi leni sugidi. Ama o den yedi o: «O Diedo n cuo ŋa.»

Gourmanchéma Bible

⁹ Lanwani baa malekinba yudaano *Miseli n den nia leni Sutaani Musa o kpiemo gbanandi po yaa yogunu, waa den tuo ki maadi o buudi leni sugidi maama. Ama o den yedi o: «O Diedo n yie apo.»

Jude 1:9 ပူးပေါင်းရင်းမြစ်များ

1 Bi Badiba Jama 12:17

Li go den pia Benjamen leni Juda buoli siiga, yaaba n den gedi ki ban taani leni Davidi o kaanpaalu kani.

Mi Ñama 22:28

Ŋan da guudi lan waagi ki cuani n biinu a kpaandi leni a duven tiidi bonluonkaala nni. A baa pa nni a bijakpelo.

Danieli 10:13

Yaa maleki n tie Persi diema yudaano, den yiedi n po hali piilie n dayenli, ama malekinba yudancianba siiga yendo, Miseli, den cua ki todi nni. Lanwani, bi den sieni nni Persi diema badiba kani.

Danieli 12:1

Maleki go den yedi nni: «Li yogunu malekinba yudanciamo Miseli, yua n guu fini Danieli buolu, baa fii. Li baa yaa tie fala yogunu. Laa fala baa yabidi hali boncianla. Laa fala buolu daa kpa tieni, ki cili ŋanduna cilima ki yaa caa hali lanyogunu. Lanyogunu a buolu siiga nni, lan baa sua ke yaaba yaa yela n diani li tili nni n baa cia.

Sakari 3:2

Maleki yeni den yedi Sutaani: «O Diedo n yie a po! O Diedo, wani yua n gandi Jerusalemi yeni, n yie a po! Naani Josue ki tie nani ban kuudi ki ñani yaa mudatali u mu nni yeni ka?»

Marki 15:29

Bi santagiba den sugidi o, ki fegini bi yula ki tua: «Hei, fini yua n baa mudi U Tienu diegu, ki go maa gu danataa siiga,

Mi Tiadima 34:6

O Diedo den piini o ku joaloangu nni, Moabi diema nni ki tiegi leni Beti-Peyori. Niloba kuli naa bani o takuli n ye naani hali dinla.

1 Tesaloniki 4:16

Mi maalima yaa tieni, ke malekinba yudaano kpaani, ke U Tienu kakaci piebi, lanyogunu o Diedo wani o ba baa ña hali tanpoli po, ki jiidi. Yaaba n den kpe leni li dandanli Kilisiti po, baa kpa fii bi tinkpiba siiga.

1 Pieri 3:9

Yin da guani oba kuli o biadima, ki da sugi ki guani oba. Ama yin gaali, kelima U Tienu den yini yi lani yaa po, ke yimo n baa o kani li seli.

2 Pieri 2:11

Ba malekinba yaaba n pia u fidu leni u paalu ki cie bi bangi-faadanba yeni, kan sugi ba, ki buali ban kuli ba o Diedo kani.

Mi Doagidima 12:7

Bu toabu den tieni tanpoli po. Miseli leni o malekinba den tuogi bu toabu leni o bonfuodibiado yeni. Wani moko leni o yaa malekinba den tuogi leni ba.