Jude 1:4 - U TIENU MAAMA TILI 2013

⁴ Bi nitianba wuoni ki kua yi siiga. I Diani den maadi laa niba buudi cuonu hali yogu. Bi tie U Tienu yiekaaba, yaaba n lebidi ti Tienu ŋanbili, ke lin tua mi conconma bonla. Bi go yie Jesu Kilisiti, wani yua bebe n tie ti Canbaa leni ti Diedo.

Gourmanchéma Bible

⁴ Kelima bi nitianba wuoni ki kua yi siiga, i Diani n den maadi yaaba yaa bujiali cuonu hali yogu. Bi tie U Tienu yiekaaba, yaaba n lebidi ti Tienu *ŋanbili ke lan tua mi conconma bonla. Bi go yie Jesu Kilisiti, wani yua bebe n tie ti Canbaa leni ti Diedo.

Jude 1:4 ပူးပေါင်းရင်းမြစ်များ

2 Samueli 22:5

Mi kuuma ñingola den lindi ki cebini nni, Mi bolinma kpeni den jiendi nni.

Pisomi 1:1

Li pamanli ye leni yua n ki ŋua bi nibiadiba tundi, Kaa se ti tuonbiadi danba sanu nni, Ki kan kali leni a ñuañuada mo.

Pisomi 62:2

U Tienu yaa kani bebe yo ke n yama dua, Kelima n faabima ña o yaa kane.

Matie 13:25

Ama bi niba n den goa yaa yogunu, o yibali den cua ki buli o bonbulikaala yeni siiga ti moabiaditi, ki lebidi ki kuni.

Jan n diani U Tienu Laabaaliŋamo maama 17:3

Yaa miali n kan gbeni tie, ban bandi fini bebe, yua n tie U Tienu moamoani, ki go bandi ŋan soani yua, Jesu Kilisiti.

Jesu Tondiba Tuona 11:23

Wan den pundi ki laa U Tienu ŋanbili, o pali den mangi. O den tundi bikuli ke ban yaa ŋua o Diedo leni payenli.

Jesu Tondiba Tuona 15:24

Ti gbadi ke ti siiga bi tianba den gedi yi po, tin ki den teni yaaba ñoamabonliba kuli, ke bi ban maadi yi yaa maama n yagi yi yama ki jieni yi.

Galati 2:4

Laa maama den fii mo kelima bi nitianba yaaba n kaa den tie ti kpiiba moamoani den kua ti siiga nni ŋasiili nni, ki bua ki goandi ti ki bandi tin pia yaa faabima Jesu Kilisiti nni, ke ban fidi ki go kuani ti li bali maama yonbidi nni.

Galati 5:13

N kpiiba, U Tienu den yini yi ke yin yaa die yi yula. Yin da taa laa yudiedima ki yaa tiendi yi gbanandi bonbuakaala. Ama, mi buama po, yin yaa tuuni ki todi yiyaba.

Efesa 4:14

Lanwani, ti kan go yaa tie nani a biwaala yeni, ki lengidi kelima bi niba nunfanbiadibu leni bi boandi n kpendinni yaa bangima po.

1 Timote 5:8

O nilo yàá kubi o niba, yaala n tugi li yuli tie o dieceli niba, o nia li dandanli. O bia ki cie ba yua n kaa daani.

2 Timote 2:12

Ti yaa juuni fala nni, Ti baa diedi leni o. Ti yaa nia o, Omo baa nia ti.

2 Timote 3:6

Bi siiga bi jatianba wuondi ki caa ti diedi nni, ki boandi yaa puoba n tadi, ki tugi ti tuonbiadi ke li bonbuaka-biadila buoli kuli die ba.

1 Pieri 2:16

Yi tie yaaba n faabi, yaa tie mani yaaba n faabi n baa yaa tie maama. Yin da teni yin die yi yula maama po n pa yi u sanu yin wuoni yi biadima. Ama yin yaa tie nani U Tienu naacenba n dagidi ki yaa tiendi maama.

1 Pieri 2:8

Li go yedi: «Li tie li tantuudikaali, Leni li tingbali tancianli.» Bi tuudi kelima baa tuo ki daani U Tienu maama nani lan den bili bi po maama.

1 Pieri 4:18

Nani i Diani n yedi maama: «O niteginka yaa faabi leni fala, yua n yie U Tienu leni ti tuonbiadi daano mo te?»

2 Pieri 2:10

O buudi cuonu n baa cuo yaaba ki cie, tie yaaba n ŋua bi gbanandi bonbuakaala yaala n joagini, ki go fali o Diedo bali. Laa bangi-faadanba pia ti japaadi leni yaa tuli n pa, kaa jie, ki sugidi ba malekinba yaaba n pia ti kpiagidi.

2 Pieri 2:7

Ama o den gaa Loti miali, wani yua n den tie niteginka, ki yagini o yama boncianla kelima laa nibiadiba cancaginyema po.

2 Pieri 3:7

U Tienu maama yeni baa yaa kubi tanpoli leni yaa tinga n ye moala, ki sieni la u mu po, hali ti buudi daali leni U Tienu yiekaaba bolinma daali.

1 Jan 2:22

Ŋme n tie o tuofaadaano, kali yua n nia ke Jesu ki tie U Tienu n Gandi Yua? Wani n tie Kilisiti yieka, wani yua n nia Baa leni Bijua.

Jude 1:15

O baa jia bi niba kuli buudi, ki cuo yaaba n yie o kuli, kelima ban yie o ki tieni yaala yaa po. O go cuo ti tuonbiadi danba yaaba n yie o yeni, kelima ban sugidi o yaa sugidi po kuli.»

Jude 1:18

Bi den tua yi: «Mi juodima yogunu li ñuali danba baa yaa ye, yaaba n ŋua bi gbanandi bonbuakaala, ki yie U Tienu.»

Mi Doagidima 15:4

Ti Diedo, ŋme n ye kaa baa fangi a Ki kpiagidi a yeli? Fini bebe n gagidi ki ŋani. I nibuoli kuli baa cua Ki labini a nintuali ki kpiagi a, Kelima a teginma doagidi.»