Jude 1:3 - U TIENU MAAMA TILI 2013

³ N buakaaba, n den bua hali boncianla ki diani yi po yaala n tie tikuli n taani ki pia yaa tindima po. Ama n den sua ke li tie n po tiladi min diani ki tundi yi, ke yin koani li dandanli koanli, U Tienu n den teni o nigagidiŋanba yaali, yenma u yogunu kuli po.

Gourmanchéma Bible

³ N buakaaba, n den bua hali boncianla ki diani yipo yaala n tie tikuli n taani ki pia yaa *tindima yaa po. Ama n den sua ke li tie npo tiladi min diani ki tundi yi ke yin koani li *dandanli koanli, U Tienu n den teni o *nigagidiŋanba yaa dandanli yenma u yogunu kuli po.

Jude 1:3 ပူးပေါင်းရင်းမြစ်များ

Nehemi 13:25

N den funi leni ba ki soli ba. N den pua bi siiga bi tianba ki ŋabi bi yudi, ki teni ke bi poli hali U Tienu po, ke bi kan go pa bi bisiaba bi nilanba bijaba, ki kan go taa bi nilanba bisiaba bi bijaba po, bi bi yula po mo.

Esayi 45:17

Isidayeli yaaba wani, bi baa baa Mi faabima kelima o Diedo po. Yaa faabima n baa yaa ye hali yaa yogunu kuli, Yi kan go fiagi, yi kan go yaa ye Leni i fe hali yaa yogunu kuli po.»

Esayi 45:22

Yinba yaaba n ye hali i tinbiani kuli, Jigidi mani ki nuali nni Ki baa mi faabima, Kelima mini n tie U Tienu, Tientoa ki ye.

Jeremi 9:3

Yuakuli n fangi o yuli leni o danli, Oba n da dugi o kpiilo ba yendo po, Kelima kpiilo kuli baa fidi ki lu i janbi, Danli kuli mo pia bu tingbangbaabu.

Jesu Tondiba Tuona 17:3

O den bundi ki doagidi ke li tie tiladi ke U Tienu n Gandi Yua n le fala, ki kpe ki go fii bi tinkpiba siiga. O den yedi ba: «Min wangi yi Jesu yua yaa maama na, wani n tie U Tienu n Gandi Yua yeni.»

Jesu Tondiba Tuona 18:28

O den nia leni Jufinba leni u paalu bi niba kuli nintuali, ki waani i Diani nni ke Jesu tie U Tienu n Gandi Yua.

Jesu Tondiba Tuona 20:27

N den waani yi U Tienu yanjagili kuli, kaa wuoni liba.

Jesu Tondiba Tuona 28:28

Poli go den pugini ki yedi: «Lanwani, yin bandi ke U Tienu ji soani o tindima maama yeni bi nilanba po yo. Bani wani baa cengi.» [

Jesu Tondiba Tuona 4:12

Mi tindima ki ye nitoa kuli kani, kelima yetoali kuli ki ye ŋanduna nni tin baa tindi kelima yaali yaa po.»

Jesu Tondiba Tuona 6:7

U Tienu maama den yadi ki pugidi, Jesu ŋoadikaaba den pugidi hali boncianla Jerusalemi, bi kopadicianba boncianla den tuodi ki ŋua Jesu.

Jesu Tondiba Tuona 9:13

Ananiasi den guani ki yedi o: «N Diedo, bi niba boncianla waani nni, o joa yeni maama leni wan tieni a nigagidiŋanba yaaba n ye Jerusalemi yaa biadima kuli.

Jesu Tondiba Tuona 9:22

Soli paalu o Diedo sanŋoadima nni den pugidi, ke o doagidi ke Jesu tie U Tienu n Gandi Yua hali ki maadi ki guli yaa Jufinba n ye Damasi kuli.

1 Korenti 15:3

N den kpa waani yi mini n ba n den baa yaa bangima, lani n tie ke Kilisiti den kpe ti yaa tuonbiadi po nani i Diani n yedi maama.

Galati 2:5

Tii den tuo ki puni ba u sanu ba waamu, kelima ti bua ke o Laabaaliŋamo yaa moamoani n yaa ye yi siiga ki da lebidi.

Galati 3:28

Mi gagidima naa go ye Jufinba leni bi nilanba siiga, i yonbi leni yaaba n die bi yula siiga, bi jaba leni bi puoba siiga, kelima yikuli tie yenma Jesu Kilisiti nni.

Galati 6:11

Diidi ki le mani min diani yi po yaa diani leni n nuceli n gbengi maama.

Efesa 1:1

Mini Poli, yua n tie Jesu Kilisiti tondo kelima U Tienu yanbuama po, n diani li tili ki fuondi yinba yaaba n tie bi nigagidiŋanba leni Jesu Kilisiti nidugikaaba, ki ye Efesi dogu nni.

Mi Tiadima 21:9

Yi baa tieni yeni, ki ñani yua ki pia tagili soama yi siiga, ki yaa tiendi yaala n dagidi o Diedo po.»

Mi Tiadima 9:10

O Diedo den teni nni mu tanpabiliedimu yeni, U Tienu nubili n diani yaamu yaa po. Yaa maama n den diani lienni tie, li taanli daali, li juali po, wan den kpa yedi yaama, u mu siiga.

Filipi 1:1

Mini Poli leni Timote, Jesu Kilisiti naacenba, n diani yi po li tili, yinba yaaba n tie bi nigagidiŋanba Jesu Kilisiti nni, ki ye Filipi dogu nni leni yi nitaanli yudanba leni yi todikaaba kuli.

Filipi 1:27

Lanwani, bonyenla n tugi li yuli, lani n tie ke yi tagi n yaa da leni Kilisiti yaa Laabaaliŋamo. N yaa fidi ki cua yi kani ki laa yi leni n yàá fidi ki cua, min yaa gba ke yi se bonŋanla ki pia yantiayenli, ki moa o Laabaaliŋamo n cuani yaa dandanli yaa muali.

Kolosi 1:2

yinba ti kpiiba yaaba n tie bi nigagidiŋanba leni bi nidugikaaba Kilisiti nni, ki ye Kolosi dogu nni po. Ti Baa U Tienu n pa yi li ŋanbili leni mi yanduanma.

1 Tesaloniki 2:2

Nani yin bani maama, bi den waani ti fala ki go sugidi ti Filipi dogu nni. Ama ba yeni, ti den dugi ti Tienu po, ki wangi U Tienu Laabaaliŋamo, ba ke bi niba den fii ki se ti po.

1 Timote 1:18

N biga Timote, n teni a yaa ñoamabonli n tie ne, nani ban den kpa pua a po yaa saawali ki yedi maama: Ŋan yaa koani li dandanli koanŋanli.

1 Timote 6:12

Ŋan yaa moa li dandanli yaa muaŋanli, ki cuo yaa miali n kan gbeni, U Tienu n den yini a ke ŋan baa yaali, ŋan den tieni yaa siediŋamo bi niba boncianla nintuali, kelima yaali yaa po.

2 Timote 1:13

Ŋan den gbadi n kani yaa mamoanma baa yaa tie a po li bontogidikaala. Ŋan yaa ŋua ma, ki se ke li pa li dandanli leni mi buama nni, tin pia yaala Jesu Kilisiti nni.

Titi 1:4

N diani fini n bimoanga Titi po, kelima tikuli n taani ki pia yaa dandanli po. U Tienu yua n tie Baa leni Jesu Kilisiti ti Candaano, n pa ŋa li ŋanbili leni mi yanduanma.

Hebilunba 13:22

N kpiiba, n mia yi ke yin juuni ki gaa i naa tundi, kelima min diani yi po yaa maama ki fuu.

Hebilunba 6:9

Ama n buakaaba, ba ke ti maadi yeni, ti bani cain ke yi se u sanŋamu nni yaala n tie mi tindima po.

1 Pieri 5:12

Silasi, o nidugika, min nua yua ke o tie ti kpiilo, wani n todi nni ke n diani yi po yaa tijenjenga n tie ne. N bua ki paagi yi pala, ki tieni yi po siedi ke yi se bonŋanla U Tienu ŋanbili yaali n tie i moamoani nni.

2 Pieri 1:1

Mini Simon Pieli, Jesu Kilisiti naacemo leni o tondo, n diani li tili yi po, yinba yaaba n taa leni ti ki baa yaa dandanli n tie bonmoanla, kelima ti Tienu leni Jesu Kilisiti ti Candaano teginma po.

2 Pieri 2:21

Bi yàá den bandi mi teginma sanu, li den baa yaa tu bi po ki cie ban bandi ki lebidi ki ŋaa ban den baa yaa bali maama, yaama n gagidi ki ŋani.

Jude 1:1

Mini Juda, yua n tie Jesu Kilisiti naacemo ki go tie Jaki waalo, n diani li tili yi po, yinba, U Tienu yua n tie Baa n yini yaaba ki bua ba, ki kubi ba Jesu Kilisiti po.

Jude 1:17

Ama yinba n buakaaba, yin yaa tiani ti Diedo Jesu Kilisiti tondiba n den tuodi ki waani yi yaama.

Jude 1:20

Ama yinba n buakaaba, yin yaa suagi liiga yi dandanli yaali n gagidi ki ŋani boncianla nni, ki yaa jaandi leni U Tienu Fuoma Yua yaa paalu.

Mi Doagidima 12:11

Bi den paadi o, Kelima ki Pebiga soawulima Leni bi siedi maama po. Laa siedinba den luni bi miana, Hali kaa jie ba mi kuuma.

Mi Doagidima 2:10

Ŋan da jie ŋan baa ti le yaa fala. Cengi, li kan go waagi ke ku tuotabigu yudaano baa kuani yi siiga bi nitianba li kpaadidieli nni, lan tua yi po mi biigima. Bi baa waani yi fala dana piiga. Ŋan yaa tie nidugika hali mi kuuma. Lani, n baa pa ŋa li miali yaa badifogiliga.