Jude 1:14 - U TIENU MAAMA TILI 2013

¹⁴ Li go tie bani yaa po yo, ke Enoki yua n den ŋua Adama, ki tie mi nifiileleedima yua, den pua saawali ki yedi: «Diidi ki le, o Diedo kpendi leni o nigagidiŋanba tuda tuda bam.

Gourmanchéma Bible

¹⁴ Li go tie bani yaa po ke Enoka yua n den tie nifiima lele ki cili hali Adama kani, den pua sawali ki yedi: «Diidi ki le, o Diedo kpendi leni o *nigagidiŋanba tudatuda bam.

Jude 1:14 ပူးပေါင်းရင်းမြစ်များ

Mi cilima 5:18

Yeledi n den pia kobiga n piiluoba n binalie yaa yogunu, o den mali Enoki.

Esayi 26:21

O Diedo ñani o diegu nni, Ki baa faligi ki tinga niba bi tagili po. Ki tinga baa doagidi yaa soama N den wuli ki niinni, Ki kan go doagini ban ku yaaba.

Sakari 14:5

Yi baa tagini ku joaloangu yaagu N ye a juana siiga yeni, Ki sani ki cia, Kelima ku joaloangu yeni baa tandi Ki pundi hali Atisali. Yi baa sani nani yi yaajanba N den sani maama, Juda bado, Osiasi yogunu, Mi tindigibima n den tieni yaa yogunu yeni. Lanwani, o Diedo, n Tienu Baa yegi leni o malekinba ki cua.

Matie 16:27

O Joa Bijua baa ti cua leni o Baa kpiagidi ki yegi leni o malekinba. Lanyogunu o baa guani yuakuli nani o tuona n tie maama.

Matie 25:31

O Joa Bijua yaa cua o kpiagidi nni yaa yogunu, ki yegi leni o malekinba kuli, o baa kali o bali kalikaanu yuu n pia ti kpiagidi po.

Mi Tiadima 33:2

O den yedi: «O Diedo ñani Sinayi juali po ki cua. O pudi bi po, nani u yienu yeni Seyiiri diema nni. O kpiagidi cili ki ñuliti bi po hali Paran juali po. Bi niba tuda tuda bam den ciani o ke o cua o niba kani, Ki kubi o nujienu nni, li bali maama mu.

1 Tesaloniki 3:13

O Diedo n yaa paagidi yi pala, ke ti Baa U Tienu n yaa nua ke yi gagidi ki ŋani cain wani U Tienu po, kaa pia ban baa fidi ki kuli yi leni yaala, ti Diedo Jesu n go baa cua leni o nigagidiŋanba kuli yaa yogunu.

Hebilunba 12:22

Ama yi cua Siyon juali, lani n tie U Tienu yua n ye ki fo yaa dogu, yaa Jerusalemi n ye tanpoli kani, malekinba yaaba n yabi ki pundi a tuda tuda bam yaa kani.

Mi Doagidima 1:7

Diidi ki le mani, O kpendi ti tawadi nni, Nunbu kuli baa le o, Ba yaaba n den muu o baa le o. Ŋanduna nibuoli mo kuli, Baa buudi kelima o po. Yeni n yeni! Amina!

Mi Doagidima 5:11

N go den nuali ki gbadi malekinba boncianla niali, bani yaaba n lindi li bali kalikaanu leni a bonfuodinaada leni a nikpela. Bi coali den tie tuda piiga, taalima tuda piiga, hali a tuda tuda bam.