Josue 9:10 - U TIENU MAAMA TILI 2013

¹⁰ leni wan den soani Amori yaaba badiliediba yaaba n ye Jurden puoli maama, lani n tie Hesibon bado Sihoni leni Basan yaa bado Ogi yua n den ye Asitaroti.

Gourmanchéma Bible

¹⁰ leni wan den soani Amola yaaba badiliediba yaaba n ye Judana puoli maama, lani n tie Hesiboni bado Sihoni, leni Basana yaa bado Ogi yua n den ye Asitaloti.

Josue 9:10 ပူးပေါင်းရင်းမြစ်များ

Mi cilima 14:5

Li piiga n binnaali nni, Kedolaomeri leni yaa badiba n den ye leni o den fii ki cua ki paadi Refayimi yaaba, Asiteroti-Karinayimi dogu nni, ki go paadi Susima yaaba Hama dogu nni, ki go paadi Emiti yaaba Save-Kirijatayimi dogu nni.

Mi Coadima 20:14

Musa den fiini a tonda Kadesi yeni kani ki soani ba Edomi bado po, ke ban yedi o: «A kpiiba Isidayeli yaaba n soani yaa tondu n tie ne: A bani yaa fala n den baa ti kuli.

Mi Tiadima 1:4

Musa n den paadi Sihoni, Amoriti yaaba bado, yua n den ye Hesibon dogu nni leni Ogi, Basan bado, yua mo n den ye Asitaroti leni Edreyi ke li pende, ke laa bonla den tieni.

Mi Tiadima 2:30

Ama Sihoni Hesibon bado, naa den bua ki tuo tin tagini o diema nni, kelima o Diedo yi Tienu n teni ke o yantiali paagi, ki juagi o pali mo, ki ŋaa o yi nuu nni, nani yin nua maama dinla yeni.

Josue 12:4

O badilielo den tie Basan bado Ogi, Refayimi buolu yaaba siiga kuli, yua n den sieni.

Josue 13:31

Bani Manase bijua Makiri buolu yaaba boagidima go den die Galaadi diema boagidima leni Basan bado Ogi dociankpeliedi Asitaroti leni Edreyi.

Josue 2:10

Ti gbadi ke yin ñani Ejipiti nni, o Diedo den teni ke mi Ñincianmoanma ñima ñuudi, ke yin baa ki tagini. Ti go gbadi yin soani Sihoni leni Ogi yaa tuona, bani Amori yaaba, yaaba n ye Jurden boanduoli badiliediba. Ti gbadi yin kpa ba, ki bolini bi bonpiakaala kuli maama.

Josue 2:9

ki yedi ba: «N bani ke Li Miali Diedo puni yi ti diema ne, ti jawaandi cuo ti boncianla kelima yi po. Mi diema niba kuli tugusoama sani ke bi jigi cie, kelima yi po.

Josue 9:11

Lanwani, ti nikpela leni ti diema yaaba kuli den yedi ke tin bogini mi jiema li sancenli po, ki fii ki cua ki tuogi yi, ki tua yi naacenba, ki mia yin loli leni ti o ŋantaado.

Josue 9:9

Bi den guani ki yedi o: «Tinba a naacenba ñani hali yaa diema n foagi boncianla ki cua, kelima ti gbadi ke bi maadi Li Miali Diedo, a Tienu maama. Ti gbadi wan den tieni Ejipiti nni yaala kuli