Josue 8:35 - U TIENU MAAMA TILI 2013

³⁵ Josue den cogi bi po Musa n den bili yaa ñoamabonbilikaana kuli. Waa den ŋaa ba mayenma kaa cogi ma Isidayeli yaaba nitaanli, bi jaba, bi puoba, a bila leni yaa nilanba n den ye bi siiga kuli po.

Gourmanchéma Bible

³⁵ Josue den cogi bipo Musa n den bili yaa ñoabonbilikaana kuli. Waa den ŋa baa mayenma kaa cogi ma Isalele yaaba nitaanli po, bi jaba leni bi puoba leni a bila leni yaa nilanba n den ye bi siiga kuli.

Josue 8:35 ပူးပေါင်းရင်းမြစ်များ

Esidirasi 10:1

Esidirasi n den laabi U Tienu diegu nintuali ki buudi, ki jaandi ki miadi bi tuonbiadi sugili, Isidayeli yaaba boncianla, bi jaba, bi puoba leni bi bila den cua o kani ki buudi boncianla.

Nehemi 8:2

Wani o kopadiciamo Esidirasi den taa li bali maama tili ki cuani li nitaanli kani, bani bi jaba, bi puoba leni yaaba n baa fidi ki gaa mi maama kuli. Li den tie o cileleelo dakpiali.

Nehemi 8:3

Esidirasi den se yaa fanma n tiegi u dogu bilinciamu buliñoabu yaabu n yi mi Ñima Buliñoabu kani, ki cogi li tili yeni, ki cili ku tiŋaagu ki yaa caa hali u yensiinu, ke bi jaba, bi puoba leni yaaba n baa fidi ki gaa mi maama kuli ye likani. Bi niba kuli den cengi bonŋanla wan cogi yaala.

Mi Ñama 12:38

Bi niba boncianla yaaba n tie nibuotoe den taani ki fii leni ba. Bi den pia a yangola boncianla, i pe leni i ne.

Jeremi 26:2

«Mini o Diedo maadi yaa maama n tie ne: Sedi o Diedo diegu luolu po, ki maadi leni yaaba n ña Juda dogi kuli, ki baa gbaani ki pugi o Diedo diegu nni. Ŋan waani ba min puogi a ŋan yedi yaa maama kuli, ki da foadi ba mayenma.

Joeli 2:16

Taani mani bi niba, Ki tieni taangagidikaali, Taani mani a nikpela, Taani mani a bila, Ba yaa bila n da ŋaani. O puocaano calo n ña o dieduadili nni, O puocaano mo n ña o gbandieli nni.

Sakari 8:23

Lanyogunu, nilanba piiga, Yaaba n ki taa mabuolu Baa taani ki muubi Jufiyendo liadili Ki yedi o: ‹Ti bua ki yegi leni a ki gedi, Kelima ti gbadi ke U Tienu ye leni yi.› » Mini Li Miali Diedo n yedi yeni.

Marki 10:14

Jesu n den laa lani, o pali den beni ke o yedi o ŋoadikaaba: «Cedi mani a biwaala n cua n kani, ki da deli ba, kelima U Tienu diema tie yaaba n tie nani a biwaala ne po yo.

Jesu Tondiba Tuona 20:27

N den waani yi U Tienu yanjagili kuli, kaa wuoni liba.

Jesu Tondiba Tuona 21:5

Ti fiima daali n den pundi, ti den fii. Bani, bi puoba leni bi bila kuli den piadi ti, hali ki ñani ti u dogu nni. Ti den gbaani u ñinkunu ki jaandi.

Mi Tiadima 29:10

yi bila, yi puoba, bi canba yaaba n ye yi siiga, yi naga nni, ki cili yaaba n pe yi po ti daadi, ki taa ki pundi hali yaaba n lu yi po mi ñima, yikuli n cua o Diedo yi Tienu nintuali dinla.

Mi Tiadima 29:11

Dinla, o Diedo yi Tienu kuani o ŋantaado leni yi. O bua yin poli ki kua laa ŋantaado nni.

Mi Tiadima 29:9

Dinla, yikuli, yi yudanba, yi buoli, yi nikpela, yi toatieba yudanba, Isidayeli yaaba kuli,

Mi Tiadima 31:12

A baa taani bi niba kuli, bi jaba, bi puoba, a bila leni yaa canba n ye leni yi, ke ban bangi ki yaa fangi o Diedo yi Tienu, ki kubi, ki go yaa tiendi li naa bali maama n yedi yaala kuli.

Mi Tiadima 4:2

Yin da pugini liba kuli min bili yi po yaa bali maama yeni nni, yin da wadi liba mo lienni. Ama yi baa kubi o Diedo yi Tienu bali maama, nani min teni yi ma, maama.