Josue 8:33 - U TIENU MAAMA TILI 2013

³³ Isidayeli yaaba, a nikpela, bi yudanba, bi bujiaba leni yaaba n den tie nilanba ki ye bi siiga kuli, den se o Diedo ŋantaadikpaku ganu leni ku jienu, Levi buolu yaaba bi kopadicianba yaaba n bugi ku kpaku yeni nintuali. Bi niba boagidima den se ki goa Garisimi juali po, boagidima mo Ebali juali po, nani Musa n den bili ke ban tieni maama, ki gaali Isidayeli yaaba.

Gourmanchéma Bible

³³ Isalele yaaba leni bi nikpela leni bi yudanba leni bi bujiaba, leni yaaba n den tie nilanba ki ye bi siiga kuli den se Li Miali Diedo *ŋantaadikpaku ganu leni ku jienu, Lefi buolu yaaba bi kopadicianba yaaba n bugi ku kpaku yeni nintuali. Bi niba boagidima den se ki goa Galisima juali po, boagidima mo Ebali juali po, nani Musa n den bili ke ban tieni maama ki gaali Isalele yaaba.

Josue 8:33 ပူးပေါင်းရင်းမြစ်များ

Mi Ñama 12:49

Laa bali maama baa yaa tie yenma o dotielo po leni o caano yua n kaa yi siiga kuli po.»

Levi 24:22

Yi baa yaa pia bali mayenma o caano leni Isidayeli buolu yua kuli po. N tie Li Miali Diedo yi Tienu.»

Mi Coadima 15:15

Laa mabilikaama tie yenme, li nitaanli leni bi nilanba yaaba n ye yi siiga kuli po. Li baa yaa tie yaa mabilikaama n ye yaa yogu n tuu yaa yogu, yi nifiima kuli po. Lan baa yaa tie bi nilanba po maama, li baa yaa tie yimoko yaa po yene, o Diedo nintuali.

Mi Coadima 15:16

Bali mayenma leni ñoamabonbilikayenli n baa yaa ye, yinba leni yaa nilanba n kaa yi siiga kuli po.»

Mi Coadima 15:29

Li yaa tie ke nilo tieni ti tuonbiadi kaa bani, bali mayenma n baa yaa ye yua n tie Isidayeli yua leni yaa nilamo n kaa yi siiga po.

Jan n diani U Tienu Laabaaliŋamo maama 4:20

Ti yaajanba den kpiagidi U Tienu li naa juali po. Ama yinba Jufinba yedi ke tiladi bi niba n baa yaa kpiagidi U Tienu naani tie Jerusalemi.»

Mi Tiadima 11:29

O Diedo yi Tienu yaa ban kuani yi, yin baa diedi yaa diema nni yeni, yin sieni li seli Garisimi juali po. Ki sieni ti solindi mo Ebali juali po.

Mi Tiadima 31:12

A baa taani bi niba kuli, bi jaba, bi puoba, a bila leni yaa canba n ye leni yi, ke ban bangi ki yaa fangi o Diedo yi Tienu, ki kubi, ki go yaa tiendi li naa bali maama n yedi yaala kuli.

Mi Tiadima 31:25

o den teni Levi buolu, yaaba n tugi o Diedo ŋantaadikpaku yaa ñoamabona n tie ne:

Mi Tiadima 31:9

Musa den diani laa bali maama ki teni ma bi kopadicianba, Levi bijaba yaaba n tugi o Diedo ŋantaadikpaku leni Isidayeli nikpela kuli.

Josue 23:2

Lanwani, Josue den yini ki taani Isidayeli yaaba kuli, a nikpela, bi buoli yudanba, bi bujiaba leni bi koanbala, ki yedi ba: «N podi hali boncianla.

Josue 24:1

Josue den taani Isidayeli yaaba buoli kuli Sikemi dogu nni. O den yini a nikpela, bi yudanba, bi bujiaba leni bi koanbala. Bi den cua U Tienu nintuali.

Josue 3:14

Ku niligu den ñani bi gbandiena nni, ki baa duodi Jurden. Yaa kopadicianba n bugi ku ŋantaadikpaku, den gaa bi liiga ki cuoni.

Josue 3:3

ki yedi bi niba kuli: «Yi yaa laa ke bi kopadicianba, bani Levi buolu yaaba, taa o Diedo yi Tienu ŋantaadikpaku ki bugi, yin fii mani ki ña yin ye naani, ki ŋoadi ku.

Josue 3:6

Josue den yedi bi kopadicianba: «Yin taa mani U Tienu ŋantaadikpaku ki bugi, ki gaa ku niligu liiga, ki yaa cuoni.» Bi den taa ku ki bugi, ki gaa ku niligu liiga ki cuoni.

Josue 4:10

Yaa kopadicianba n den bugi ku ŋantaadikpaku den se Jurden siiga, hali bi niba n ban tieni ki gbeni o Diedo n den waani Josue wan yedi ba yaala. Li den tieni nani Musa n den waani Josue maama. Ku niligu den jaligi ki duodi.

Josue 4:18

Yaa kopadicianba n bugi ku ŋantaadikpaku n den ñani Jurden nni yaa yogunu ke bi taana ŋmaa li boanjaali, Jurden ñima go den guani mi kaanu, ki gbie ki yadi yadi i kaani kuli, nani man den kpa yadi maama.

Josue 6:6

Nun bijua Josue den yini bi kopadicianba, ki yedi ba: «Yin taa mani ku ŋantaadikpaku ki bugi. Kopadicianbilele mo n yaa kubi naatuntunalele, ki gaa ku liiga ki yaa cuoni.»