Josue 8:2 - U TIENU MAAMA TILI 2013

² Ŋan tieni laa dogu leni u bado, nani ŋan den tieni Jeriko leni u bado maama. Bonyenla bebe, yin taa mani u bonpiakaala leni u yandi yi yula po, lan tua ti fagidi. Ŋan boali toatietianba u dogu puoli po.»

Gourmanchéma Bible

² Ŋan tieni laa dogu leni u bado nani ŋan den tieni Jeliko leni u yaa bado maama. Bonyenla bebe, yin taa mani u bonpiakaala leni u yandi yi yula po lan tua ti fagidi. Ŋan teni toatietianba n wuoni u dogu puoli po.»

Josue 8:2 ပူးပေါင်းရင်းမြစ်များ

2 Bi Badiba Jama 13:13

Lanyogunu Jeroboami den boagidi o toatieba ki soani ba Juda diema yaa toatieba puoli po, ke ban fidi ki taani ki mabini ba Isidayeli toatieba siiga.

2 Bi Badiba Jama 20:22

Ban den cili i yani leni ti pagidi yaa yogunu, o Diedo den tieni mi lengidima Moabi yaaba leni Anmoni yaaba leni Edomi yaaba toagola nni, ke bi den fii ki pua biyaba, bani yaaba n den cua ki baa baa Juda yaaba bu toabu yeni.

Pisomi 39:6

A teni ke n dana foaginu tie nubadiyaagu, N miali dana foaginu mo, Ki da liba a nintuali. O nisaalo leni o paalu kuli tie fawaama bebe. Joma

Mi Kpanjama 13:22

O niŋamo faajieba n tie o bila yaa bila, Ama ti tuonbiadi daano piama wani Bili o niteginka yaa po yo.

Mi Kpanjama 28:20

O papiendaano baa guo leni li seli, Ama yua n bua ki tua ŋalimandaano tontoni, Kan luo cuonu.

Jeremi 17:11

Nani yaa ñuñuuga n wugini Wan kaa ŋaa yaa jena, Li tie yene leni yua n baa piama ke laa tiegi. O baa tuadi ki baa o panma siiga. O yema juodima po mo, Wan tua yanluodaano.

Jeremi 51:12

Fii ki sedi ki yie mani Babilonni bilini po. Pugini mani yaaba n guu u paalu. Baa mani yaaba n baa yaa se ki diidi. Dia ba mani ti dadi, Kelima o Diedo yedi yene Babilonni yaaba po. O tieni wan bili ke o baa tieni bi po yaala.

Mi Tiadima 2:35

Tin den fagi yaala ti yula po bebe den tie ti yandi leni tin den fie yaa dogi yaa fagidi.

Mi Tiadima 20:14

Ama bi puoba, a bila, ti yandi leni yaala n ye u dogu yeni niinni kuli, yaala n tie u fagidi kuli, yin fagi u, ki go je o Diedo yi Tienu n teni ke yi paadi yi yibalinba, ki baa bi kani yaa fagidi kuli.

Mi Tiadima 3:2

O Diedo den yedi nni: «Ŋan da jie o kelima n taa wani, o niba leni o diema kuli ki tieni a nuu nni. Ŋan soani o nani ŋan soani Amoriti yaaba bado Sihoni, yua n den ye Hesibon maama yeni.»

Josue 10:1

Jerusalemi bado Adoni-Sedeki den gbadi ke Josue baa Ayi dogu, ki bolini u, ki tieni wuni leni u bado kuli nani wan den tieni Jeriko dogu leni u bado maama. O go den gbadi ke Gabaon yaaba kuani o ŋantaado leni Isidayeli yaaba, ki ye bi siiga.

Josue 10:28

Landaali liga, Josue den paadi Makeda dogu, ki kpa u bado leni u niba kuli. Waa den ŋaa ba niyendo leni miali. O den soani likani bado nani wan den soani Jeriko yaa yua maama.

Josue 11:14

Isidayeli yaaba den taa i dogi yeni piama leni i yandi, ke li tua bi fagidi. Ama bi den kpa bi niba wani kuli, baa den ŋaa yaala n pia miali kuli lienni.

Josue 6:21

ki bolini yaala n ye lienni kuli, bi jaba leni bi puoba, a bila leni a nikpela, i ne, i pe leni i ŋunbi kuli. Bi den kpa bikuli leni mu jugisiemu.

Josue 8:12

Josue den taa jaba tudamuu (5 000), ki soani ba ke bi ban wuoni ki kuu Ayi puoli, Ayi leni Beteli siiga.

Josue 8:14

Ku tiŋaapanpangu, Ayi bado n den laa lani, wani leni u dogu yaaba kuli den jaligi ki ñani ki gedi, ki baa n tuogi leni Isidayeli yaaba bu toabu ban den kpa tuogi leni ba naani, Jurden tialu nni. Waa den bani ke bi toatieba boali u dogu puoli ki guu.

Josue 8:19

Wan den tandi o nuu yaa yogunu, yaa jaba n den boali yeni den jaligi ki ñani ki kua u dogu nni, ki baa u, ki juu u.

Josue 8:24

Isidayeli yaaba den kpa bi yibalinba, ban den ŋoadi ki deli ba ki kua yaa fanpienma nni. Li yaa puoli, Isidayeli yaaba den lebidi ki guani Ayi nni, ki kpa yaaba n sieni lienni kuli.

Josue 8:3

Josue den fii leni bi toatieba kuli, ki baa gedi ki ban baa Ayi. O den gandi jakoanda tuda piitaa (30 000), ki soani ba ku ñiagu,

Josue 8:7

Lanyogunu, yin fii ki ña yi boalikaanu ki baa u dogu, kelima o Diedo yi Tienu baa taa u ki tieni yi nuu nni.

Josue 8:8

Yi yaa paadi u dogu yeni yaa yogunu, yin juu u, ki tieni nani U Tienu n bili maama. Min teni yaa ñoamabonli n yeni.»

Josue 8:9

Josue den soani ba ke bi fii ki gedi ki ban boali ki guu Beteli leni Ayi siiga, Ayi dogu nintuali. Laa ñiagu, Josue den dua yaa toatieba n sieni siiga.

Josue 9:3

Gabaon dogu yaaba moko den gbadi Josue n den soani Jeriko leni Ayi yaa tuona.