Josue 5:6 - U TIENU MAAMA TILI 2013

⁶ Isidayeli yaaba den cuoni mi fanpienma nni bina piinaa, hali ke yaa jaba n den ñani Ejipiti nni ki pundi ki gedi toabu, ki naa cengi ki tuo o Diedo maama kuli den kpe. U Tienu den poli ki yie bi po, ki waani ba ke o kan teni ban le wan den poli ki niani ke o baa pa bi yaajanba yaa diema, mi naaŋanma leni ti siadi n dua yaa diema nni yeni.

Gourmanchéma Bible

⁶ Kelima Isalele yaaba den cuoni mi fanpienma nni bina piinaa hali ke yaa jaba n den ñani Ejipiti nni ki pundi ki gedi toabu ki naa cengi ki tuo Li Miali Diedo maama kuli den kpe. U Tienu den poli ki yie bipo ki waani ba ke o kan teni ban le wan den poli ki niani ke o baa pa bi yaajanba yaa diema, mi naaŋanma leni ti siadi n dua yaa diema nni yeni.

Josue 5:6 ပူးပေါင်းရင်းမြစ်များ

Pisomi 107:4

Bi den puagi mi fanpienma nni, Ki naa bani ban baa tagini yaa sanu, Ki pundi yaa dogu n pia bi niba.

Mi Ñama 3:17

ke n yedi ke n baa teni yin ña Ejipiti nni, yin laadi fala naankani. N baa teni yin kua Kanana, Hititi, Amoriti, Perisiti, Hiviti leni Jebusi yaaba diema nni, mi naaŋanma leni ti siadi n dua naani.›

Mi Ñama 3:8

N jiidi ki baa faabi ba Ejipiti yaaba nuu nni, ki teni ban ña laa diema nni, ki kua yaa diema n ŋani ki go yabi yaa niinni. Mi naaŋanma leni ti siadi n dua naani. Li tie Kanana, Hititi, Amoriti, Persi, Hiviti leni Jebusi yaaba n ye yaa diema nni.

Jeremi 2:2

«Gedi ki ban kpaani Jerusalemi yaaba tuba nni: O Diedo yedi nanda: ‹Fini Jerusalemi, n baa ki tiadi ŋan den tie jafaano, Ki pia n po yaa buama, Ŋan den ŋua nni mi fanpienma nni, Leni yaa tinga yaa niinni N ki pia bonpudikaaliba yaa yogunu.

Esekieli 20:15

Mi fanpienma nni n den yugidi n nuu, ki go poli ke n kan gedini ba min den bili bi po yaa diema nni, mi naaŋanma leni ti siadi n dua naankani, yaa diema n ŋani ki cie diema kuli.

Esekieli 20:6

Landaali n den yugidi n nuu ki poli, ke n baa ñani ba Ejipiti diema nni, ki gedini ba min den bili bi po yaa diema nni, mi naaŋanma leni ti siadi n dua yaa diema nni, yaa diema n ŋani ki cie mi diema kuli.

Mi Coadima 14:23

bani kuli kan le, min den poli ki niani bi yaajanba, ke n baa pa ba yaa diema yeni. Yaaba n fali nni yeni kuli, kan le ma.

Mi Coadima 26:63

Bani n den tie Musa leni o kopadiciamo Eleasari n den coadi yaaba, Moabi tiali nni, ki kuu Jurden kpenu, ki tiegi Jeriko dogu.

Mi Tiadima 1:3

Li binpiinaadili, piiga n cilo dakpiali, Musa den waani Isidayeli yaaba, o Diedo n den puogi o wan yedi ba yaa maama kuli.

Mi Tiadima 2:14

Tin den ñani Kadesi-Barneya, ti den puagi piitaa n binanii yo, ki fidi ki kandi Seledi kpenu. Laa puagidi nne, ke yaa jaba n den baa fidi ki gedi toabu, ki tie laa nifiima kuli den bodi, nani o Diedo n den poli ki yedi ba maama.

Mi Tiadima 2:7

Moamoani de, o Diedo yi Tienu seligi yi nii tuona kuli, ki bandi yi cenli laa fanpiencianma nni. Diidi bina piinaa, ke o Diedo yi Tienu ye leni yi. Yi naa luo liba kuli.

Mi Tiadima 8:4

Yin den la yaa tiadi ki den cadi, yi taana mo naa den moali laa binpiinaadi nni.

Hebilunba 3:11

Li tie lani yaa po ke n den poli N pabienli nni, ki yedi: ‹Bi kan kua n fuodima nni.› »

Josue 1:6

Paagi a baa, paagi a pali, kelima fini n baa gobidi yaa nibuolu n tie ne, ban kua ki diedi min den poli ki niani bi yaajanba ke n baa pa ba yaa diema.

Josue 24:7

Lanwani, yi yaajanba den mua ki mia mini o Diedo, ke n den teni ke li biigili tieni yi buolu leni Ejipiti yaaba siiga. N den teni ke mi ñincianma guani ki milini ba. Yi laa min den soani Ejipiti yaaba maama. Li yaa puoli, yi buolu den waagi ki ye mi fanpienma nni.

Josue 5:7

U Tienu den teni ke bi bila n gaa bi kaanu, ki kua mi diema nni. Josue den kuani bani bi bila yene ku koanciagu, kelima baa den kuani ba koanciagu li sancenli nni.