Josue 4:19 - U TIENU MAAMA TILI 2013

¹⁹ Ku niligu den duodi Jurden li binli ŋmakpialo dapiiga daali, ki kpaa bi nagili Giligali dogu kani, Jeriko puoli.

Gourmanchéma Bible

¹⁹ Ku niligu den duodi Judana li binli ŋmakpialo yaa danpiiga daali ki kpa bi nagili Giligali dogu kani Jeliko puoli.

Josue 4:19 ပူးပေါင်းရင်းမြစ်များ

2 Bi Badiba 2:1

O Diedo n den baa teni o pinpinjoa n duoni Elia tanpoli yaa yogunu, li den sua ke wani Elia leni Elise yegi ki ñani Giligali.

Amosi 4:4

Isidayeli yaaba, gedi mani Beteli Ki ban yaa tiendi ti tuonbiadi! Gedi mani Giligali moko, Ki ban yaa tiendi ti tuonbiadi ki pugidi! Yaa padi mani yi pada tiŋaagu kuli, Ki yaa tendi nni yi diim danataa taa kuli.

Amosi 5:5

Yin da go lingi nni Beteli, Da go gedi mani Giligali, Da go gedi mani Beri-Seba, Kelima bi baa gedini Giligali yaaba ti yonbidi, Ki bolini Beteli mo.»

Mise 6:5

N niba, tiadi mani Moabi bado Balaki n den jagi Ke o baa tieni yi yaa bonbiadila, Ki go tiadi Beori bijua Balaam N den guani o yaa maama. Tiadi mani yaala n den tieni Li sancenli nni kuli, Ki cili Sitimi ki pundi hali Giligali. Tiadi mani lani kuli ki bandi mini o Diedo N den tieni yi po yaa ŋanbili kuli.› »

Mi Tiadima 1:3

Li binpiinaadili, piiga n cilo dakpiali, Musa den waani Isidayeli yaaba, o Diedo n den puogi o wan yedi ba yaa maama kuli.

Mi Tiadima 11:30

Laa juana ye Jurden kpenu duoli. A ye u sanu puoli, u yienu n pudi naanpo. A ye Kanana yaaba diema nni, bani yaaba n ye Araba tialu po. Laa juana tiegi Giligali, ki nagi leni seni tiidi juali, ki ye Mole po.

Josue 10:43

Li yaa puoli, Josue leni Isidayeli yaaba den lebidi ki guani Giligali, bi nagili nni.

Josue 10:6

Gabaon yaaba den soani Giligali po Josue kani, ki yedi o: «Ŋan da yie ke a kan todi tinba a naacenba. Ŋan jaligi ki cua ki gaa ti. Ŋan todi ti kelima Amori yaaba badiba yaaba n ye a juana kuli nni, taani ki baa tuogi leni ti bu toabu.»

Josue 15:7

U den poandi Akori joaloangu nni, ki gedi Debiri dogu. Nujienu po, u den gondi ki teli Giligali, Adumim gbangbanli nintuali, u kpenu ganu po. U den bali Eni-Semesi ñima, ki ban pundi hali Eni-Rogeli.

Josue 24:11

Yi den duodi Jurden, ki ban pundi Jeriko, Jeriko yaaba den tuogi leni yi bu toabu. Amori, Perisiti, Kanana, Hititi, Giligasi, Hiviti leni Jebusi yaaba moko den tuogi leni yi bu toabu. N den teni ke yi paadi bikuli.

Josue 4:18

Yaa kopadicianba n bugi ku ŋantaadikpaku n den ñani Jurden nni yaa yogunu ke bi taana ŋmaa li boanjaali, Jurden ñima go den guani mi kaanu, ki gbie ki yadi yadi i kaani kuli, nani man den kpa yadi maama.

Josue 5:10

Isidayeli yaaba n den ye bi nagili nni Giligali yeni, bi den jaani mi Pendima jaanma o ŋmaalo piiga n danaali, ku yenjuagu, Jeriko tialu nni.

Josue 5:9

O Diedo den yedi Josue: «Dinla, n ñani yi po Ejipiti fe.» Lani yaa po, bi den yini laa kaanu Giligali. Likani baa ki yi yene hali dinla.

Josue 9:6

Bi den gedi Josue kani, ke o ye Giligali po li nagili nni, ki yedi wani leni Isidayeli yaaba: «Ti ñani hali yaa diema n foagi. Ti mia yi ke yin kuani o ŋantaado leni ti.»

1 Samueli 10:8

Li yaa puoli, ŋan kua n liiga ki gedi Giligali. N baa yuandi ki ŋoadi a lipo ki padi a padijuukaana leni i tuondi yaa pada U Tienu po. Ŋan guudi nni danalele hali min baa cua ki waani a ŋan baa tieni yaala.»

1 Samueli 15:33

Samueli den yedi: «Nani a jugisiega n den kpa pomaditoaba bila ke baa go pia bila maama, a yaa naa moko kan go yaa pia biga yene.» Lane Samueli den pedi ki kpa Agagi o Diedo nintuali Giligali dogu nni.