Josue 3:14 - U TIENU MAAMA TILI 2013

¹⁴ Ku niligu den ñani bi gbandiena nni, ki baa duodi Jurden. Yaa kopadicianba n bugi ku ŋantaadikpaku, den gaa bi liiga ki cuoni.

Gourmanchéma Bible

¹⁴ Ku niligu den ñani bi gbandiena nni ki baa duodi Judana. Yaa kopadicianba n bugi ku ŋantaadikpaku den ga bi liiga ki cuoni.

Josue 3:14 ပူးပေါင်းရင်းမြစ်များ

Pisomi 132:8

O Diedo, fii ki ciani ku kpaku yeni, A paalu n ye yaagu yaa niinni, Ki cua ki kua a fuodima kaanu.

Jeremi 3:16

Yi yaa pili ki gbieni mi diema yaa yogunu, Lanyogunu bi kan go yaa maadi O Diedo ŋantaadikpaku maama. Bi kan go tiadi ku po, Oba kuli kan go maadi ba ku maama. Bi kan go faami ku kaayema po, Bi kan go tieni bontoagu mo. O Diedo n yedi yeni.

Mi Tiadima 31:26

«Gaa mani li bali maama tili ne, ki kpagini ki bali o Diedo yi Tienu ŋantaadikpaku nni. Li baa yaa ye lankani, ki tie siedi yi po.

Hebilunba 9:4

Lienni den pia wula padibinbinli, ban den juugi a dugibila naani, ki go pia ku ŋantaadikpaku, ban tabini yaagu wula ku kaani kuli. Ku ŋantaadikpaku niinni wula tiagu yaagu n pia manni den ye leni Alono gbiamu, yuu n den bundi leni o ŋantaado tanpabimu.

Josue 24:11

Yi den duodi Jurden, ki ban pundi Jeriko, Jeriko yaaba den tuogi leni yi bu toabu. Amori, Perisiti, Kanana, Hititi, Giligasi, Hiviti leni Jebusi yaaba moko den tuogi leni yi bu toabu. N den teni ke yi paadi bikuli.

Josue 3:3

ki yedi bi niba kuli: «Yi yaa laa ke bi kopadicianba, bani Levi buolu yaaba, taa o Diedo yi Tienu ŋantaadikpaku ki bugi, yin fii mani ki ña yin ye naani, ki ŋoadi ku.

Josue 3:6

Josue den yedi bi kopadicianba: «Yin taa mani U Tienu ŋantaadikpaku ki bugi, ki gaa ku niligu liiga, ki yaa cuoni.» Bi den taa ku ki bugi, ki gaa ku niligu liiga ki cuoni.

Josue 6:6

Nun bijua Josue den yini bi kopadicianba, ki yedi ba: «Yin taa mani ku ŋantaadikpaku ki bugi. Kopadicianbilele mo n yaa kubi naatuntunalele, ki gaa ku liiga ki yaa cuoni.»