Josue 3:11 - U TIENU MAAMA TILI 2013

¹¹ Bi baa bugi wani ki tinga kuli Diedo ŋantaadikpaku, kun kua yi liiga Jurden ñima nni.

Gourmanchéma Bible

¹¹ Bi baa bugi wani ki tinga kuli Diedo ŋantaadikpaku gun kua yi liiga Judana ñima nni.

Josue 3:11 ပူးပေါင်းရင်းမြစ်များ

1 Bi Badiba Jama 29:11

Fini o Diedo n die u yabinu, u paalu, ti kpiagidi, u yogunu leni ti jigidi. O Diedo, fini n die yaala n ye tanpoli leni ki tinga po kuli leni li bali, fini yua n kpedi ki cie li bonla kuli.

Jobi 41:11

I mukaani leni i mukaabi ña o ñoabu nni,

Pisomi 24:1

Davidi yanbu. O Diedo n die ki tinga Leni yaala n ye ki niinni. Wani n die li ŋandunli Leni yaaba n ye lienni kuli!

Pisomi 97:5

A juana nandi nani ti sindi yeni Li Miali Diedo, Ki tinga kuli Diedo nintuali.

Esayi 3:12

Bonwaala n li wangi n niba fala, Puoba mo n li die ba. N niba, yaaba n gobidi yi yaani yi, Ki bolini yin ŋua yaa sanu.

Esayi 54:5

Kelima a tagido n tua a calo. O yeli yi Li Miali Diedo U Paaciamu Kuli Daano. A daafaabika n tie Isidayeli Tienu Yua n Gagidi ki ŋani. O yeli n tie: “Ki tinga kuli Tienu.”

Jeremi 10:7

Fini i nibuoli kuli bado, ŋme n kan jie ŋa? Fini n tie lan pundi ban fangi yua, Kelima i nibuoli yanfuodanba kuli siiga, Mi diema buoli kuli siiga, Oba kuli kan niagi leni a.

Mise 4:13

Siyon yaaba, Fii mani ki ŋmaa yi yibalinba, Nani yaa ne n cuoni u jalu nni, Ki ŋmaadi i di yeni. N baa teni yi yina n tua kuboandi. Yi taawoga mo n tua kumoandi. Yi baa ŋmaa ki midi yaa nilanbuoli n yabi, Ki gagidi ki bili bi piama mini ki tinga kuli Diedo po.

Sofoni 2:11

O Diedo baa cie bi jigi, Kelima o baa bolini bi nisaaliba n jigini yaala kuli. Lani, ba yaa nibuoli n ye hali foagima baa gbaani Ki kpiagi o bi diema nni.

Sakari 14:9

Landaali, o Diedo baa yaa tie Ŋanduna kuli bado, Bi niba kuli baa yaa kpiagidi o, Bikuli baa yaa taagi o yeli.

Sakari 4:14

Lanwani, o den guani ki yedi nni: «Li tie U Tienu n gandi yaa niliediba ki wuli bi yula po mi gagidima kpama, ke ban yaa tuuni wani ki tinga kuli Diedo po.»

Sakari 6:5

O den guani ki yedi nni: «Li tie tanpoli tafaali boninaa, yi n ñani i kaanu kani, yin bi ye naani, ki tinga kuli Diedo kani.»

Mi Tiadima 9:3

Lanwani, yin bandi dinla, ke o Diedo yi Tienu ye wani o ba yi liiga, nani yaa mu n buondi yeni. Wani o ba n baa faligi ba, ki bolini ba yi nintuali. Yi baa deli ba likani tontoni, nani o Diedo n den yedi yi maama.

Josue 3:13

Yaa kopadicianba n bugi Li Miali Diedo, ki tinga kuli Diedo ŋantaadikpaku yeni taana yaa sii Jurden ñima yaa yogunu, mi ñima baa jia. Yaa ñima n ña ganu po ki kpendi yeni, baa sedi nani li goanli yeni.»