Josue 3:1 - U TIENU MAAMA TILI 2013

¹ Josue den yagidi ki fii ki ñani Sitimi dogu nni, wani leni Isidayeli yaaba kuli. Bi den pundi Jurden, ki jiidi likani ki baa yuandi ki duodi.

Gourmanchéma Bible

¹ Josue den yagidi ki fii ki ñani Sitimi dogu, wani leni Isalele yaaba kuli. Bi den pundi Judana ki jiidi likani ki baa yuandi ki duodi.

Josue 3:1 ပူးပေါင်းရင်းမြစ်များ

Mi cilima 21:14

Abalahama den fii ku tiŋaapanpangu. O den taa mi jiema leni li ñinbagili, ki puni Agari, ki ŋuani o o biga, ki cabi o. O den gedi ki kua Beri-Seba fanpienma nni, ki yaadi.

Mi cilima 22:3

Abalahama den fii ku tiŋaapanpangu ki paani o ŋunbo li gaali, ki go taa naacenbilie leni o bijua Isaaka. O den yagidi ti daadi mi padifantama po, ki fii ki baa gedi U Tienu n den waani o yaa kaanu.

Pisomi 119:60

N jaligi ki kubi a bali maama, Ki naa ŋaa ke u yogunu pendi.

Jeremi 25:3

«Hali Josiasi Anmoni bijua, Juda bado, piiga n bintaali, ki ban tuu dinla, piilie n binataa ke o Diedo maadi leni nni. N guani ki tiadi yi laa maama ki naa cedi, ama yi naa cengi nni.

Jeremi 26:5

yi yàá diadi yi tuba ki baa cengi n naacenba bi saawalipuaba maama, min soani yi po yaaba, kelima n tuuni ba yi kani yogunu kuli ki naa cedi, ama yi naa cengi ba.

Jeremi 7:13

Mini o Diedo yedi: ‹Nani yin soani laa tuona kuli yeni, nani min maadi leni yi, ke yi naa cengi, nani min yini yi, ke yii tuo yeni, yin dugi yaa diegu po, ki taagi n yeli ku nii nni, min den puni yi baanba yaa kaanu yeni, n baa soani laa kaanu nani min den soani Silo maama yene.

Mise 6:5

N niba, tiadi mani Moabi bado Balaki n den jagi Ke o baa tieni yi yaa bonbiadila, Ki go tiadi Beori bijua Balaam N den guani o yaa maama. Tiadi mani yaala n den tieni Li sancenli nni kuli, Ki cili Sitimi ki pundi hali Giligali. Tiadi mani lani kuli ki bandi mini o Diedo N den tieni yi po yaa ŋanbili kuli.› »

Mi Coadima 25:1

Isidayeli yaaba den kaa Sitimi. Lankani bi den cili ki cagini bi yula leni Moabi yaaba bisiaba.

Marki 1:35

Jesu den yagidi ki fii ke li daa faa, ki ñani ki gedi naani n foagi leni bi niba n ye naani, ki ban jaandi.

Josue 2:1

Isidayeli yaaba n den ye Sitimi dogu nni, Nun bijua Josue den fiini bi siiga nibilie. O den soani ba ŋasiili nni, ban duodi ki ban goandi mi diema, ki diidi Jeriko dogu bonŋanla. Bi den fii ki gedi ki ban pundi ki kua yaa puokpagili n yi Rahabi diegu nni, ki duani.

Josue 6:12

Josue den yagidi ki fii. Bi kopadicianba den taa o Diedo ŋantaadikpaku ki bugi.

Josue 6:15

Li daleleeli, bi den yagidi ki fii ki gaani ki lindi u dogu, nani ban yen tiendi maama. Bi den lindi u taalimilele. Landaali bebe yo, ke bi den lindi u dogu taalimilele.

Josue 7:16

Josue den fii ku tiŋaapanpangu, ki teni ke Isidayeli yaaba nagidi U Tienu nintuali buolu buolu. Li den cuo Juda yaa buolu.

Josue 8:10

Josue den fii ku tiŋaapanpangu, ki goandi o toatiecaga. Wani leni Isidayeli nikpela kuli den kua bi liiga, ke bi gedi ki baa n baa Ayi.

Bi Bujiaba 20:19

Isidayeli yaaba den fii ku tiŋaapanpangu, ki cili li cenli ki ban kpaa bi toanagili ki kuu Gibeya.

1 Samueli 17:20

Davidi den fii ku tiŋaapanpangu ki ŋaa ti yandi leni yankpaatoa, ki taa o tugili ki gedi nani Isayi n den puogi o maama. Wan den pundi li toanagili kani yaa yogunu, a toagola den caa ki baa caligi li toatuogili kaanu, ki yiedi i toayiedi.