Josue 24:7 - U TIENU MAAMA TILI 2013

⁷ Lanwani, yi yaajanba den mua ki mia mini o Diedo, ke n den teni ke li biigili tieni yi buolu leni Ejipiti yaaba siiga. N den teni ke mi ñincianma guani ki milini ba. Yi laa min den soani Ejipiti yaaba maama. Li yaa puoli, yi buolu den waagi ki ye mi fanpienma nni.

Gourmanchéma Bible

⁷ Lanwani yi yaajanba den mua ki mia mini Li Miali Diedo ke n den teni ke li *biigili tieni yi buolu yaaba leni Ejipiti yaaba siiga. N den teni ke mi ñincianma guani ki milini ba. Yi bani bonŋanla min den soani Ejipiti yaaba maama. Li yaa puoli yi buolu yaaba den waagi ki ye mi fanpienma nni.

Josue 24:7 ပူးပေါင်းရင်းမြစ်များ

Mi Ñama 14:10

Faraon n den nagidi, Isidayeli yaaba den yaadi ki diidi ki laa ke Ejipiti yaaba ŋua bi puoli. Ti jawaanciandi den cuo ba, ke bi buudi ki mia o Diedo.

Mi Ñama 14:20

Ku den se Ejipiti yaaba toagoli leni Isidayeli yaaba goli siiga. Li den biigi bine po, ki yieni bine po. Laa ñiagu kuli, a golieda yeni naa den nagini aya.

Mi Ñama 14:31

Isidayeli yaaba den laa o Diedo n den pua Ejipiti yaaba leni o nuu yuu n pia u paalu maama. Lani, bi niba den jie o Diedo, ki dugi wani leni o naacemo Musa po.

Mi Tiadima 1:46

Yi go den sedi Kadesi yeni ke li waagi nani yin den kpa tieni likani yaa dana banlu.

Mi Tiadima 2:14

Tin den ñani Kadesi-Barneya, ti den puagi piitaa n binanii yo, ki fidi ki kandi Seledi kpenu. Laa puagidi nne, ke yaa jaba n den baa fidi ki gedi toabu, ki tie laa nifiima kuli den bodi, nani o Diedo n den poli ki yedi ba maama.

Mi Tiadima 29:2

Yi nuni den laa laa tuonciama, laa sinankeeninba leni laa bancianma kuli.

Mi Tiadima 4:34

Naani li kpa baa yaa tienu n cua ki gandi u yuli po nibuolu nibuotoe siiga? Naani tiento kpa tieni biigima, sinankeene, bancianma, bonlidinkaala, jama leni paalu, nani Li Miali Diedo yi Tienu n tieni yi po maama, yi nunbu nni, Ejipiti nni?

Hebilunba 3:17

O pali den be leni ŋmenbe hali bina piinaa? Laa tie yaaba n den tiendi ti tuonbiadi, ki kpe ke bi tinkpila baa ki yadi yadi mi fanpienma nni ka?

Josue 5:6

Isidayeli yaaba den cuoni mi fanpienma nni bina piinaa, hali ke yaa jaba n den ñani Ejipiti nni ki pundi ki gedi toabu, ki naa cengi ki tuo o Diedo maama kuli den kpe. U Tienu den poli ki yie bi po, ki waani ba ke o kan teni ban le wan den poli ki niani ke o baa pa bi yaajanba yaa diema, mi naaŋanma leni ti siadi n dua yaa diema nni yeni.