Josue 24:31 - U TIENU MAAMA TILI 2013

³¹ Josue miali dana nni kuli, Isidayeli yaaba den ŋua o Diedo. Isidayeli yaaba go den baa ki ŋua o Diedo, Josue n den kpe ki ŋaa yaa nikpela, ke bi laa o Diedo ŋanbili Isidayeli yaa po moko, yaa miali dana nni kuli.

Gourmanchéma Bible

³¹ Isalele yaaba den ŋua Li Miali Diedo Josue miali dana banlu kuli, leni yaa nikpela n den laa Li Miali Diedo*ŋanbili Isalele yaaba po ke Josue kpe ki ŋa ba moko yaa miana dana yaa banlu kuli.

Josue 24:31 ပူးပေါင်းရင်းမြစ်များ

Mi cilima 14:10

Sidima joaloangu den pia ki tinga sinboanma caana boncianla, Sodomi bado leni Gomori bado den sani ki bua ki ciadi bu toabu po, ki den baa a caana yeni niinni. Yaaba n sieni den sani ki kua a juana nni.

2 Bi Badiba Jama 24:2

Yoasi den tieni yaala n den tiegi o Diedo po, o kopadiciamo Yeoyada miali yogunu kuli nni.

2 Bi Badiba Jama 34:33

Josiasi den ñani yaa cancagintuona buoli kuli n den ye Isidayeli diema nni, ki tigini Isidayeli yaaba ke bi kpiagidi o Diedo bi Tienu. Josiasi miali dana nni kuli, oba kuli ki jadi ki ŋaa o Diedo bi yaajanba Tienu.

Jesu Tondiba Tuona 20:29

N bani ke n yaa fii, yaaba n tie nani i fuasangbanbiadi yeni, baa kua yi siiga. Bi kan cedi u yankulu.

Mi Tiadima 11:2

Dinla n yaa maadi, mii bagi yi bila ka, kelima baa bandi o Diedo yi Tienu tundi. N maadi leni yinbe, yinba yaaba n den laa U Tienu yabinu, o paalu leni o nuu yuu n pia u fidu.

Mi Tiadima 11:7

Yinba yi baa, yi nuni den laa o Diedo n den tieni yaa tuoncianli kuli.

Mi Tiadima 31:13

Lani, bi bila yaaba n ki bandi ma, baa gbadi ma, bi go baa ki bandi ki yaa fangi o Diedo yi Tienu yogunu kuli. Yeni, yi baa yaa ye yin baa kandi Jurden ki kua ki diedi yaa diema yeni niinni.»

Mi Tiadima 31:29

N bani ke n yaa kpe, yi baa joagini ki go fiagi yi yula, ki ŋaa min bili yi po yaa sanu yeni. Lani, fala baa faa ki ŋmaa yi, kelima yi baa tieni mi biadima, hali maama ke yi baa fiini o pali leni yi nii bontienkaala.»

Filipi 2:12

Lanwani, n buakaaba, nani yin den tuo ki tiendi min yedi yaala min den ye leni yi yaa yogunu kuli maama, moala min kaa go ye leni yi yeni, yin go yaa tiendi yeni ki pugidi. Yin yaa moandi leni li fangili leni mi digibima, ki yaa ye yi tindima yema.

Bi Bujiaba 2:10

Yaaba n den taa fiima leni Josue kuli moko den kpe ke nifiitoama yuandi ki ŋoadi bi puoli, yaama n kaa den bani o Diedo leni wan den ŋanbi Isidayeli yaaba po maama.

Bi Bujiaba 2:6

Josue den cabi ku niligu. Bani Isidayeli yaaba den lebidi ki kuni yuakuli wan den baa yaa tinga po, ki diedi mi diema.

Bi Bujiaba 2:7

Josue miali dana nni kuli, Isidayeli yaaba den ŋua o Diedo. O kuuma puoli, bi den ŋoadi o Diedo yaa nikpela n den laa o Diedo ŋanbicianli kuli Isidayeli yaaba po, yaa miana dana nni kuli.