Josue 24:19 - U TIENU MAAMA TILI 2013

¹⁹ Ama Josue den yedi Isidayeli yaaba: «Yi kan fidi ki yaa ŋua Li Miali Diedo, kelima o tie U Tienu, ki gagidi ki ŋani cain, ki go pia li nunponli mo. O kan tieni yi po sugili yi yiema leni yi tuonbiadi kuli po.

Gourmanchéma Bible

¹⁹ Ama Josue den yedi Isalele yaaba: «Yi kan fidi ki yaa ŋua Li Miali Diedo, kelima o tie U Tienu ki gagidi ki ŋani cain, ki go pia li *nunponli mo. O kan tieni yipo sugili yi yiema leni yi *tuonbiadi kuli po.

Josue 24:19 ပူးပေါင်းရင်းမြစ်များ

2 Bi Badiba Jama 36:16

Ama bi den ñuadi U Tienu tonda, ki fali bi maama, ki sugi o saawalipuaba, hali ke o Diedo pali den fii o niba po maama, ke laa go pia sugili.

Pisomi 99:3

Ban pagi a kelima a yeli yabi, Ki go pia i jeje, A gagidi ki ŋani mo.

Pisomi 99:5

Pagi mani o Diedo ti Tienu, Gbaani mani o taaŋmaakaanu kani, Ki pugi o kelima o gagidi ki ŋani!

Pisomi 99:9

Pagi mani o Diedo ti Tienu! Gbaani mani o joagagidikaali po, Kelima o Diedo ti Tienu ŋani.

Mi Ñama 20:5

Yin da gbaani ki pugi la, yin da kpiagi la mo, kelima mini Li Miali Diedo yi Tienu, n tie yaa Tienu n pia li nunponli. N guandi bibaanba biadima panpaani bi bila kani, hali nifiimitaa bi nifiiminaa, yaaba n nani nni po.

Mi Ñama 23:21

Cengi o maama, tieni wan yedi a yaala, ŋan da fiini o po yiema, kelima mini n soani o. O kan pa ŋa sugili a yaa fiini o po yiema.

Mi Ñama 34:14

Yin da gbaani ki pugi buloba kuli, kelima o Diedo tie li nunponli daano. O tie yaa Tienu n pia li nunponli.

Mi Ñama 34:7

Yua n kubi yaa buama n kan lebidi hali nifiima tudili po, ki tiendi sugili i tagili po, mi yiema leni ti tuonbiadi kuli po, ama o kan saa i tagili danba po i moamoani. Yua n teni ke ti tuonbiadi danba bila leni bi yaabila tugi bi tuonbiadi panpaani, hali ki pundi nifiimitaa leni nifiiminaa kuli.»

Esayi 2:9

Li tie lani yaa po yo ke bi nisaaliba Godi ki buani ki baa le i fe. Ŋan da tieni bi po sugili.

Esayi 27:11

I beni yaa kuodi bi yen kua yi, Bi puoba n cua ki taa yi ki ban kuuni. Li den tie yaa niba n ki pia yanfuoma, Yua n den tagi ba ki den gbadi bi ninñima, Yua n den tagi ba ki den juogi ba.

Esayi 30:11

Ŋaa mani u sanu, Jadi mani ki ŋaa u sanu Ñani mani ti nintuali Isidayeli Tienu Yua n Gagidi ki ŋani yeni.»

Esayi 30:15

Li Miali Diedo U Tienu Isidayeli Tienu Yua n Gagidi ki ŋani yedi: Yi guanma U Tienu kani N baa cuani yi po mi yanduanma Leni mi faabima. Yi paalu ye mi yanduanma leni ti dugidi nne. Ama yi naa bua la,

Esayi 5:16

Li Miali Diedo U Paaciamu Kuli Daano Baa baa ti pagidi o bujiali nni. U Tienu, Yua n Gagidi ki ŋani mo Baa doagidi ke o gagidi ki ŋani O teginma nni.

Levi 10:3

Musa den yedi Alono: «U Tienu o Diedo den tuodi ki waani yi lane wan den yedi: ‹N bua ke yaa niba n nagidi nni n yaa fangi n gagidiŋanma, ki kpiagi nni bi niba kuli nintuali.› » Alono den ŋmini suo.

Levi 11:44

N tie Li Miali Diedo yi Tienu, yi baa gagidi ki ŋanbidi yi yula, ki yaa ŋani cain, kelima n gagidi ki ŋani cain. Yin da joagini yi baa leni yaa bonfuoda n balini tiipo yeni.

Levi 11:45

N tie Li Miali Diedo yua n den teni ke yi ñani Ejipiti diema nni, ke min yaa tie yi Tienu. Yi baa gagidi ki ŋanbidi yi yula, kelima n gagidi ki ŋani.»

Levi 19:2

«Maadi leni Isidayeli yaaba nitaanli kuli ki yedi ba: Yi baa gagidi ki yaa ŋani kelima mini Li Miali Diedo yi Tienu, gagidi ki ŋani.

Levi 20:26

Yi baa yaa tie n po bi nigagidiŋanba, kelima mini Li Miali Diedo gagidi ki ŋani. N den gagidi ki ñani yi i nibuoli nni, ke yin yaa tie n yaaba.

Levi 20:7

Yin gagidi ki yaa ŋani n po, kelima n tie Li Miali Diedo yi Tienu.

Nahumi 1:2

O Diedo tie yaa Tienu N pia li nunponli ki tuugi li panli. O Diedo tuugi li panli, O pabienli bia boncianla. O Diedo tuugi o koanginkaaba li panli Ki kan tieni o yibalinba po sugili mo.

Habakuki 1:13

Ama a gagidi ki ŋani boncianla, Hali yaala ke a kan fidi ki yaa nua yaa bonla n bia. A kan fidi ki yaa nua fala ki ŋmini. Lanwani, be yaa po ke a baa yaa ŋmini Ki nua yaaba n janbidi bi lieba? Be yaa po ke bi nibiadiba yaa bolindi Yaaba n tiegi ki cie ba, A yen ŋmini kaa tua liba?

Matie 6:24

Oba kuli kan fidi ki yaa tuuni canbaanbilie po, kelima o yàá baa nani o canbaankpialo ki bua o canbaanlielo, o nan baa yaa taabi o kpialo ki fali o lielo wani. Yi kan fidi ki yaa taa ki tuuni U Tienu leni ŋalimani po.

Josue 24:18

Li Miali Diedo den deli ti po i nibuoli kuli leni Amori yaaba, yaaba n den kpa ye mi naa diema nni. Lani yaa po, timoko baa yaa ŋua wani Li Miali Diedo yo, kelima wani n tie ti Tienu.»

Josue 24:23

O go den yedi ba: «Lanwani, yin ñani bi nilanba buli yii n ye yi siiga, ki ŋanbi ki tabini Li Miali Diedo, Isidayeli Tienu leni yi pala kuli.»

Ruti 1:15

Noemi den yedi Ruti: «Diidi, a puolielo lebidi ki guani o buolu leni o tieni po. Amo n lebidi ki guani nani a puolielo n tieni maama.»

1 Samueli 3:14

Li tie lani yaa po ke n poli Eli diegu po ki yedi, ke Eli diegu tuonbiaciandi kan baa sugili abada, baa a pada, bi wan baa pa nni yaa paabu kuli, kan teni ban baa sugili.»

1 Samueli 6:20

Lane Beti-Semesi yaaba den yedi: «Ŋme n baa fidi ki yaa ye ki fo o Diedo U Tienu Yua n Gagidi ki ŋani nintuali? Ku kpaku baa gedi le ki foagidi ti kani?»