Josue 24:11 - U TIENU MAAMA TILI 2013

¹¹ Yi den duodi Jurden, ki ban pundi Jeriko, Jeriko yaaba den tuogi leni yi bu toabu. Amori, Perisiti, Kanana, Hititi, Giligasi, Hiviti leni Jebusi yaaba moko den tuogi leni yi bu toabu. N den teni ke yi paadi bikuli.

Gourmanchéma Bible

¹¹ Yi den duodi Judana ki ban pundi Jeliko, Jeliko yaaba den tuogi leni yi bu toabu. Amola yaaba, Felesa yaaba, Kanana yaaba, Heta yaaba, Giligasa yaaba, Hefa yaaba leni Jebusa yaaba moko den tuogi leni yi bu toabu. N den teni ke yi paadi bikuli.

Josue 24:11 ပူးပေါင်းရင်းမြစ်များ

Mi cilima 15:19

Laa diema kuli tie Kena, Keni, Kadoma,

Pisomi 105:44

O den puni ba dietoama tinmu, Ke bi dini nibuotoe tuonli ñuadi.

Pisomi 114:3

Mi ñincianma den laa ba ki fii ki sani, Jurden mo yaa kpenu den sudi ki guani puoli.

Pisomi 114:5

Mi ñincianma, be n pia ŋa ke a tiini? Jurden kpenu, be n teni ke a sudi ki guani puoli?

Mi Ñama 13:5

O Diedo yaa teni ke yi kua Kanana, Hititi, Amoriti, Hiviti leni Jebusi yaaba diema nni, wan den poli yi baanba po ke o baa pa yi yaa diema, mi naaŋanma leni ti siadi n dua naani, yin kubi mi naa jaanma binli kuli, o naa ŋmaalo yaa niinni.

Mi Ñama 23:23

N maleko baa kua a liiga ki gobidi ki gedini a yaa nibuoli n tie ne diema nni: Amoriti, Hititi, Perisiti, Kanana, Hiviti leni Jebusi yaaba. Nmo baa bolini bikuli.

Mi Ñama 23:28

N baa soani a lonlona n deli Hiviti yaaba, Kanana yaaba leni Hititi yaaba a nintuali.

Mi Ñama 23:31

A diema baa cili mi Ñincianmoanma kani, ki yaa caa hali Filisiti yaaba ñincianma. Mi go baa taa mi fanpienma kani, ki ban pundi u kpenciamu kani, kelima n baa teni ŋan paadi yaaba n ye likani. A baa deli ba a nintuali.

Mi Ñama 3:17

ke n yedi ke n baa teni yin ña Ejipiti nni, yin laadi fala naankani. N baa teni yin kua Kanana, Hititi, Amoriti, Perisiti, Hiviti leni Jebusi yaaba diema nni, mi naaŋanma leni ti siadi n dua naani.›

Mi Ñama 3:8

N jiidi ki baa faabi ba Ejipiti yaaba nuu nni, ki teni ban ña laa diema nni, ki kua yaa diema n ŋani ki go yabi yaa niinni. Mi naaŋanma leni ti siadi n dua naani. Li tie Kanana, Hititi, Amoriti, Persi, Hiviti leni Jebusi yaaba n ye yaa diema nni.

Mi Ñama 33:2

N baa soani n maleki wan yaa ye liiga ki cangi yi. N baa deli Kanana, Amoriti, Hititi, Perisiti, Hiviti leni Jebusi yaaba.

Jesu Tondiba Tuona 13:19

Li yaa puoli, o den bolini nilanbuolilele Kanana diema nni, ki puni o buolu ke u diedi bi diema.

Jesu Tondiba Tuona 7:45

Li yaa puoli, Josue n den gobidi ti yaajanba yaaba den kuani li gbandieli yeni mi naa diema nni. Bi den diedi yaa nibuoli n den ye ne kelima U Tienu den deli ki ñani ba bi nintuali. Li gbandieli yeni den ye ne hali ki pundi Davidi yogunu.

Mi Tiadima 7:1

O Diedo yi Tienu yaa gobidi ki kuani yi yin baa diedi yaa diema yeni niinni, o baa deli yi nintuali yaa nibuoli n yabi ki cie yi. Lani n tie: Hititi, Giligasi, Amoriti, Kanana, Hiviti, Perisiti leni Jebusi yaaba. Laa nibuoleleedi pia u paalu ki cie yi.

Josue 3:10

Yaala n baa teni yin bandi ke U Tienu yua n fo ye yi siiga, ke o baa deli yi po Kanana yaaba, Hititi, Hiviti, Perisiti, Giligasi, Amori leni Jebusi yaaba tie line:

Josue 4:1

Isidayeli yaaba kuli n den duodi Jurden ki gbeni, o Diedo den yedi Josue:

Josue 4:19

Ku niligu den duodi Jurden li binli ŋmakpialo dapiiga daali, ki kpaa bi nagili Giligali dogu kani, Jeriko puoli.

Josue 4:23

O Diedo yi Tienu den teni ke Jurden kuodi, ke yikuli den baa ki duodi nani wan den tieni mi Ñincianmoanma maama, ke ti den baa ki duodi.

Josue 9:2

kuli den taani ki tuu ñoabu, ki bua ki tuogi Josue leni Isidayeli yaaba bu toabu.