Josue 23:14 - U TIENU MAAMA TILI 2013

¹⁴ Diidi ki le mani, moala n dana tuoni. Yin bandi leni yi pala kuli leni yi yantiana kuli, ke o Diedo yi Tienu n den niani yi yaa ñoanianŋami kuli, ba yendu ki tua fanma, laa ñoaniani kuli kua cain.

Gourmanchéma Bible

¹⁴ Diidi ki le mani, moala n dana tuoni. Yin bandi mani leni yi pala kuli leni yi yantiana kuli ke Li Miali Diedo yi Tienu n den niani yi yaa ñoanianŋami kuli baa yendu ki tua mafanma, laa ñoaniani kuli kua cain.

Josue 23:14 ပူးပေါင်းရင်းမြစ်များ

Mi cilima 47:29

Isidayeli n den sua ke o kuuma yogunu bua ki pundi, o den yini o bijua Josefi ki yedi o: «Li yaa tie ke a pali mani n po, n mia ŋa, ŋan soali a nuu n panli tiipo, ki poli ke n baa fidi ki dugi a buama po. Ŋan da piini nni Ejipiti diema nni.

1 Bi Badiba 2:2

«N baa guani bi dankpeliba po. Ŋan cuo ki sieni a gbanu ki tua joa.

1 Bi Badiba 8:56

«N jaandi ki kpiagi o Diedo yua n puni o niba Isidayeli yaaba mi yanduanma nani wan den niani maama. Wan den teni ke o naacemo Musa soagini yaa maama kuli, mi siiga ba mayenma naa poadi kaa tieni.

Jobi 30:23

N bani ke a li caani nni mi kuuma nne, Bi niba kuli n baa taani ki kadi naani.

Mi Ñama 3:8

N jiidi ki baa faabi ba Ejipiti yaaba nuu nni, ki teni ban ña laa diema nni, ki kua yaa diema n ŋani ki go yabi yaa niinni. Mi naaŋanma leni ti siadi n dua naani. Li tie Kanana, Hititi, Amoriti, Persi, Hiviti leni Jebusi yaaba n ye yaa diema nni.

O Yanfuodaano 12:5

A baa yaa jie li gbanli doma, li cenli baa yaa tie a po duoli. A yudi baa pendi nani ti kunkundi yeni. A gbanu baa kpiagi, liba kuli kan go yaa ye a yama nni, kelima dayenli nilo kuli baa guani o diejuodikaali nni. Yaaba n mua mi kuuma mo baa yaa gaandi i sani nni.

O Yanfuodaano 9:10

Ŋan baa fidi ki tieni yaala leni a fidu kuli, ŋan tieni la, kelima tuonli, bi kpaagili, bi banma, bi yanfuoma naa ye bi tinkpiba kaanu ŋan caa nan po yeni.

Esekieli 20:28

N den gedini ba min den yugidi n nuu ki poli ke n baa pa ba yaa diema nni. Bi den yaadi ki diidi yaa juana n kpedi leni yaa tiidi n biigi, ki den padi bi pada lankani. Bi den bieni n pali leni ban den kpendinni likani yaa paabu, yaa padijuukaana leni ban den cabini yaa ñincaba kuli.

Mi Coadima 23:19

U Tienu ki tie nisaalo ka, ki baa pua mi faama, Waa tie nisaalo ka, ki baa lebidi o yantiali. Waa bili bonla, ki daa tieni la! Naani o baa niani ñoanianu, kaa baa kuani o cuu?

Luki 21:33

Tanpoli leni ki tinga kuli baa pendi, ama n maama kan pendi abada.

Hebilunba 9:27

Nani lan bili ke nisaalo kuli baa kpe yenma maama, li yaa pendi ti buudi n cua,

1 Samueli 3:19

Samueli den fandi ki pugidi, ke o Diedo mo den ye leni o. Wani o Diedo ki den tuo ke Samueli n maadi o po yaa maama kuli, ba mayenma n tua fanma.