Josue 22:5 - U TIENU MAAMA TILI 2013

⁵ Moandi mani ki tuo ki yaa ŋua o Diedo naacemo Musa n den soagini yi yaa bali maama. Lani n tie yin yaa bua o Diedo yi Tienu, ki tuo ki yaa tiendi wan bua yaala, ki yaa kubi o ñoamabona, ki yaa taabi o, ki tuuni o po leni yi pala kuli leni yi yantiana kuli.»

Gourmanchéma Bible

⁵ Yin faami ki tuo ki yaa ŋua Li Miali Diedo naacemo Musa n den soagini yi yaa *balimaama be. Lani n tie yin yaa bua Li Miali Diedo yi Tienu, ki tuo ki yaa tiendi wan bua yaala, ki yaa kubi o ñoamabona, ki yaa taabi o ki tuuni opo leni yi pala kuli, leni yi yantiana kuli.»

Josue 22:5 ပူးပေါင်းရင်းမြစ်များ

Pisomi 106:3

Li pamanli ye leni yua n ŋua yaa bujiali n tiegi, Ki tiendi mi teginma yaa yogunu kuli.

Pisomi 78:7

Ke ban dugi o Diedo po, Ki da sundi wan tieni yaala, Ki go tuo o bali maama mo,

Mi Ñama 15:26

O den yedi: «Yi yaa cengi o Diedo yi Tienu maama bonŋanla, yi yaa tieni yaala n tiegi o nintuali, yi yaa diadi yi tuba ki cengi o bali maama, ki go tieni o mabilikaama kuli, n kan pua yi leni min den pua Ejipiti yaaba leni yaa yiani kuli, kelima n tie Li Miali Diedo yua n paagidi a.»

Mi Ñama 20:6

Ama n gba mi ninñima yaaba n bua nni, ki go kubi n bali maama po, hali nifiima tudili.

Mi Ñama 23:13

Yin ŋoadi n ñoamabona kuli bonŋanla. Yin da gbaani tientoe nintuali, ban da gbadi bi maama yi ñoana nni mo.

Mi Ñama 23:25

Yi baa yaa tuuni Li Miali Diedo yi Tienu po. O baa seligi yi jiema leni yi ñima. N baa deli ki ñani u yianu yi siiga.

Mi Kpanjama 4:23

Ŋan fangi a yuli leni ŋan kpaagi yaala a pali nni, Kelima a miali ñiali n yeni.

Esayi 55:2

Be n teni ke yi biigidi yi ligi, Yaala n kaa tie jemoanma po? Be n teni ke yi tuuni, Yaala n kan guoni yi po? Lanwani, cengi mani n yedima, Ki nan je mani yaala n mani. Yi pala baa mangi kelima yaa jiema N mani bonŋanla po.

Jeremi 12:16

Bi yaa bangi n niba sani, bi yaa poli n yeli nni ki yedi: «Li Miali Diedo fo!» Nani ban bangi n niba ke bi polini o bulo Baali yeli nni maama yeni, lanwani, bi baa guani ki kali n niba siiga.

Matie 22:37

Jesu den guani ki yedi o: «Ŋan bua o Diedo a Tienu leni a pali kuli leni a miali kuli leni a yantiali kuli.

Matie 4:10

Jesu den yedi o: «Fuadi likani Sutaani, kelima li diani: ‹A baa kpiagi o Diedo a Tienu, ki yaa jaani wani bebe.› »

Matie 6:24

Oba kuli kan fidi ki yaa tuuni canbaanbilie po, kelima o yàá baa nani o canbaankpialo ki bua o canbaanlielo, o nan baa yaa taabi o kpialo ki fali o lielo wani. Yi kan fidi ki yaa taa ki tuuni U Tienu leni ŋalimani po.

Luki 1:74

Ke o baa gaa ti ti yibalinba nuu nni Ki teni tin yaa jaandi o kaa jie,

Jan n diani U Tienu Laabaaliŋamo maama 12:26

O nilo yaa tuuni n po, wan yaa ŋua nni. Min baa yaa ye naani, wani n naacemo mo baa yaa ye lankane. Yua n tuuni n po kuli, n Baa baa jigini o.

Jan n diani U Tienu Laabaaliŋamo maama 14:15

Yi yaa bua nni moamoani, yi baa kubi n bali maama.

Jesu Tondiba Tuona 11:23

Wan den pundi ki laa U Tienu ŋanbili, o pali den mangi. O den tundi bikuli ke ban yaa ŋua o Diedo leni payenli.

Jesu Tondiba Tuona 27:23

U Tienu yua n die nni ke n tuuni o po yeni, maleko doagidi o yuli n po ku naa ñiagu,

LOMA YAABA 1:9

U Tienu, min ŋua yua leni payenli, ki wangi o Bijua Laabaaliŋamo, tie n siedo, ke n tiadi ki taagi yikuli yela yogunu kuli

LOMA YAABA 12:9

Yin da bua yi lieba mo leni palalie. Yin yaa nani yaala n bia, ki yaa kubi yaala n ŋani ke li pa.

LOMA YAABA 8:28

Ti bani ke U Tienu tuuni li bonla kuli nni, yaaba n bua o ŋamu po, bani, wan yini yaaba o yanjagili po.

Mi Tiadima 10:20

Yi baa fangi Li Miali Diedo yi Tienu, ki yaa kpiagidi o, ki kuani yi yama o niinni, ki go yaa polini o yeli nni.

Mi Tiadima 11:1

Musa den yedi: «Yi baa yaa bua o Diedo yi Tienu, ki yaa kubi o mabilikaama, o ñoamabona, o bujiali tundi leni o bali maama yogunu kuli.

Mi Tiadima 11:13

Yi yaa tuo ki ŋua min teni yi yaa bali maama dinla nne. Yi yaa tuo ki baa yaa bua o Diedo yi Tienu. Yi yaa tuo ki baa yaa kpiagidi o leni yi pala kuli leni yi yantiana kuli.

Mi Tiadima 11:22

Yi yaa kubi min teni yi yaa bali maama ne kuli bonŋanla, ki tiendi man yedi yaala, ki bua o Diedo yi Tienu ki cuoni o sani nni, ki kuani yi yama o niinni,

Mi Tiadima 13:4

Yin da cengi laa saawalipualo bi laa baabuulo maama, kelima li tie o Diedo yi Tienu n biigi yi, ki bua ki bandi yi yaa bua o Diedo yi Tienu leni yi pala kuli leni yi yantiana kuli.

Mi Tiadima 4:29

Lankane, ke yi baa lingi o Diedo yi Tienu. Yi baa le o, li yaa tie ke yi lingi o leni yi yantiana kuli.

Mi Tiadima 4:4

Ama yinba, yaaba n den ŋoadi o Diedo yi Tienu yeni kuli, ye dinla leni yi miana.

Mi Tiadima 4:6

Yi baa kubi la, ki go tieni lan yedi yaala. Yi yaa kubi, ki go tiendi lan yedi yaala, nibuotoe baa yaa nua yi ke yi tie yanfuodanba leni banda. Yeni, bi yaa gbadi li naa bali maama.» Lani bi baa yedi: «U naa nibuociamu kan fidi ki yaa tie nibuoto, li yàá tie yaa nibuolu n pia mi banma leni mi yanfuoma yaa ka!»

Mi Tiadima 4:9

Musa den yedi: «Fangi mani yi yula, ki yaa faami yi miana po bonŋanla, yi yema dana nni kuli. Yin da sundi yi nuni n laa yaala. Yin da tuo lan foagidi leni yi pala. Yin bangi la yi bijaba leni yi yaabila.

Mi Tiadima 5:10

Ama n gba mi ninñima yaaba n bua nni, ki go kubi n bali maama po, hali nifiima tudili.

Mi Tiadima 6:17

Ama yi baa yaa kubi o Diedo yi Tienu bali maama bonŋanla, wan den bili yi po yaa ñoamabona leni yaa mabilikaama kuli.

Hebilunba 12:15

Yin fangi yi yula, ke oba n da muni o yuli U Tienu ŋanbili. Yin go fangi yi yula ke yaa jiinu n bia ki to kuli, n da toa a benkpela, ki cuani ti yanyagidi, ki yaa joagindi bi niba boncianla.

Jaki 1:12

Li pamanli ye leni yua n fidi ki juuni mi biigima nni. Bi yaa biigi o ki pagi o yaa yogunu, o baa baa li miali badifogiliga, o Diedo n niani ke o baa pa yaaba n bua o kuli yaaga.

Jaki 2:5

N kpibuadiba, cengi mani! Naani U Tienu ki gandi yaaba n tie luoda ŋanduna nuni po, ke ban tua a piada li dandanli nni, ki go baa wan niani ke o baa pa yaaba n bua o kuli yaa diema ka?

Josue 23:8

Ama yin yaa taabi Li Miali Diedo yi Tienu, nani yin tieni maama ki pundi hali dinla.

Mi Doagidima 15:3

ki yiini U Tienu naacemo Musa yanbu, buni, ki Pebiga yanbu, ki tua: «Li Miali Diedo U Tienu U Paaciamu Kuli Daano, A tuona yabi ki pia mi ñuadima. A sani tiegi ki tie moamoani, Fini yua n tie i nibuoli kuli bado.

1 Samueli 12:20

Samueli den yedi bi niba: «Da jie mani. Li tie moamoani ke yi tieni laa biadima kuli. Ama yin da ŋaa o Diedo. Yin yaa ŋua o leni yi pali kuli.

1 Samueli 12:24

Bonyenla bebe n ye, lani n tie yin fangi o Diedo ki yaa ŋua o moamoani nni leni yi pali kuli. Yin go yaa tiani wan den tieni yi po yaa bancianma po.

1 Samueli 7:3

Samueli den yedi Isidayeli yaaba kuli: «Yi yaa guani Li Miali Diedo kani leni yi pala kuli, yin ñani yi siiga o bulo Asitate leni bi nilanba n ŋua yaa buli kuli. Yin ŋoadi mani Li Miali Diedo leni yi pala kuli, ki yaa tuuni wani bebe yaa po. Lani, o baa faabi yi Filisiti yaaba nuu nni.»