Josue 22:27 - U TIENU MAAMA TILI 2013

²⁷ Tin bua yaala bebe n tie ke li naa padibinbinli n tua siedi tinba leni yinba, ti yaabila leni yi yaabila kuli, tin yaa pia u sanu ki kpiagi o Diedo leni ti padijuukaana, sugili pada leni i jaandi yaa pada. Yeni, yi yaabila kan fidi ki yedi ti yaabila ke baa pia ŋantaadoba leni o Diedo.

Gourmanchéma Bible

²⁷ Tin bua yaala bebe tie ke li naa padibinbinli n tua siedi tinba leni yinba leni ti yaabila leni yi yaa yaabila kuli po ke ti pia u sanu ki kpiagi Li Miali Diedo leni ti padijuukaana, sugili pada leni i jaandi yaa pada. Yeni yi yaabila kan fidi ki yedi ti yaa yaabila ke baa pia ŋantaadoba leni Li Miali Diedo.

Josue 22:27 ပူးပေါင်းရင်းမြစ်များ

Mi cilima 31:48

Laban den yedi: «Dinla li naa binbinli n yaa ye ki tie siedi mini leni fini siiga.» Li tie lani yaa po yo ke bi den yini laa kaanu Galedi, lani n tie “Siedi tanjuaga.”

Mi cilima 31:52

Li naa binbinli n tua siedi, li naa bontiadikaala mo n tua siedi ke n kan kandi li naa binbinli ki cua a kani, ke a mo kan kandi li naa binbinli leni li naa bontiadikaala ki cua n kani, ki tieni yaala n bia.

Pisomi 16:5

O Diedo tie n biinu leni n tadiñokaaga, Min baa faa ki tua yaala kuli ye a nuu nni.

Esayi 19:19

Lanyogunu li padibinbinli baa yaa ye o Diedo po Ejipiti diema siiga. Li bunbunli baa yaa ye o Diedo po u tinbianu kani.

Mi Tiadima 12:11

Lankani n baa yaa tie, o Diedo yi Tienu n gandi yaa kaanu, ki baa teni o yeli n yaa ye. Lankane, yi baa yaa kpendinni min bili yi po yaala kuli. Lani n tie: yi padijuukaana, yi pada, yi diim, yin ñandi yaala o po yi kpaandi nni leni yin baa niani o Diedo yaa paabu kuli.

Josue 22:10

Rubeni buolu, Gadi buolu leni Manase buolu boagidima n den pundi Jurden kpenu kani, ki da ye Kanana diema nni, bi den maa yaa padibinbinli n yabi boncianla, ki kuu u kpenu.

Josue 22:26

Lani yaa po yo, ke ti jagi ki maa li naa padibinbinli. Ama laa tie ke ti baa yaa padi li po a padijuukaana, bi paditoana ka.

Josue 22:28

Ti yedi ti yama nni ke bi yaa ti faa ki maadi tinba, bi ti yaabila laa maama, ti baa fidi ki guani ki yedi ba: ‹Diidi mani ti yaajanba n den maa yaa padibinbinli n tie ne, ki nandi li leni o Diedo padibinbinli. Die baa den maa li ki baa yaa padi li po padijuukaana, bi paditoana ka, ama ke lin yaa tie siedi tinba leni yinba siiga.›

Josue 22:34

Rubeni buolu yaaba leni Gadi buolu yaaba den yedi: «Li naa padibinbinli tie ti po siedi, ke Li Miali Diedo tie U Tienu.» Lanwani, bi den yini li “Siedi.”

Josue 24:27

Lani, Josue den yedi ku niligu kuli: «Diidi ki le mani, ku tanciangu ne baa yaa tie ti po siedi, kelima ku gbadi o Diedo n maadi ti yaa maama kuli. Lani yaa po, ku baa yaa tie yaa siedi n se ki yie yi po, ke yin da buli yi Tienu ki nunga, ki ŋoadi bontoala.»

1 Samueli 7:12

Samueli den taa li tancianli ki bili li Misipa leni Sena siiga ki yini li Eben-Eseri, lani n tie: “Mi todima Tanli,” ki yedi: «O Diedo n todi ti ke ti pundi hali ne.»