Josue 22:22 - U TIENU MAAMA TILI 2013

²² «Ŋain! U Tienu, U Tienu, Li Miali Diedo U Tienu, U Tienu, wani Li Miali Diedo wani, bani yaala yaa po ke ti tieni yeni. Isidayeli yaaba kuli moko baa bandi la. Li yaa tie ke ti fiini yieme, bi ke ti tieni tudibiadime o Diedo po, wan da cedi tin yaa ye.

Gourmanchéma Bible

²² «U Tienu, U Tienu, Li Miali Diedo, U Tienu, U Tienu wani Li Miali Diedo bani yaala yaa po ke ti tieni yeni. Isalele yaaba kuli moko baa bandi la. Li yaa tie ke ti fiini yieme, bi ke ti tieni tudibiadime Li Miali Diedo po, wan da cedi tin yaa ye.

Josue 22:22 ပူးပေါင်းရင်းမြစ်များ

1 Bi Badiba 8:39

fini yua n ye hali tanpoli ŋan pa ba sugili, ki tieni yuakuli po nani o tagu n tie maama, kelima a bani yuakuli pali. Fini bebe n tie yua n bani bi nisaaliba kuli pala.

Jobi 10:7

A bani cain ke mii pia biili, Ke oba mo kan fidi ki faabi nni a nuu nni.

Jobi 23:10

Ama o nan bani n sanu n tie yuu. O yaa ti biigi nni yaa yogunu, N baa ña ki ŋani nani wula yeni.

Jobi 31:22

N boacabili n padi ki baa, N buagu mo n tugidi n nukpandunli kani, Ki baa ki kua kua.

Pisomi 136:2

Pagi mani i tieni kuli Tienu Kelima o ŋanbili ye hali yaa yogunu kuli!

Pisomi 37:6

O baa teni a moamoani n doagidi Nani mi yenma yeni, Ki teni a teginma mo n yaa tie Nani u yienu u yensiicocolu yeni.

Pisomi 40:9

N Tienu n bua ki tieni a yanbuama, Ki kubi a bali maama mo Hali n pali tugu nni.

Pisomi 44:21

Ti yaa den sundi ti Tienu n tie yua, Ki ŋoadi i nilanbuli,

Pisomi 44:22

Naani U Tienu yua n bani li pali nni ŋasiili, Kan bi bandi la?

Pisomi 50:1

Asafi yani siiga yanbu. U Tienu, U Tienu, Li Miali Diedo maadi, Ki yini ki taani ki tinga niba kuli, Ki cili u yienu n pudi naani, Hali wun baali naanpo.

Pisomi 82:1

Asafi yanbu. U Tienu se tanpoli po o taanli siiga, O ja o naacenba buudi i tieni kuli siiga, ki tua:

Pisomi 95:3

Li Miali Diedo tie yaa Tienu n yabi, Ki tie Badiciamo ki cie ban ŋua yaala kuli.

Pisomi 97:7

Yaaba n kpiagidi i buli Leni yaaba n duondi bi yula, Laa bonpendikaala po kuli baa fiagi. I buli mo kuli baa cua, Ki labini o Diedo nintuali ki pugi o.

Mi Ñama 18:11

N bani moala ke Li Miali Diedo pia u paalu ki cie i tieni kuli, kelima o teni ke Ejipiti yaaba biadima guani ki baa bi yula po.»

Jeremi 12:3

Fini o Diedo, a bani nni, A nua nni, a bani yaala n ye n pali nni. Nani ban ñani yaa pe ki baa n kodi yeni, Piadi ki sieni ba mi kodima daali po.

Jeremi 17:10

Mini Li Miali Diedo n biigidi a pala, Ki bandi yaala n ye o nilo yantugu nni, Ki baa guani yuakuli, Nani o sanbila n tie maama, Ki pa yuakuli mo o panpaani, Nani o tuona n tie maama.»

Danieli 11:36

Nujienu po diema bado yeni, baa yaa tiendi wan bua yaala kuli. O baa gbengi oba ki kpiagi o yuli, ki tama ke o cie U Tienu leni i buli kuli, ki go maadi U Tienu yua n cie ban ŋua yaala kuli po mi mabiadima. Wan tieni yaala kuli baa cuoni o po bonŋanla hali U Tienu pabienli n doagidi. Lani, U Tienu n den bili yaala kuli baa tieni.

Danieli 2:47

O bado den yedi Danieli: «I moamoani, a Tienu tie U Tienu ki cie bi niba n ŋua yaala kuli, ki go tie bi badicianba kuli Diedo. Wani bebe n doagidi li bondoaginkaala, kelima a fidi ki doagidi n po li bondoaginkaala yeni.»

Mise 7:9

N tieni ti tuonbiadi o Diedo po, Lani, n baa juuni ki gaa o pabienli tundifala, Hali wan baa ti tua n candanbaalo, Ki saa n po i moamoani yaa yogunu. O baa gedini nni naankani n yieni, Yeni n baa yaa ñuadi o teginma tuona.

Malaki 3:18

Lani, yi baa le yaa paadima n ye bi niteginkaaba leni bi nibiadiba siiga. Yi baa le yaa paadima n ye yaaba n tuuni U Tienu po leni yaaba n ki tuuni o po siiga.»

Jan n diani U Tienu Laabaaliŋamo maama 21:17

Jesu go den buali o mi taataama: «Jan bijua Simon, a sua ke a bua nni bi?» Li den biidi Pieli pali leni Jesu n buali o taalimitaa: «A sua ke a bua nni bi?» Lani, o den yedi o: «N Diedo, a bani li bonla kuli, a bani ke n bua ŋa.» Jesu den yedi o: «Ŋan yaa kubi n pe.

Jesu Tondiba Tuona 1:24

Lani, bi den jaandi ki mia U Tienu ki yedi: «Ti Diedo, fini yua n bani bi niba kuli pala, waani ti bi naa niliediba siiga ŋan gandi yua,

Jesu Tondiba Tuona 25:11

Li yaa tie ke n tieni yaala n bia ke li pundi kuuma, n kan yie ki kpe. Ama ban maadi n po yaa maama yaa tie faama, laa pundi oba kuli n teni nni bi nuu nni. N soagini n buudi Sesari po.»

2 Korenti 11:11

Be yaa po ke n yedi yeni? Li tie ke mii bua yi bi? U Tienu bani ke n bua yi.

2 Korenti 11:31

U Tienu yua n tie o Diedo Jesu Baa, wani yua n pia ti pagidi hali yaa yogunu kuli, bani ke mii pua faama.

2 Korenti 5:11

Nani tin bani o Diedo fangili n tie yaala yeni, ti moandi ki maadi ki guli bi niba. U Tienu bani ti cain, n sugini ke hali yi pala tugidi nni yimoko bani ti cain.

Mi Tiadima 10:17

Li Miali Diedo yi Tienu tie ban pugi yaala kuli Tienu, bi diediba kuli Diedo. O tie yaa Tienu yaa yeli n yabi, ki pia u paalu leni i jeje. Waa tiendi gagidima bi niba siiga, waa gaani suuli mo.

1 Timote 6:16

Wani bebe n ki pia kuuma, Ki ye miali kuli n kan nagini yaa yenma nni. Miali kuli n daa laa yua, Ki kan fidi ki le o mo. Wani n pia yaa jigidi leni yaa paalu N ki pia gbenma, hali yaa yogunu kuli. Amina!

Hebilunba 4:13

Tagimiba kuli ki wuo U Tienu nuni po, likuli ye mubima ki doagidi cain o nuni po, tin baa togidi wani yua ti tuona kuli.

Josue 22:21

Rubeni buolu yaaba, Gadi buolu leni Manase buolu boagidima den guani ki yedi Isidayeli buolu yaaba, yaaba n sieni yudanba yeni:

Mi Doagidima 19:16

O yeli yaali n tie ne, diani ki taabi o kpalibu leni o panli kuli po: “Bi badiba Bado Leni bi diediba Diedo.”

Mi Doagidima 2:23

N go baa kpa o bila moko. Lanwani, Kilisiti Nitaana kuli baa bandi ke n tie yua n nua bi niba yantiana leni bi pala kuli, ki go baa pa yi siiga yuakuli o panpaani, nani wan tieni maama.

1 Samueli 15:23

Mi yiema bia nani u bayuadiidu yeni, U tupaalu mo bia nani i buli ŋoadima yeni. Nani ŋan yie o Diedo yedima yeni, omoko yie ŋa. A kan go yaa tie o niba bado.»

1 Samueli 2:3

Yinba n yibalinba, da go maadi mani leni japaadi. Japaamaama mo n da go ña yi ñoana nni, Kelima o Diedo tie U Tienu ki bani li bonla kuli. Wani n biigidi bi nisaaliba bontienkaala kuli.