Josue 21:27 - U TIENU MAAMA TILI 2013

²⁷ Levi bijua Gersoni yaa puoliŋuani den baa dogilie leni i gaanma Manase buolu yaaba boagidima, yaaba n den kaa puoli po yaa diema nni. Lani n tie Basan nni, Golan dogu yuu n den tie i wuonkaani dogi yeni niinni doyendu leni Beesitera dogu.

Gourmanchéma Bible

²⁷ Lefi bijua Gelisoni yaa puoliŋuani den baa dogi lie leni i gaanma Manase buolu yaaba boagidima yaaba n den kaa puoli po yaa diema nni. Lani n tie Basana nni Golani dogu yu n den tie i wuonkaani dogi yeni niinni doyendu, leni Beesitila dogu.

Josue 21:27 ပူးပေါင်းရင်းမြစ်များ

1 Bi Badiba Jama 6:47

Gersomi mo yaa puoliŋuani n den baa piiga n dogitaa, yii n den tie Isakari buolu, Aseri buolu, Nefitali buolu leni Manase buolu yuu n den tie buolu boagidima, yii n den ye Basan diema tinmu nni.

Mi Tiadima 1:4

Musa n den paadi Sihoni, Amoriti yaaba bado, yua n den ye Hesibon dogu nni leni Ogi, Basan bado, yua mo n den ye Asitaroti leni Edreyi ke li pende, ke laa bonla den tieni.

Mi Tiadima 4:43

Lani n den tie i naa dogi: Beseri yuu n ye mi fanpienma nni, Rubeni buolu yaaba po, Ramoti, Galaadi diema nni, Gadi buolu yaaba po leni Golan Basan diema nni, Manase buolu yaaba po.

Josue 20:8

Jurden boanduoli, Jeriko puoli po mo, bi den gandi Betiseri yuu n ye mi fanpienma nni, Rubeni buolu diema nni, ki go gandi Ramoti yuu n ye Galaadi nni, Gadi buolu diema nni leni Golan dogu yuu n ye Basan nni, Manase buolu diema nni.

Josue 21:26

Lanwani, ban den baa yaa dogi kuli den taani ki tie dogi piiga leni i gaanma.

Josue 21:28

Isakari buolu diema nni, bi den baa doginaa leni i gaanma: Kisiyon, Dabirati,

Josue 21:6

Bi go den toani tiatia ke Gersoni puoliŋuani mo baa piiga n dogitaa Isakari buolu diema nni, Aseri buolu diema nni, Nefitali buolu diema nni leni Manase buolu boagidima yaaba n kaa Basan diema nni.