Josue 2:19 - U TIENU MAAMA TILI 2013

¹⁹ Bi siiga nni, niloba yaa ñani a diegu nni, o soama baa jiidi o yuli po, o tagili ki ŋua tinba. Ama ti siiga nni, nilo yaa maani o nuu yua n taa ki ye leni a a diegu nni kuli po, ki kpa o, o soama baa yaa ye ti yaa yula po yo.

Gourmanchéma Bible

¹⁹ Bi siiga nni niloba yaa ñani a diegu nni, o soama baa jiidi o yaa yuli po, o tagili ki ŋua tinba. Ama ti siiga nni nilo yaa maani o nuu yua n taani ki ye leni a a diegu nni kuli po ki ku o, o soama baa yaa ye ti yaa yula po.

Josue 2:19 ပူးပေါင်းရင်းမြစ်များ

2 Samueli 1:16

Davidi den yedi: «Ŋan bi yedi ke a kpa o Diedo n gandi yua yeni, a ñoabu n cuo ŋa. Lani yaa po, a soama tagili n guani ki baa a yuli po.»

2 Samueli 4:11

Lanwani, bi nibiadiba yaa kua yaa nilo n ki pia tagili dieli nni ki kpa o o duanu po, li baa gaa lede ke n kan buali yi o soama? N baa bolini yi mi tinfanma nni.»

1 Bi Badiba 2:32

O Diedo baa teni o soama n guani ki baa o yuli po, kelima o den kpa nibilie yaaba n tiegi, ki go ŋani ki cie wani, ke n baa Davidi ki bani lipo. Lani n tie Neri bijua Abineri, Isidayeli yaaba toatieba yudaano leni Yeteri bijua Amasa, Juda yaaba toatieba yaa yudaano.

Mi Ñama 12:13

Mi soama baa yaa tie mi maalima yin ye yaa diedi nni. N baa le mi soama ki pendi ki ŋaa yi. Lani, o falabiado kan baa yi min baa pua Ejipiti diema yaa yogunu.

Mi Ñama 12:22

Yi baa taa isope faadi ki pagini yaa soama n ye ku tadigu nni, ki faani li buliñoatuogili buliñoa-kpiandaadi leni a buliñoagundilieda. Yin faani ti leni yaa soama n ye ku tadigu nni. Yi siiga oba kuli n da ña o dieli nni, ki cili lanyogunu, hali ki pundi ku tiŋaagu.

Mi Ñama 12:23

O Diedo yaa fii ki baa pua Ejipiti yaaba, ki laa mi soama li buliñoatuogili leni ti buliñoa-kpiandaadi po, o baa pendi ki ŋaa laa buliñoabu yi po. O kan tuo ke o bolindo n kua yi diedi nni, ki pua yi.

Levi 20:11

Joa yaa duani leni o baa pua, o laa o baa mubima. Laa joa leni laa pua kuli baa kpe, bi soama mo n guani ki jagini bi yula po.

Levi 20:9

Yaa nilo n soli o baa bi o naa kuli, bi baa kpa li daano. O soama baa guani ki jagini o yuli po, kelima o den soli o baa bi o naa.

Matie 24:17

Yua n ye o doangu yuli po, n da jiidi ki kua deeni ki baa taa yaa tiadi n ye lienni.

Jesu Tondiba Tuona 18:6

Ama Jufinba n den nia Poli maama ki sugidi o, o den yoagi o tiadi ki yedi ba: «Yi soama n guani ki wuli yi yula po. Mii pia lienni tagiliba kuli. Dinla liiga, n baa caa ki wangi bi nilanbe o Laabaaliŋamo.»

Jesu Tondiba Tuona 20:26

Li tie lani yaa po, ke n kadi ki waani yi dinla, ke yi siiga oba kuli soama ki go maa n yuli po.

Jesu Tondiba Tuona 27:31

Poli den yedi bi minteela kobiga yudaano leni bi toatieba kuli: «Bi jaba yeni yaa ñani ku ñinbiaciangu ne niinni, yi baa bodi.»

Filipi 3:9

Mii go pia n yuli po yaa moamoansaali n ñani li bali maama kubima nni, ama yaali n baadi, kelima li dandanli Kilisiti nni yaa po. Li tie yaa moamoansaali n ñani U Tienu kani, ki ŋua leni li dandanli.

Hebilunba 10:29

Lanwani, yua n fali U Tienu Bijua, ki nua ke o ŋantaado yaa soama yaama den n ŋuudi ki ŋanbi o yeni tie fanma, ki go sugi li ŋanbili paabu Fuoma, naani o yaa cuonu ka baa yaa bia ki cie?

Josue 2:12

Moala, n mia yi, yin taa o Diedo yeli ki poli ke yi baa ŋanbi n baadiegu po, nani min ŋanbi yi po maama.

Josue 2:14

Bi jaliediba yeni den guani ki yedi Rahabi: «Li yaa tie ba kuuma, ti baa kpe kelima yi po, li yaa tie yi kubi kaa doagidi tin cua yaala. O Diedo yaa puni ti mi diema, ti baa gbadi a po mi ninñima nani tin niani a maama.»

Josue 2:20

Die a yaa doagidi ki waani tin cua yaala, ti poli ki go luo ti.»