Josue 18:16 - U TIENU MAAMA TILI 2013

¹⁶ U den ñani lankani, ki jiidi ki ban pundi yaa juali n kaagi Hinomi joaloangu, ki ye Refayimi yaaba yaa joaloangu jienu po. U den bali Hinomi joaloangu, Jebusi yaaba juaga ganu po, ki jiidi ki ban pundi hali Eni-Rogeli ñinbunli kani.

Gourmanchéma Bible

¹⁶ U den ñani lankani ki jiidi ki ban pundi yaa juali n kaagi Hinomi joaloangu ki ye Kefayima yaaba yaa joaloangu jienu po. U den bali Hinomi joaloangu, Jebusa yaaba juaga ganu po, ki jiidi ki ban pundi hali Eni-Logeli ñinbunli kani.

Josue 18:16 ပူးပေါင်းရင်းမြစ်များ

2 Samueli 17:17

Jonatan leni Ahimaatisi den se Eni-Rogeli dobiga po kelima bi kan den tuo ki kua Jerusalemi nni ke ban da ti le ba. Jafaano n yen cua bi kani ki caa i tondi, bani mo n ban waani Davidi yaala n tieni.

2 Samueli 5:18

Filisiti yaaba den pundi ki yadi ki gbie Refayimi yaaba joaloangu nni.

1 Bi Badiba 1:9

Adonija den kodi i pe, a naatona leni a naatonbiwubida yaa tangu n ŋaligi, yaagu n kuu leni Eni-Rogeli ñinbunli. O den yini o waamu, bani o bado bila kuli leni Juda diema koanbala kuli.

2 Bi Badiba 23:10

O bado Josiasi den biidi o bulo Moleki yaa kaanu, yuu n den ye Hinomi bijaba joaloangu nni, ki yi Tofeti. O den tieni yeni ke niloba n da go taa o bijua bi o bisalo, ki juu u mu nni o bulo Moleki po.

1 Bi Badiba Jama 14:9

Filisiti yaaba den cua ki jiidi Refayimi yaaba joaloangu nni.

2 Bi Badiba Jama 28:3

O den juu tulale Hinomi bijaba joaloangu nni. O den juu o bijaba u mu nni, ki ŋoadi i nilanbuoli cagindi, o Diedo n den deli yaaba Isidayeli yaaba nintuali.

2 Bi Badiba Jama 33:6

O den padi ba o bijaba, ki buoni ba u mu nni, Hinomi bijaba Joaloangu nni. O den bu ku baagu, ki tiendi ti buligbandi ki go lingi i ñoagi. O den baa yaa ñoagidanba n maadi leni bi tinkpiba leni a lingida. O go den pugini ki tiendi yaala n bia o Diedo po, ki biendi o pali.

Esayi 30:33

Bi tuodi ki bogini u juukaanu hali yogu, Li kaanu tie o bado moko yaa po yo. Li tie buogu yaagu n ñua ki go pia. Bi dogini likani yaa daadi n yabi Boncianla mi juuma po. O Diedo baa piebi ki cuoni u mu likani.

Jeremi 19:11

«Li Miali Diedo U Paaciamu Kuli Daano yedi daa: N baa mudi bi naa niba leni u naa dogu yeni, nani o maado n mudi li cuali maama ke li naa go pia ŋanbima yeni. Bi baa yaa piindi bi tinkpiba Tofeti, kelima piinkaanu kan go yaa ye poto.

Jeremi 19:2

Ŋan yuandi ki ña a Tancacala buliñoabu po, yaabu n goa Beni-Hinomi joaloangu po. Lankani a baa waani ba min baa puogi a, ŋan waani ba yaa maama.»

Jeremi 19:6

Li tie lani yaa po, ke o Diedo yedi ke a dana kpendi, ke u naa kaanu kan go ti yaa yi “Tofeti” bi “Beni-Hinomi joaloangu.” Bi baa yaa yi likani “li kukpali joaloangu.”

Jeremi 32:35

Bi maa i padikaani Baali po Beni-Hinomi joaloangu nni, ki baa yaa padi ki juugi bi bijaba leni bi bisiaba, o bulo Moleki po. Mii den puogi ba ban tieni laa bonla. Mii den baa li yantiali ki baa tieni laa cagindi, ki teni Juda n tieni ti tuonbiadi.»

Josue 15:63

Juda buolu yaaba ki den fidi ki deli Jebusi yaaba, yaaba n den ye Jerusalemi. Lanwani, Jebusi yaaba leni Juda buolu yaaba baa ki taa ye Jerusalemi dogu nni hali dinla.

Josue 18:28

Sela, Elefi, Jebusi, lani n tie Jerusalemi, Gibeya leni Kiliyati, piiga n doginaa leni li dobila. Lani n den tie Benjamen buolu biinu.

Bi Bujiaba 1:21

Benjamen buolu ki den deli Jebusi yaaba, yaaba n ye Jerusalemi. Bi baa ki taa ki ye leni Benjamen buolu laa dogu nni hali dinla.

Bi Bujiaba 1:8

Juda buolu den baa Jerusalemi dogu, ki paadi u. Bi den kpa u niba, ki juu u dogu mo.

Bi Bujiaba 19:10

Lanwani, Levi yua yeni ji den yie ke bi kan duani likani. O den fii ki taa u sanu, wani, o pua leni o ŋunliedi, ke a gaana paa bi po. Bi den cuoni ki ban nagini Jebusi dogu, lani n tie Jerusalemi.