Josue 18:12 - U TIENU MAAMA TILI 2013

¹² Nujienu po, bi diema bianu den cili Jurden kpenu kani. U den tagini Jeriko dogu jienu po, ki pendi ki poandi a juana nni, ki teli nintuali po, ki ban dagini Beti-Aveni fanpienma.

Gourmanchéma Bible

¹² Nijienu po bi diema bianu den cili Judana kpenu kani. U den tagini Jeliko dogu jienu po, ki pendi ki poandi a juana nni ki teli nintuali po ki ban dagini Beti-Afeni fanpienma.

Josue 18:12 ပူးပေါင်းရင်းမြစ်များ

Ose Tili 10:5

Samari yaaba gbani baa wudi, Beti-Afeni naabiga yeni po. Bi baa mua ki kuuma po. Yaa kopadicianba n tuuni o po mo baa digibi, Kelima o kpiagidi kan go yaa ye bi siiga.

Ose Tili 4:15

Ba yinba Isidayeli yaaba Yaa puni yi yula mi conconma po, Juda yaaba wani n nan da ŋoadi laa fuuli. Yin da gedi Giligali, Yin da gedi Beti-Afeni, Ki poli ki yedi: ‹Hali o Diedo yua n fo po.› »

Ose Tili 5:8

Piebi mani li naatuntunli Gibeya dogu nni, Piebi mani kakaci Rama dogu nni, Pa mani li laabaalo Beti-Afeni dogu nni, Yinba Benjamen buolu mo, yin yaa faami yi puoli po.

Josue 16:1

Ban den toani tiatia ke Josefi buolu yaaba baa yaa diema den cili puoli po, Jurden kpenu kani Jeriko kulima, Jeriko ñinbuna puoli po. U bianu den ñani Jeriko, ki poandi mi fanpienma nni, ki ban kua Beteli juali nni.

Josue 18:11

Ban den toani tiatia, Benjamen buolu yaaba n den kpa gaa bi yaa biinu. Ban den baa yaa diema den ye Juda buolu yaaba diema leni Josefi puoliŋuani diema siiga.

Josue 2:1

Isidayeli yaaba n den ye Sitimi dogu nni, Nun bijua Josue den fiini bi siiga nibilie. O den soani ba ŋasiili nni, ban duodi ki ban goandi mi diema, ki diidi Jeriko dogu bonŋanla. Bi den fii ki gedi ki ban pundi ki kua yaa puokpagili n yi Rahabi diegu nni, ki duani.

Josue 3:16

yaa ñima n ña ganu po ki kpendi den sedi nani li goanli yeni, hali foagima ki nagi leni Adama dogu, ki kuu leni Sartan dogu. Yaa ñima n tiini ki caa jienu po, Araba yaa ñincianma yaama n caa mi ñincianyaama po, den jia cain. Lani, ku niligu den duodi ki tiegi Jeriko.

Josue 6:1

Bi den luoni Jeriko bilinciamu buliñoana, ki ñagini ñagini kelima Isidayeli yaaba po. Niloba ki den ña, niloba ki den koa.

Josue 7:2

Josue den soani bi niba ke bi ñani Jeriko ki gedi Ayi dogu nni, yuu n ye Beteli puoli, ki nagi leni Beti-Afeni. O den yedi ba: «Yin gedi mani ki ban goandi laa diema.» Bi den gedi ki ban goandi Ayi.

Josue 8:15

Josue leni Isidayeli yaaba kuli den tieni nani Ayi yaaba paadi ba yeni, ki sani ki teli mi fanpienma po.

1 Samueli 13:5

Filisiti yaaba den taani ki baa tuogi leni Isidayeli yaaba. Bi den pia toateliti tuda piitaa (30 000) leni tandanba tudaluoba (6 000). A taacenda den yabi nani yaa tanbiima n ye mi ñincianma jaali po yeni. Bi den cua ki kpaa bi toanagili Mikimasi Beti-Afeni dogu puoli.