Josue 17:18 - U TIENU MAAMA TILI 2013

¹⁸ Yaa juali n tie fuajali yeni baa tua yi yaa yaala. Yin pedi li ki diedi likani cain. Yi baa fidi ki deli ki ñani Kanana buolu likani, ba ke bi pia yaa toateliti n tie kudi ki go pia u fidu mo.»

Gourmanchéma Bible

¹⁸ Yaa juali n tie fuajali yeni baa tua yi yaa yaala. Yin pedi li ki diedi likani cain. Yi baa fidi ki deli ki ñani Kanana buolu yaaba likani baa ke bi pia yaa toateliti n tie kudi ki go pia u fidu mo.»

Josue 17:18 ပူးပေါင်းရင်းမြစ်များ

Mi cilima 49:24

Ama o dabanli den se ki pa bonŋanla. O nii den paagi kelima Jakob n ŋua yua Tie U Paalu Kuli Daano. Li tie yene ke o tua Isidayeli yaaba yankpaalo leni bi tanciangu.

2 Samueli 18:6

Davidi toatieba den ñani ki tuogi leni Abisalomi yaaba li fuali nni. Li toatuogili den tuogi Efrayimi fuali nne.

LOMA YAABA 8:31

Lan tie maama yeni, ti baa yedi be? U Tienu yaa taa ti po, ŋme n baa fidi ki sedi ti po?

LOMA YAABA 8:37

Ama laa bonla kuli siiga, yua n den bua ti yeni, teni ke ti paadi likuli cain.

Mi Tiadima 33:17

O pia ti jigidi nani o naatonbikpiali yeni, O yina mo tie nani li moanaatonli yeni, O taani i nibuoli yii n ye hali u tinbianu, Ki tuoni ba leni laa yina yo. Laa yina n tie Efrayimi buolu tuda tuda. Laa yina n tie Manase buolu tuda tuda.»

Hebilunba 13:6

Lanwani, ti pia li papaali ki yedi: «O Diedo n tie n todika, n kan jie puu. O nisaalo baa fidi ki tieni nni be?»

Josue 13:6

A go baa paadi li juali nni niba kuli, bani Sidon yaaba, ki cili Liban, ki yaa caa hali Misirefoti-Mayim. N baa deli ba Isidayeli yaaba po. Ŋan toa tiatia ki boagidi boagidi Isidayeli yaaba laa diema kuli, nani min waani a maama.

Josue 15:9

U den ñani li juali yeni yuli po, ki gondi ki teli Nefitoa ñinbuna, ki suagi ki gedi Efron juali dogi po, ki pendi ki teli Baala dogu, yaa ka Kiriyati-Yearim.

Josue 17:17

Josue den yedi Josefi puoliŋuani, lani n tie Efrayimi leni Manase buoli yeni: «Yi yabi ki go pia u fidu mo boncianla. Lanwani, yi kan baa biinyendu bebe.

Josue 20:7

Isidayeli yaaba den gandi Kadesi dogu yuu n ye Galile nni, Nefitali juali nni, Sikemi dogu yuu n ye Efrayimi juali nni, Kiriyati-Arba dogu, yaa ka Hebiron yuu n ye Juda juali nni.

1 Samueli 1:1

O joa den ye ki tie Ramatayim-Tisofim yua. Laa dogu den ye Efrayimi juana nni. O joa yeni den yi Elikana ki tie Efrayimi buolu yua. O den tie Yerohami bijua, Yerohami mo den tie Elihu bijua. Elihu mo den tie Tohu bijua, Tohu mo n yaa tie Tisufi bijua.