Josue 15:8 - U TIENU MAAMA TILI 2013

⁸ U den ñani lankani, ki poandi Hinomi joaloangu, Jebusi yaaba juaga jiidima ganu po, Jerusalemi dogu n ye naani. U den tagini ki doni yaa juali n ye Hinomi joaloangu nintuali leni Befayima buolu yaaba yaa joaloangu jienu po.

Gourmanchéma Bible

⁸ U den ñani lankani ki poandi Hinomi joaloangu, Jebusa yaaba juaga jiidima ganu po, Jelusalema dogu n ye naani. U den tagini ki doni yaa juali n ye Hinomi joaloangu nintuali leni Befayima buolu yaaba yaa joaloangu jienu po.

Josue 15:8 ပူးပေါင်းရင်းမြစ်များ

2 Samueli 5:18

Filisiti yaaba den pundi ki yadi ki gbie Refayimi yaaba joaloangu nni.

2 Samueli 5:22

Filisiti yaaba go den guani ki gedi ki yadi yadi Refayimi yaaba joaloangu nni.

2 Bi Badiba 23:10

O bado Josiasi den biidi o bulo Moleki yaa kaanu, yuu n den ye Hinomi bijaba joaloangu nni, ki yi Tofeti. O den tieni yeni ke niloba n da go taa o bijua bi o bisalo, ki juu u mu nni o bulo Moleki po.

1 Bi Badiba Jama 11:4

Davidi leni Isidayeli yaaba kuli den fii ki baa Jerusalemi, naankani n go yi Jebusi bu toabu. Jebusi yaaba n den ye kaa mi diema nni li yogunu po.

2 Bi Badiba Jama 28:3

O den juu tulale Hinomi bijaba joaloangu nni. O den juu o bijaba u mu nni, ki ŋoadi i nilanbuoli cagindi, o Diedo n den deli yaaba Isidayeli yaaba nintuali.

Nehemi 11:30

Sanoa, Adulami leni yi dobila nni, Lakisi leni u lindima, Aseka leni u dobila nni. Bi den kali kali ki cili Beri-Seba, ki taa ki yaa caa hali Hinomi joaloangu.

Esayi 17:5

Li baa tua nani ban pe yaa yogunu ti kpaandi, Ke o kpakpaalo nuu taagi ŋalikama siandi, Nani ban liegi u jetaagu Refayimi joaloangu nni maama yeni.

Jeremi 19:14

Jeremi den ñani Tofeti, ki guani o Diedo n den soani o naani, ke wan ban pua saawali. O den gedi ki ban sedi o Diedo diegu luolu nni, ki yedi yaa niba n den taani likani kuli:

Jeremi 19:2

Ŋan yuandi ki ña a Tancacala buliñoabu po, yaabu n goa Beni-Hinomi joaloangu po. Lankani a baa waani ba min baa puogi a, ŋan waani ba yaa maama.»

Jeremi 19:6

Li tie lani yaa po, ke o Diedo yedi ke a dana kpendi, ke u naa kaanu kan go ti yaa yi “Tofeti” bi “Beni-Hinomi joaloangu.” Bi baa yaa yi likani “li kukpali joaloangu.”

Josue 15:63

Juda buolu yaaba ki den fidi ki deli Jebusi yaaba, yaaba n den ye Jerusalemi. Lanwani, Jebusi yaaba leni Juda buolu yaaba baa ki taa ye Jerusalemi dogu nni hali dinla.

Josue 18:16

U den ñani lankani, ki jiidi ki ban pundi yaa juali n kaagi Hinomi joaloangu, ki ye Refayimi yaaba yaa joaloangu jienu po. U den bali Hinomi joaloangu, Jebusi yaaba juaga ganu po, ki jiidi ki ban pundi hali Eni-Rogeli ñinbunli kani.

Josue 18:28

Sela, Elefi, Jebusi, lani n tie Jerusalemi, Gibeya leni Kiliyati, piiga n doginaa leni li dobila. Lani n den tie Benjamen buolu biinu.

Bi Bujiaba 1:21

Benjamen buolu ki den deli Jebusi yaaba, yaaba n ye Jerusalemi. Bi baa ki taa ki ye leni Benjamen buolu laa dogu nni hali dinla.

Bi Bujiaba 1:8

Juda buolu den baa Jerusalemi dogu, ki paadi u. Bi den kpa u niba, ki juu u dogu mo.

Bi Bujiaba 19:10

Lanwani, Levi yua yeni ji den yie ke bi kan duani likani. O den fii ki taa u sanu, wani, o pua leni o ŋunliedi, ke a gaana paa bi po. Bi den cuoni ki ban nagini Jebusi dogu, lani n tie Jerusalemi.