Josue 13:9 - U TIENU MAAMA TILI 2013

⁹ Nuganu po, bi diema biani den tie Aroyeeri dogu yuu n ye Arinoni jaali kani leni yaa dogu n ye laa joaloangu siiga. Bi den die Medeba tialu kuli, ki yaa caa hali Divon dogu,

Gourmanchéma Bible

⁹ Niganu po bi diema biani den tie Aloyeli dogu yu n ye Alinoni jaali kani leni yaa dogu n ye laa joaloangu siiga. Bi den die Medeba tialu kuli ki yaa caa hali Diboni dogu,

Josue 13:9 ပူးပေါင်းရင်းမြစ်များ

2 Samueli 24:5

Bi den duodi Jurden ki gedi ki cili Aroyeeri, Gadi dogu joaloangu jienu ki nagi leni Yaseri.

1 Bi Badiba Jama 19:7

Bi den daa leni laa ŋanjilifa, piitaa n toateliti tudalie (32 000), ki taani leni Maaka bado leni o niba yaaba n den cua ki kali Medeba nintuali. Anmoni yaaba den ñani bi dogi nni, ki taani ki bogini bu toabu po.

Nehemi 11:25

Juda buolu bi tianba den kali a dobila leni a dobila nni. Bi den kali Kiriyati-Arba leni u dobila nni, Dibon leni u koajaana nni, Jekabitiseeli leni u dobila nni,

Esayi 15:2

Bi gedi Divon li padili kaanu ki mua, Bi mua Nebo leni Medeba po. Bi kuo bi yudi kuli, Ti langbiadi kuli mo jia ki wadi.

Jeremi 48:18

Yinba Divon dogu yaaba, Fii mani yi kpiagidi kalikaanu, Ki kali tiipo leni u ñuñuunu, Kelima Moabi bolindo yeni Fii ki sedi yimoko yaa po! O bolini yi kaanpaali.

Jeremi 48:22

Divon, Nebo, Beti-Dibilatayima,

Jeremi 48:8

O bolindo baa kua dogu nni kuli, Doguba kuli kan cia. Ku joaloangu baa bodi, U tialu mo n bodi. O Diedo n yedi yeni.

Mi Coadima 21:30

Ama ti toani ba ti piemi, Ki bolini Hesibon, ki ban tuoni hali Divon dogu. Ti bolini ki ban tuoni hali Nofa dogu Leni yaaba n ban pundi Medeba dogu.»

Mi Tiadima 2:36

Ki cili Aroyeeri, Arinoni kpenu boanjaali po leni yaa dogu n ye ku joaloangu nni, ki yaa caa hali Galaadi, laa den baa tin ki den fidi ki paadi yaa dogu. O Diedo ti Tienu den taa ikuli ki teni ti.

Mi Tiadima 3:12

Lanyogunu yo, ke ti den diedi laa diema. N den puni Rubeni buolu leni Gadi buolu yo mi diema yeni, ki cili Aroyeeri, Arinoni kpenu leni Galaadi juali boagidima leni li dogi.

Mi Tiadima 3:16

N den puni Rubeni buolu leni Gadi buolu mo, Galaadi diema poyendu. Arinoni kpenu n den tie bi bianu, Yaboki kpenu mo n den tie, bani leni Anmoni yaaba bianu

Josue 12:2

O badikpialo den tie Amori yaaba bado Sihoni, yua n den ye Hesibon. O den die Arinoni tialu boagidima, ki cili Aroyeeri dogu kani leni Galaadi diema boagidima, ki yaa caa hali Yaboki kpenu n den tie u banlu, wani leni Anmoni buolu yaaba siiga.

Josue 13:10

ki taani leni Amori yaaba bado Sihoni dogi kuli. Wani Sihoni den kaa Hesibon, ki die yaa diema n ban pundi hali Anmoni yaaba tinga banlu.

Josue 13:16

Bi diema banlu nuganu po den tie Aroyeeri dogu, ki ye Arinoni jaali kani leni yaa dogu n ye laa joaloangu siiga. Bi den die yaa tialu n lindi Medeba.

Josue 13:8

Rubeni buolu yaaba, Gadi buolu yaaba leni Manase buolu yaaba boagidima den gaa bi yaa tinmu Jurden boanduoli po. Musa n den boagidi ki teni ba nani o Diedo n den waani o maama.