Josue 13:3 - U TIENU MAAMA TILI 2013

³ ki cili Sikoli kpenu yuu n ye Ejipiti banlu, ki yaa caa hali nujienu po, Ekiron dogu bianu kani. Laa diema kuli tie Kanana yaame. Filisiti yaaba badimuudiba yaaba n die likani tie Gasa, Asidodi, Asikalon, Gati leni Ekiron badiba. Bani leni Aviti

Gourmanchéma Bible

³ ki cili Sikoli kpenu yu n ye Ejipiti banlu, ki yaa caa hali nijienu po Ekiloni dogu bianu kani. Laa diema kuli tie Kanana yaame. Filisiti yaaba batemuudiba yaaba n die likani tie Gasa bado, Asidodi yua, Asikaloni yua, Gati yua, leni Ekiloni yaa yua, bani batiebimuu leni Afita

Josue 13:3 ပူးပေါင်းရင်းမြစ်များ

Mi cilima 10:6

Kam mo yaa bijaba n tie bine: Kusi, Mitisirayimi, Puti leni Kanana.

Mi cilima 15:18

Landaali denge ke o Diedo den poli ki niani Abalama ki yedi o: «N puni a yaabila mi naa diema, ki cili Ejipiti kpenu, ki gedi hali u kpenciamu, lani n tie Efrati.

1 Bi Badiba 8:65

Lanyogunu Salomon leni Isidayeli yaaba kuli den tieni mi jaanma. Laa niŋandungu den ñani Isidayeli diema nni kuli, ki cili hali jienu po Hamati dogu dobila nni, ki pundi hali ganu po kpenu yuu n ye Ejipiti yaaba leni Isidayeli yaaba siiga, ki taani o Diedo bi Tienu nintuali danalele taalimilie, lani n tie piiga n dananaa.

1 Bi Badiba Jama 13:5

Davidi den taani Isidayeli yaaba kuli, ki cili Ejipiti kpenu kani, ki ban tuoni hali Hamati dogu kuama, ki baa teni ban ñani Kiriyati-Yearim dogu nni, U Tienu kpaku ki cuani ku.

Esayi 23:3

U kpenciamu Nili balinma bonluonkaala kuli, Den tagi mi ñincianma nne ki kpendi Sidon. Sidon n den tie i nilanbuoli kuli daaga.

Jeremi 2:18

Moala a go caa Ejipiti ki ban taa be? A baa n ño u kpenciamu Nili ñima bi? A go tuuni be Asiiri sanu nni? Naani a baa n ño u kpenciamu Efrati ñime?

Mi Tiadima 2:23

Kafitori yaaba, yaaba n den ñani Kafitori diema nni, n den bolini Afi yaaba, bani yaaba n den ye li dobila, ki taa ki ti pundi hali Gasa dogu, ki mo kali bi yaa kaanu.

Josue 13:13

Ama Isidayeli yaaba ki den deli Gesuri leni Maaka yaaba. Bi baa ki ye Isidayeli yaaba siiga hali dinla.

Bi Bujiaba 16:5

Filisiti yaaba yudanba den gedi o pua yeni kani, ki yedi o: «Ŋan moandi ki bandi o gbanmanciamu yeni n ñani naani leni lan baa gaa maama tin fidi ki paadi o. Yeni, ti baa loli o ki paadi o. Ti siiga yuakuli baa teni a tudili n kujapiena kobiga.»

Bi Bujiaba 3:3

Wan den ŋaa yaaba mi diema nni den tie Filisiti badimuudiba, yaaba n den tie Kanana, Sidon leni Hiviti yaaba, yaaba n den ye Liban juana po, ki cili Baali-Herimoni juali, ki yaa caa hali Hamati dogu buliñoabu.

1 Samueli 5:1

Filisiti yaaba den fie U Tienu kpaku ki ñani ku Ebeni-Eseri dogu, ki gedini ku Asidodi dogu.

1 Samueli 5:10

Lane bi den gedini U Tienu kpaku yeni Ekiron dogu nni. Kun den kua laa dogu nni yaa yogunu, u dogu yaaba den buudi ki yedi: «Bi cuani Isidayeli yaaba Tienu kpaku ti kani ki baa kpa ti, tinba leni ti niba kuli.»

1 Samueli 5:8

Lane bi den soani ke bi yini Filisiti yaaba koanbala kuli ke bi taani bi kani ke bi yedi ba: «Ti baa tieni mani Isidayeli Tienu kpaku lede?» A koanbala den guani ki yedi ba ke ban gedini ku Gadi dogu nni. Lanwani, bi den gedini ku lipo.

1 Samueli 6:4

Filisiti yaaba den guani ki yedi: «Ti baa pa be yo ki baa U Tienu ti candandi?» Bi den guani ki yedi ba: «Yin duadi a sinakpina nannana bonamuu, ŋan yaa tie wula leni a dapola yaa nannana bonamuu, ŋani moko n yaa tie wula, nani Filisiti yaaba koanbala n da maama. Li tie ke falabuoliyendu cuo yinba leni yi yudanba kuli.