Josue 13:26 - U TIENU MAAMA TILI 2013

²⁶ Bi cima den ñani Hesibon, ki ban dagini Ramati-Misepe leni Betonim, ki go ñani Mahanayimi, ki ban dagini Debiri banlu kani.

Gourmanchéma Bible

²⁶ Bi cima den ñani Hesiboni ki ban dagini Lamati-Misepe leni Betonima, ki go ñani Mahanayima ki ban dagini Debili banlu kani.

Josue 13:26 ပူးပေါင်းရင်းမြစ်များ

Mi cilima 31:49

Bi go den yini laa kaanu Misipa, kelima Laban den yedi: «O Diedo n yaa tie siedi mini leni fini siiga, ba ti yàá go nua tiyaba yaa yogunu.

2 Samueli 17:27

Davidi n den pundi Mahanayimi, Raba dogu yua Nahasi bijua Sobi leni Anmoni yaaba den cua o kani. Bani n tie ne: Lodebari dogu yua Amiyeli bijua Makiri leni Galaadi dogu Rogelim yua Balisilayi

2 Samueli 2:8

Neri bijua Abineri, yua n den tie Sayuli toatieba yudaano, den taa Sayuli bijua Isi-Boseti ki gedini o Mahanayimi dogu nni.

1 Bi Badiba 22:3

Isidayeli diema bado yeni den yedi o koanbala: «Yii bani ke Galaadi diema yaa Ramoti tie ti yaa dogu ka? Be yaa po ke ti naa yagini ti yama ke tin gedi ki ban gaa ti cuu Siiri bado kani?»

1 Bi Badiba 4:14

Ido bijua Ahinadabi den die Mahanayimi.

Josue 13:25

Bi diema den tie Yaseri, Galaadi dogi kuli, Anmoni buolu yaaba diema boagidima, ki ban dagini hali Aroyeeri, ki kuu Raba.

Josue 13:27

Jurden tialu nni mo, bi den die Beti-Halama, Beti-Nimida, Sukoti leni Safoni. O bado Sihoni yua n den kaa Hesibon, n den die laa dogi. U bianu den tie Jurden, ki ban dagini nujienu po mi ñincianma Kinereti.

Josue 20:8

Jurden boanduoli, Jeriko puoli po mo, bi den gandi Betiseri yuu n ye mi fanpienma nni, Rubeni buolu diema nni, ki go gandi Ramoti yuu n ye Galaadi nni, Gadi buolu diema nni leni Golan dogu yuu n ye Basan nni, Manase buolu diema nni.

Josue 21:38

Gadi buolu diema nni mo, bi den baa doginaa leni i gaanma. Lani n tie Ramoti dogu, ki ye Galaadi nni ki tie i wuonkaani dogi siiga doyendu, Mahanayimi, Hesibon,

Bi Bujiaba 10:17

Anmoni buolu den taani ki gedi ki kpaa bi toanagili Galaadi diema nni. Isidayeli yaaba mo den taani ki kpaa bi yaa toanagili Misipa dogu nni.

Bi Bujiaba 11:11

Lanwani, Jefite den yegi leni Galaadi nikpela. Isidayeli yaaba den kuani o bi liiga, ki go tuni o bi toatieba yuli. Misipa dogu kani, Jefite den guani ki togidi o Diedo nintuali, wan den kpa yedi yaala yeni kuli.

Bi Bujiaba 11:29

O Diedo Fuoma den kua Jefite niinni. O den gaani Galaadi leni Manase diema nni. O den guani ki tagini Galaadi yaa Misipa, ki kua Anmoni diema nni.