Josue 11:12 - U TIENU MAAMA TILI 2013

¹² Josue den paadi bi badiba yaaba n den taani yeni kuli, ki fie bi dogi. O den kpa ba leni bi dogi niba kuli, nani o Diedo naacemo Musa n den bili maama.

Gourmanchéma Bible

¹² Josue den paadi bi batieba yaaba n den taani yeni kuli, ki fie bi dogi. O den kpa ba leni bi dogi niba kuli nani Li Miali Diedo naacemo Musa n den bili maama.

Josue 11:12 ပူးပေါင်းရင်းမြစ်များ

Mi Tiadima 7:2

Yaa yogunu ke o Diedo yi Tienu teni ke yi pua ki paadi laa nibuoli, yin da baa ŋantaadoba leni ba. Yin da gbadi bi ninñima mo.

Mi Tiadima 9:3

Lanwani, yin bandi dinla, ke o Diedo yi Tienu ye wani o ba yi liiga, nani yaa mu n buondi yeni. Wani o ba n baa faligi ba, ki bolini ba yi nintuali. Yi baa deli ba likani tontoni, nani o Diedo n den yedi yi maama.

Josue 10:20

Josue leni Isidayeli yaaba den paadi Amori yaaba cain. Nitianba bebe n den sani ki cia ki ban kua i bilinciami n lindi ki cebini yaa dogi nni.

Josue 10:28

Landaali liga, Josue den paadi Makeda dogu, ki kpa u bado leni u niba kuli. Waa den ŋaa ba niyendo leni miali. O den soani likani bado nani wan den soani Jeriko yaa yua maama.

Josue 10:30

O Diedo den taa laa dogu moko leni u bado, ki tieni Isidayeli yaaba nuu nni. Bi den kpa u niba kuli, kaa ŋaa ba niyendo leni miali. Bi den soani u bado nani ban den soani Jeriko yaa yua maama.

Josue 10:32

O Diedo den taa Lakisi ki tieni Isidayeli yaaba nuu nni, ke bi paadi u li dalieli daali, ki kpa u niba kaa ŋaa ba niyendo leni miali, nani ban den tieni Libina maama.

Josue 10:35

Bi den paadi u landaali liga, ki kpa u niba kuli nani ban den soani Lakisi dogu maama.

Josue 10:37

Bi den paadi u, ki kpa u bado leni u niba kuli. Bi den fie ki paadi u dobila moko, ki kpa laa dogi niba kuli. Josue den soani u nani wan den soani Egilon maama yeni, ki bolini u cain, ki kpa u niba kuli mo kaa ŋaa ba niyendo leni miali.

Josue 11:13

Ama Isidayeli yaaba ki den juu yaa dogi n ye a juana po, li yàá tie Hatisori, Josue n den juu yuu yaa ka.

Josue 11:15

Musa den teni Josue o Diedo n den teni o yaa ñoamabona. Josue den tieni akuli, kaa ŋaa liba.

Josue 13:6

A go baa paadi li juali nni niba kuli, bani Sidon yaaba, ki cili Liban, ki yaa caa hali Misirefoti-Mayim. N baa deli ba Isidayeli yaaba po. Ŋan toa tiatia ki boagidi boagidi Isidayeli yaaba laa diema kuli, nani min waani a maama.

Josue 21:44

O Diedo den puni ba mi yanduanma bi diema gaanma kuli nni, nani wan den niani bi yaajanba maama. O den teni ke bi paadi bi yibalinba kuli, bi siiga oba kuli ki den fidi ki tuogi leni ba ke li gedi kaanu.

Josue 8:31

O den maa li nani o Diedo naacemo Musa n den bili Isidayeli yaaba po maama, nani lan diani wani Musa bali maama tili nni maama. Bi den maa laa padibinbinli leni yaa tana n ki kpiedi, baa den sii ŋa leni kudi. Bi den padi li po a padijuukaana leni mi taanyenma pada U Tienu po.

Josue 8:8

Yi yaa paadi u dogu yeni yaa yogunu, yin juu u, ki tieni nani U Tienu n bili maama. Min teni yaa ñoamabonli n yeni.»

Josue 9:24

Bi den guani ki yedi Josue: «Yaala n teni ke tinba a naacenba tieni laa bonla tie ke ti den gbadi ke o Diedo a Tienu den teni o naacemo Musa li ñoamabonli, ke wan pa yi mi naa diema kuli yin diedi ma, ki go bolini mi niba kuli ban da ye yi siiga. Lane ke yi cuama teni ke ti jie hali boncianla ti miana po.