Josue 10:20 - U TIENU MAAMA TILI 2013

²⁰ Josue leni Isidayeli yaaba den paadi Amori yaaba cain. Nitianba bebe n den sani ki cia ki ban kua i bilinciami n lindi ki cebini yaa dogi nni.

Gourmanchéma Bible

²⁰ Josue leni Isalele yaaba den paadi Amola yaaba cain. Nitianba bebe den sani ki cia ki ban kua i bilinciami n lindi ki cebini yaa dogi nni.

Josue 10:20 ပူးပေါင်းရင်းမြစ်များ

2 Samueli 20:6

Lanwani, Davidi den yedi Abisayi: «Moala Bikili bijua Seba baa biagi ti po ki cie Abisalomi. Ŋan taa n yaa toatieba ki ŋoadi o ke wan da ti ban baa wan kua ki wuoni yaa dopaali nni ki bodi ti.»

1 Bi Badiba 20:21

Isidayeli diema bado den ñani ki pua ki kpa i taami, ki biidi ti toateliti ki paadi Siiri toatieba cain.

2 Bi Badiba Jama 13:17

Abiya leni o toagoli den paadi ba, ki den kpa jakoanda tuda kobimuu (500 000) Isidayeli diema yaaba siiga.

Jeremi 4:5

Pa mani o naa laabaalo Juda diema nni, Ki waani Jerusalemi mo ki yedi: ‹Piebi mani li naatuntunli mi diema nni.› Kpaani mani boncianla ki yedi: ‹Taani mani tin gedi ti dopaali po!›

Jeremi 8:14

Bi tua: «Be yaa po yo ke ti nan baa ki kaa? Taani taani mani Tin gedi i dopaali nni Ki ban kpe, Kelima o Diedo ti Tienu teni ke ti baa kpe, O teni ke ti ñuni yaa ñima n pia ti loabidi, Kelima ti tieni o po ti tuonbiadi.

Mi Tiadima 20:16

Ama o Diedo yi Tienu n puni yin diedi yaa diema yeni, yi kan ŋaa yaala n fo kuli leni miali.

Josue 10:10

O Diedo den teni ke Amori yaaba jie ki lebidi ki sani, ke Isidayeli yaaba ŋoadi ki deli ba. Isidayeli yaaba den paadi ba cain, ki kuu Gabaon kani. Bi den ŋoadi ki deli ba ke bi tagi yaa sanu n cuubi Beti-Horoni, ki kpaani ba, ki ban pundi hali Aseka leni Makeda dogi nni.

Josue 10:19

Yin da sedi ki waagi likani, yin sani ki ŋoadi yi yibalinba, ki kpedi ki jia ba, ki da tuo ban kua bi dogi nni, kelima o Diedo yi Tienu taa ba ki tieni yi nuu nni.»

Josue 10:21

Li yaa puoli, Isidayeli yaaba kuli den guani Makeda bi nagili nni Josue kani leni laafia. Mi diema nni, oba kuli ki go den tuo ki maadi bi po yaala n bia.

Josue 11:12

Josue den paadi bi badiba yaaba n den taani yeni kuli, ki fie bi dogi. O den kpa ba leni bi dogi niba kuli, nani o Diedo naacemo Musa n den bili maama.

Josue 11:8

O Diedo den taa ba ki tieni Isidayeli yaaba nuu nni. Bi den paadi ba, ki ŋoadi ki deli ba ki gedi hali u dociamu Sidon leni Misirefoti-Mayim, nujienu po. Puoli po mo, bi den ŋoadi ki deli ba ki pundi hali Misipa joaloangu nni. Bi den kpa bikuli, kaa ŋaa ba niyendo leni miali.

Josue 8:24

Isidayeli yaaba den kpa bi yibalinba, ban den ŋoadi ki deli ba ki kua yaa fanpienma nni. Li yaa puoli, Isidayeli yaaba den lebidi ki guani Ayi nni, ki kpa yaaba n sieni lienni kuli.