Josue 10:19 - U TIENU MAAMA TILI 2013

¹⁹ Yin da sedi ki waagi likani, yin sani ki ŋoadi yi yibalinba, ki kpedi ki jia ba, ki da tuo ban kua bi dogi nni, kelima o Diedo yi Tienu taa ba ki tieni yi nuu nni.»

Gourmanchéma Bible

¹⁹ Yin da sedi ki waagi likani, yin sani ki ŋoadi yi yibalinba ki kpedi ki jia ba ki da tuo ban kua bi dogi nni, kelima Li Miali Diedo yi Tienu taa ba ki teni yi nuu nni.»

Josue 10:19 ပူးပေါင်းရင်းမြစ်များ

2 Samueli 17:13

O yaa kua ki wuoni doguba niinni, Isidayeli yaaba kuli baa taa i baabi ki gedi laa dogu. Ti baa dadi o leni yaaba n ye u niinni kuli ki lu ku joaloangu nni, hali ke bi kan go le ba tanyenli li kaanu.»

2 Samueli 20:6

Lanwani, Davidi den yedi Abisayi: «Moala Bikili bijua Seba baa biagi ti po ki cie Abisalomi. Ŋan taa n yaa toatieba ki ŋoadi o ke wan da ti ban baa wan kua ki wuoni yaa dopaali nni ki bodi ti.»

Jeremi 48:10

U Tienu n naali yua n tuuni O Diedo tuonli leni mi gbefema, Ki muni o jugisiega mi soama.»

Jeremi 8:14

Bi tua: «Be yaa po yo ke ti nan baa ki kaa? Taani taani mani Tin gedi i dopaali nni Ki ban kpe, Kelima o Diedo ti Tienu teni ke ti baa kpe, O teni ke ti ñuni yaa ñima n pia ti loabidi, Kelima ti tieni o po ti tuonbiadi.

Josue 10:18

Josue den yedi o niba: «Bindi mani a tanciama ki luoni ku tanlongu yeni buliñoabu, ki sieni bi niba ban yaa guu.

Josue 10:20

Josue leni Isidayeli yaaba den paadi Amori yaaba cain. Nitianba bebe n den sani ki cia ki ban kua i bilinciami n lindi ki cebini yaa dogi nni.