Josue 10:13 - U TIENU MAAMA TILI 2013

¹³ U yienu den sedi, O ŋmaalo moko den jidi o cenli, Hali Isidayeli yaaba n tuu bi yibalinba bi panli. Lani kuli diani o Niteginka tili nni ki yedi: U yienu den sedi yuli. U den se hali damunli, kaa baa.

Gourmanchéma Bible

¹³ U yienu den sedi, O ŋmaalo moko den jidi o cenli, Hali Isalele yaaba n tu bi yibalinba bi panpaanbiadi. Lankuli diani o Niteginka tili nni ki yedi: U yienu den sedi yuli siiga, U den se hali damunli kaa baa.

Josue 10:13 ပူးပေါင်းရင်းမြစ်များ

2 Samueli 1:18

O den teni ke bi bangi bu Juda yaaba. Bu yeli tie li dabanli yanbu. Bu diani ban den yi yua o Niteginka tili nni. Buni n tie ne:

2 Bi Badiba 20:10

Esekiasi den guani ki yedi: «Li baa yaa faali u soangu po wun cuoni ki suagi liiga ŋmaadokaani piiga. N bua wun suli ki guani puoli ŋmaadokaani piiga.»

Esiteri 8:13

A tila den pia o bado ñoamabonli, ban baa kpaani yaali diebiga nni kuli, ki waani i nibuoli kuli ke Jufinba baa bogini landaali ki tuu bi yibalinba bi panli.

Jobi 9:7

O yen teni ke u yienu kan pudi. O yen luoni a ŋmabila.

Pisomi 148:3

Pagi o mani, yinba u yienu leni o ŋmaalo! Pagi o mani, yinba yaa ŋmabila n yieni kuli!

Pisomi 19:4

Laa tie ban baa gbadi yaa maama ka, Laa didi tie ban gbadi bi nialu mo.

Esayi 24:23

O ŋmaalo baa fiagi, I fe baa cuo u yienu moko, Kelima Li Miali Diedo U Paaciamu Kuli Daano Kaa ti gbandi po, Siyon juali po leni Jerusalemi nni. Ti kpiagidi baa yaa ye o nikpela nintuali.

Esayi 38:8

N baa teni u yienu leni u soangu yuu n bi jiidi Akasi ŋmaadokaani, n sudi puoli hali ŋmaadokaani piiga.» Lanwani, u yienu den sudi ŋmaadokaani piiga wan den jiidi yaa ŋmaadokaani yaa po yeni.

Joeli 2:10

Bi yaa nagidi ki tinga yen digibi, Tanpoli mo n begibi, U yienu leni o ŋmaalo n biigi, A ŋmabila yenma mo n bodi.

Habakuki 3:11

A toani a piemi ke i pelini, Ki lugidi a kpaanli mo ke li ñuliti ki tuodi. U yienu leni o ŋmaalo jidi bi cenli Ki se kaanyendu.

Mi Coadima 21:14

Li tie lani yaa po yo, ke o Diedo Toabu tili nni, li yedi: «Yaa dogu n yi Wahebi ki ye Sufa leni li kpentaana, Arinoni kpenu

Mi Coadima 31:2

«Ŋan tuu Isidayeli yaaba po li panli, Madiani yaaba kani. Li yaa puoli, a baa guani a dankpeliba po.»

Matie 24:29

Laa dana fala yaa pendi yaa yogunu, u yienu baa biigi, o ŋmaalo mo kan go yendi, a ŋmabila baa yaa ña tanpoli ki baali, tanpoli paaciami mo baa digibi.

Matie 5:45

Yeni yi baa yaa tie yi Baa yua n ye tanpoli bila, kelima o yen tendi, ke o yienu pudi bi nibiadiba leni bi niŋanba kuli po, ki yen tendi ke ki taaga mi bi niteginkaaba leni yaaba n ki tiegi kuli po.

Luki 18:7

N buali yi, naani U Tienu kan tuu wan gandi yaaba po bi panli, bani yaaba n kpaani ki miadi o u yensiinu leni ku ñiagu kuli? Naani o baa waagi ki kan todi ba?

Jesu Tondiba Tuona 2:20

U yienu baa lebidi ki biigi, O ŋmaalo moko baa lebidi ki moandi nani mi soama yeni, Hali ke o Diedo daali, yaa dacianli n pia ti kpiagidi yeni, daa cua.

Josue 10:11

Ban den tiini Isidayeli yaaba ki ji Beti-Horoni, o Diedo den teni ke a tatanciama ña tanpoli ki baali bi po, hali ki ban pundi Aseka dogu, ke bi bodi. A tatana n den kpa yaaba den yabi ki cie Isidayeli yaaba n den kpa yaaba leni mu jugisiemu.

Josue 10:14

Landaali liiga leni li puoli kuli daa go baa yaa daali n naani leni li, ke o Diedo cengi o nisaalo miabu yeni: o Diedo wani o ba den todi Isidayeli yaaba bi toabu nni.

Mi Doagidima 21:23

U dogu yeni kaa bua yienu ki bagi ŋmaalo, kelima U Tienu kpiagidi baa yendi u, ki Pebiga moko tie u fidisanga.

Mi Doagidima 6:10

Bi den kpaani ki tua: «Canbaa yua n gagidi ki ŋani ki tie moamoandaano, hali u laa yogunu ke a go baa waagi, ki daa jia ti buudi leni ki tinga niba, ki guani ba bi panpaani ti soama po?»

Mi Doagidima 6:12

N den laa ki Pebiga n tabidi mi maalima bontabinka-luobidila yaa yogunu. Diidi, mi tindigibicianma den tieni. U yienu den boandi nani li cabiboanli yeni, o ŋmaalo den moandi nani mi soama yeni.

Mi Doagidima 8:12

O malekinaalo den piebi o kakaci. Bi den pua u yienu leni o ŋmaalo leni a ŋmabila ki teni ke bikuli boagidimitaa siiga kuli, boagidiyenma den biigi, hali ke li daali yenma boagiditaadima siiga, boagidiyenma den bodi, ku ñiagu mo den tua yeni.

Bi Bujiaba 16:28

Lani, Samison den jaandi ki mia o Diedo ki yedi: «Li Miali Diedo U Tienu, n mia ŋan tiadi n po. Fini U Tienu, ŋan pa nni u fidu sanu ne bebe, ke min baa ki tuu Filisiti yaaba n nunliedi panli yenma.»

Bi Bujiaba 5:2

«Jaandi ki kpiagi mani Li Miali Diedo, Kelima Isidayeli yaaba puni bi yula cain, Ki bogini bu toabu po bonŋanla. Ki puni bi yula, ki baa tieni bu toabu.