Josue 1:8 - U TIENU MAAMA TILI 2013

⁸ Ŋan yaa tiadi yogunu kuli n bali maama tili ne bangima, ki yaa cogi, ki kpaagi mi po u yensiinu leni ku ñiagu kuli. Tieni man yedi yaala kuli! Yeni, ŋan fii ki jagi yaala kuli, a baa tieni la, li baa cuoni a po bonŋanla mo.

Gourmanchéma Bible

⁸ Ŋan yaa tiadi yogunu kuli n balimaama tili na bangima. Ŋan yaa cogi ki kpaagi mipo u yensiinu leni ku ñiagu kuli, ke ŋan yaa tiendi man yedi yaala kuli. Yeni, ŋan baa jagi yaala kuli a baa tieni la, li baa cuoni bonŋanla mo.

Josue 1:8 ပူးပေါင်းရင်းမြစ်များ

Mi cilima 24:63

Dayenli, ku yenjuagu Isaaka den ñani ki goadi i kuani nni, ki kpaagi. O den yaadi ki diidi ki laa ke ti yuoyuodi kpendi.

2 Bi Badiba Jama 26:5

Sakari, yua n den pia mi yanfuoma U Tienu bonlekaala po, n den pia o miali yaa yogunu, Osiasi den tieni ania ki lingi U Tienu. Yaa yogunu kuli ke o den lingi o Diedo U Tienu mo den todi o.

Pisomi 119:11

N kubi a maama n pali nni, Ke min da tieni a po ti tuonbiadi.

Pisomi 119:15

N kpaagi a ñoamabonbilikaana po, A sani mo kuli bili n nintuali.

Pisomi 119:97

Diidi min bua a bali maama maama! Mi tie min kpaagi yaama yaa po daali kuli.

Pisomi 119:99

N fani ki cie n canbaanba Kelima n kpaagi a ñoamabonbilikaana po.

Pisomi 19:14

Faabi a naacemo leni bi japaadanba, Da teni ban paadi nni. Lani, n baa yaa tie papiendaano, Ki naa pia tagiliciamiba mo.

Pisomi 40:10

Li nitaancianli nni n baa yaa wangi A teginma laabaaliŋamo. O Diedo, a bani ke n kan fidi ki yaa ŋmini.

Mi Kpanjama 3:1

N bijua, ŋan da sundi min bangi a yaala, Ŋan kubi n ñoamabonbilikaana,

Esayi 59:21

O Diedo yedi: «Diidi, mini wani n baa kuani Yaa ŋantaado leni ba: N Fuoma yaama n ye a po Leni n maama min kuani yaama A ñoabu nni yeni, kan ña a ñoabu nni, Bi a bila ñoana nni, bi a yaabila ñoana nni.» O Diedo n yedi yeni, Moala leni yaa yogunu kuli po.

Matie 12:35

O niŋamo ñandi yaala n ŋani, o paŋanli nne. O nibiado mo ñandi yaala n bia, o pabiadili nne.

Matie 28:20

N baa yaa ye leni yi yaa yogunu kuli, hali ŋanduna juodima.»

Matie 7:21

Yaaba n tua nni: ‹O Diedo, o Diedo,› bikuli ka baa kua tanpoli diema nni, se yaaba n tiendi n Baa yua n ye tanpoli yaa yanbuama.

Matie 7:24

Lani yaa po, yua n gbadi min maadi yaa maama na, ki tiendi man yedi yaala, o baa yaa tie nani yaa yanfuodaano n den maa o dieli ku tangu po.

Luki 11:28

Jesu den guani ki yedi o: «Li pamanli n ye leni yaaba ki cie tie yaaba n cengi U Tienu maama, ki kubi ma.»

Jan n diani U Tienu Laabaaliŋamo maama 13:17

Yi yaa bani lani ki tiendi la, yi pia li pamanli.

Jan n diani U Tienu Laabaaliŋamo maama 14:21

Yua n tuo ki gaa n bali maama, ki go kubi ma, wani n tie yua n bua nni moamoani. Yua n bua nni yeni, n Baa baa bua o, nmoko baa bua o, ki doagidi o po min tie yua.»

Efesa 4:29

Majoagindiba kuli n da ña yi ñoana nni. Ama yin fidi yaa yogunu kuli, yin maadi yaa maama n ŋani, yaama n baa ŋanbi ki go seligi yaaba n gbadi ma.

Mi Tiadima 29:8

Lani yaa po, yin kubi ku naa ŋantaado maama, ki go tieni man yedi yaala, lani n tie yin baa tieni yaala kuli n cuoni yi po bonŋanla.

Mi Tiadima 29:9

Dinla, yikuli, yi yudanba, yi buoli, yi nikpela, yi toatieba yudanba, Isidayeli yaaba kuli,

Mi Tiadima 30:14

Ama laa maama ye ki kuu leni yi bonŋanla, ki ye yi ñoana nni leni yi pala nni, ke yin fidi ki tieni man yedi yaala.

Mi Tiadima 31:11

Isidayeli yaaba kuli yaa cua o Diedo a Tienu nintuali wan gandi yaa kaanu yeni kani, a baa cogi li naa bali maama Isidayeli yaaba kuli nintuali ban gbadi ma.

Mi Tiadima 31:24

Musa n den diani laa bali maama li tili nni ki gbeni yaa yogunu,

Mi Tiadima 5:1

Musa den yini Isidayeli yaaba kuli ki yedi ba: «Dinla, cengi mani, yinba Isidayeli yaaba, min kpaani ki maadi yaa mabilikaama leni yaa ñoamabona kuli yi tuba nni. Bangi la mani, ki kubi, ki go tieni lan yedi yaala.

Mi Tiadima 5:29

Bi pala yaa bi baa fidi ki yaa tie yeni yogunu kuli, ke bi fangi nni, ki kubi n bali maama kuli, n baa teni bani leni bi bila kuli n yaa ye leni li pamanli yaa yogunu kuli!

Mi Tiadima 5:32

Yi baa kubi ki go tieni o Diedo yi Tienu n bili yi po yaala. Yin da jadi ganu, ki bagi jienu.

Kolosi 3:16

Kilisiti maama leni man pia yaa ŋalimano kuli, n gbie yi pala nni. Yaa bangi mani ki go tundi yiyaba leni mi yanfuoma. Yaa yiini mani Pisomi, U Tienu yani leni yaa yani n doagidi mi Fuoma n bangi yi yaala, ki yiini ki pagi U Tienu leni i tuondi yi pala nni.

Josue 1:7

Ŋan cuo ki sieni a gbanu, ki paagi a pali bebe, ki tuo ki yaa ŋua n naacemo Musa n den waani a yaa bali maama. Ŋan da jadi ganu bi jienu ki ŋaa ma. Lani, ŋan fii ki baa tieni yaala kuli baa cuoni a po bonŋanla.

Josue 8:34

Li yaa puoli, Josue den cogi U Tienu bali maama kuli, li seli leni ti solindi kuli, nani lan den diani li bali maama tili nni maama.

Mi Doagidima 22:14

Li pamanli ye leni yaaba n ŋuudi bi liada, ke ban baa ki yaa di li miali tibu bonluonkaala, ki go yaa tagi ki kua u dogu buliñoana kani.