Joeli 3:1 - U TIENU MAAMA TILI 2013

¹ Li yaa puoli, n baa teni n Fuoma n jiidi Bi nisaaliba kuli po. Yi bijaba leni yi bisiaba baa pua saawali. Yi jakpela baa dangi ti dangidi. Yi jawaaba mo baa baa li bonlekaala.

Gourmanchéma Bible

¹ Li yaa puoli n baa teni n Fuoma n jiidi Ki yayadi bi nisaaliba kuli po. Yi bijaba leni yi bisiaba baa pua sawali. Yi jakpela baa dangi ti dangidi. Yi jawaaba mo baa baa li bonlekaala.

Joeli 3:1 ပူးပေါင်းရင်းမြစ်များ

Pisomi 14:7

Ŋme n baa cuani mi faabima Siyon nni Isidayeli yaaba po? O Diedo yaa ti ñani o niba Ti yonbidi nni yaa yogunu, Jakob puoliŋuani baa yaa ye Leni li pamancianli, Bani Isidayeli yaaba yeni baa yigini!

Pisomi 85:1

Bi yanyinba yudaano yani siiga yanbu. Kore buolu yanbu.

Mi Kpanjama 1:23

Pegidi mani ki cengi n tundi. N baa yadi yi po n yanfuoma, Ki teni yin gaa n maama.

Esayi 44:3

N baa wuli mi ñima ki tinkuonga po, Ki tieni i fuani yaa tinga n kuodi nni. N baa yadi n Fuoma yi puoliŋuani po, Ki go maani n seli yi madi kuli po.

Jeremi 16:15

Ama bi baa yedi: ‹O Diedo fo, wani yua n ñani Isidayeli yaaba, nujienu po diema leni wan den yadi ba yaa diema nni kuli.› N baa guani ki cuani ba, min den puni bi baanba yaa diema nni yeni.»

Jeremi 29:14

N baa teni yin le nni. Mini o Diedo n yedi yeni. N baa teni yi yonbi n guani ki kpeni. N baa ñani yi min den gedini yi ti yonbidi yaa diema nni leni yin den yadi yadi ki ye yaa nibuolu leni yaa kaani kuli nni. N baa taani yi, ki go kpeninni yi, min den deli ki ñani yi naani.» Mini o Diedo n yedi yeni.

Jeremi 30:18

O Diedo maadi mine: «N guani ki kpeninni Jakob puoliŋuani Yaaba n den ye ti yonbidi, Ki juogi a diedi yaaba. Bi baa guani ki maa u dogu, A diegbenbuokpela nni. Ki maa badidiegu ku kaankpelu nni.

Jeremi 30:3

A dana kpendi, mini o Diedo n yedi ke n baa teni n niba Isidayeli leni Juda yaaba, yaaba n den ye ti yonbidi yeni n guani min den puni bi baanba yaa diema nni. N baa teni ban guani ki diedi ma.» Mini o Diedo n yedi yeni.

Esekieli 16:53

N baa guani bi yonbi, Sodomi leni o bisiaba yonbi, Samari leni o bisiaba yonbi, ki taani leni a yaa yonbi yaaba n ye bi yaa yonbi siiga.

Esekieli 39:25

Ama o Diedo U Tienu yedi: «Moala n baa guani Jakob buolu, ban den cuo yaaba ti yonbidi yeni, ki gbadi Isidayeli buolu po mi ninñima. N baa yaa pia li nunponli, n yeli yaali n gagidi ki ŋani yeni po.

Danieli 12:1

Maleki go den yedi nni: «Li yogunu malekinba yudanciamo Miseli, yua n guu fini Danieli buolu, baa fii. Li baa yaa tie fala yogunu. Laa fala baa yabidi hali boncianla. Laa fala buolu daa kpa tieni, ki cili ŋanduna cilima ki yaa caa hali lanyogunu. Lanyogunu a buolu siiga nni, lan baa sua ke yaaba yaa yela n diani li tili nni n baa cia.

Amosi 9:14

N baa ñani n niba Isidayeli yaaba ti yonbidi nni, Ki go cuani ba ne. Bi go baa maa bi yibalinba n den bolini yaa dogi, Ki yaa ye i niinni. Bi baa ŋuu duven tiidi, ki yaa ñu i duven. Bi go baa yaa ko i kuani, ki yaa di yi bonluonkaala.

Mi Coadima 11:29

Musa den guani ki lebidi o: «Naani a poni leni ba, mini yaa po yo? Li bi ŋani U Tienu n kuani o Fuoma Isidayeli yaaba kuli nni, ke bikuli n tua saawalipuaba.»

Mi Coadima 12:6

O den yedi: «Cengi mani bonŋanla min baa yedi yi yaala: Saawalipualo yaa ye yi siiga, mini o Diedo yen doagidi n yuli o kani li bonlekaala leni ti dangidi nni.

Mi Tiadima 30:3

o Diedo baa guani yi niba yaaba n den ye ti yonbidi kuli. O baa gbadi yi po mi ninñima, ki guani ki taani yi, ki ñani yi o Diedo yi Tienu n den yadi yadi yi yaa diema nni.