Joeli 2:26 - U TIENU MAAMA TILI 2013

²⁶ Yi baa je ki guo, Ki pagi mini o Diedo yi Tienu, Yua n tieni yi po li bonlidinkaala. N niba mo kan go le fe abada.

Gourmanchéma Bible

²⁶ Yi baa je ki guo, Yi baa pagi mini Li Miali Diedo yi Tienu, Mini yua n tieni yipo li bonlidikaala. N niba mo kan go le fe hali abada.

Joeli 2:26 ပူးပေါင်းရင်းမြစ်များ

Mi cilima 33:11

Lanwani, ŋan gaa n po n paabu, min puni a yaabu kelima U Tienu den gbieni nni leni li ŋanbili, ke mii luo puu.» O den tigini o yene hali ke o gaa.

Nehemi 9:25

Bi den diedi i bilini n lindi ki cebini yaa dogi, Mu tinŋanmu leni ti ŋalimandiedi, Ban gbiidi yaa caana leni i duventiidi, Olivie leni i tilondi boncianla. Bi den dini ki guo. Bi den gbengidi, Ki ye mi yemancianma nni, Kelima a ŋanbicianli po.

Pisomi 103:5

O teni ke n ye mi yemanma nni N miali dana nni kuli, Ki teni ke n guani ki pandi Nani jiebani yeni.

Pisomi 116:7

N den yedi: «N naano, guani ki yaa fuo, Kelima o Diedo tieni a po mi ŋanma.»

Pisomi 13:6

Ama mini wani, n dugi a yaa po yo. N pali mo mani kelima a faabima po. N baa yiini ki pagi o Diedo, Kelima o ŋanbi n po.

Pisomi 22:26

Li nitaancianli nni a baa tua n po pagidi. Yaaba n fangi a nintuali n baa kuani n ñoaniani.

Pisomi 37:19

Bi kan le i fe fala daali, Mi koma yaa baa mo, Bani wani baa je ki guo.

Pisomi 67:5

I nibuoli yiini ki wangi bi pamanli, Kelima a gobidi bi niba ke li tiegi. A gobidi i nibuoli mi tinfanma nni.

Pisomi 72:18

Li Miali Diedo U Tienu, Isidayeli Tienu n baa ti pagidi! Wani bebe n tiendi mi bancianma.

Mi Kpanjama 13:25

O niteginka di ki guodi. Ama bi nibiadiba wani ye leni mi koma.

I Yani 5:1

N naataanpuoga, n buado, N kua n salidingo nni, Ki ñani mili leni yaa muadi Yaa tibidi n mani. N ŋmani n siabiabigu leni ku siadi, Ki ñuni n daama leni n naaŋanma. «N danlinba, je mani ki go ño mani, Ki teni mi buama n gaadi yi, Nani mi daama yeni!»

Esayi 25:1

O Diedo! A tie n Tienu, N baa yaa jigini a ki kpiagidi a yeli, Kelima a tieni li bonlidinkaala. Ŋan taa yaa jaga hali yogunu se Bonŋanla ki kan lebidi.

Esayi 29:22

Lani n teni ke o Diedo maadi Leni Jakob diegu nni yaaba, Wani yua n daa ki faabi Abalahama. Moala Jakob kaa go ye leni i fe. Moala o nunga kan go boandi,

Esayi 45:17

Isidayeli yaaba wani, bi baa baa Mi faabima kelima o Diedo po. Yaa faabima n baa yaa ye hali yaa yogunu kuli, Yi kan go fiagi, yi kan go yaa ye Leni i fe hali yaa yogunu kuli po.»

Esayi 49:23

Bi badiba n baa yaa yua yi bila, Bi badisiaba mo n baa yaa tie yi biyuala. Bi baa gbaani tiipo ki pugi yi, Ki yaa liagi yi taatama. Lani, yi baa bandi ke n tie Li Miali Diedo, Ke yaaba n dugi n po kuli kan fiagi.

Esayi 54:4

Da jie liba kelima a kan go le fe. Da tiibi leni fe kelima bi kan go fiagi a. A baa sundi a jafandi yogunu. A kan go tia a kpepuodi yogunu fe,

Esayi 55:2

Be n teni ke yi biigidi yi ligi, Yaala n kaa tie jemoanma po? Be n teni ke yi tuuni, Yaala n kan guoni yi po? Lanwani, cengi mani n yedima, Ki nan je mani yaala n mani. Yi pala baa mangi kelima yaa jiema N mani bonŋanla po.

Levi 25:19

Ki tinga baa luoni ki bonluonkaala, yikuli baa di ki guodi, ki yaa ye leni mi yanduanma.

Levi 26:26

N baa muni yi mi jiema hali yaala ke puoba piiga baa pua bi dupen dupenpuakaanyendu. Bi baa cabidi cabidi ki boagidi, hali yaala ke yi baa je ki kan go guo.

Levi 26:5

Hali yi baa lendi yi kpaandi ki gbeni yeni, li baa sua ke duven tiidi ciema yogunu pundi. Hali yi baa cie ki gbeni duventiidi bonluonkaala yeni, li baa sua ke ti jaadi yogunu pundi. Yi baa di yi jiema ki guodi, ki yaa ye leni mi yanduanma yi diema nni.

Mise 6:14

Yi baa yaa di ki kan guo, Koma kan ña yi po. Yin baa bili yaa kpaandi ke tin faa ki todi yi, Kan kuani yi fuomiba. Ba yin baa bili yaala mo, N baa teni bu toabu n bolini likuli.

Sofoni 3:11

Lanyogunu, yinba n niba, Yi kan go jie i fe kelima yi tuona Leni yin tiendi n po yaa tuonbiadi yeni po. N baa ñani yi siiga yaa niba n pia ti japaadi boncianla. Yi japaadi baa baa u bianu n joagagidikaali po.

Sakari 9:15

Li Miali Diedo U Paalu Kuli Daano baa kubi o niba, Ki ŋaa o tatana n bolini bi yibalinba, Ki teni bi soama n puubi nani duven yeni, Yaa ka nani yaa soama n gbie bi kopadicianba N yen kubi yaa tadimu ki miini Li padibinbinli yina po yeni.

Sakari 9:17

Bi diema baa yaa mani ki go ŋani mo. Likani ŋalikama leni O duvenpaano baa teni Bi jawaaba leni bi jafanba N yaa fandi leni u gbanmanu.

LOMA YAABA 10:11

Nani i Diani n yedi maama: «Yua n daani o kan le fe.»

LOMA YAABA 5:5

Mi suginma yeni kan boandi ti, kelima U Tienu buama gbieni ti pala, kelima U Tienu Fuoma Yua, wan puni ti yua yaa po.

LOMA YAABA 9:33

nani lan diani maama: «Diidi ki le, n bili Siyon juali kani Yaa tanli n baa teni bi niba n tuudi, Yaa tancianli n baa teni bi niba n baa yeni, Ama yua n dugi o po kuli, O kan le i fe abada.»

Mi Tiadima 11:15

N go baa teni ti muadi n pudi yi kuani nni, yi yandi po. Yi baa yaa di ki guodi yin bua maama.

Mi Tiadima 12:12

O Diedo yi Tienu nintuali, yi baa mangi yi pala, yinba, yi bijaba, yi bisiaba, yi naacenba leni yi puotuada leni Levi buolu yua, yua n kaa yi siiga, kelima waa pia biinuba bi faaliba yi siiga.

Mi Tiadima 12:18

Ama yi baa je laa bonla, o Diedo yi Tienu n baa gandi yaa kaanu yeni, o nintuali. Yinba, yi bijaba, yi bisiaba, yi naacenba, yi puotuada leni Levi buolu yua, yua n kaa yi siiga, n baa je laa jiema. Yi baa mangi yi pala o Diedo yi Tienu nintuali leni wan mubini yi nuu nni yaa piama kuli.

Mi Tiadima 12:7

Lankane, ke yi baa je o Diedo yi Tienu nintuali. Yinba leni yi diedi nni yaaba baa mangi yi pala lankane leni yin baa yaa baali. Yi go baa mangi yi pala leni o Diedo yi Tienu n seligi yi, ki puni yi yaala.

Mi Tiadima 8:10

Yi yaa dini ki guo yaa yogunu, yi baa pagi o Diedo yi Tienu leni wan puni yi yaa dieŋanma po.

1 Timote 6:17

Ŋan tundi yaaba n tie a piada ŋanduna na niinni, ke ban da pia ti japaadi, ki da piani bi yula bi piama, yaama n ki pia dugidi. Ama ban piani bi yula U Tienu po, wani yua n puuni ti li bonla kuli ke li kandi, ki bua tin mangi ti pala li po.

1 Jan 2:28

Lanwani, n bibuadimu, yin yaa ye o niinni, ke wan baa doagidi yaa yogunu, tin yaa pia li papaali, ke o guacuama daali, n da tua ti po fe.