Joeli 2:21 - U TIENU MAAMA TILI 2013

²¹ Fini ki tinga ŋan da jie liba, Mangi a pali hali boncianla, Kelima o Diedo n tieni a po yaala kuli po.

Gourmanchéma Bible

²¹ Fini, ki tinga ŋan da jie liba, Mangi a pali hali boncianla, Kelima Li Miali Diedo n tieni apo yaala kuli po.

Joeli 2:21 ပူးပေါင်းရင်းမြစ်များ

Mi cilima 15:1

Laa bonla kuli n den pendi, o Diedo den maadi leni Abalama li bonlekaala nni, ki yedi o: «Abalama, ŋan da jie, n tie a po a gbankoandigu, ŋan baa baa yaa panpaani baa yaa yabi hali boncianla.»

Pisomi 71:19

U Tienu, a teginma kpedi hali boncianla, Kelima a tieni yaa bonla n yabi. U Tienu, ŋme n naani leni a?

Pisomi 98:8

I kpenciami n pua ti nupodi, A juana mo n taani ki kpaani

Esayi 35:1

Mi fanpienma leni li tinwagili Pala baa guani ki mangi. U tialu mo yaa pali baa mangi, Wun guani ki puudi.

Esayi 41:10

Ŋan da jie kelima n ye leni a. Ŋan da nua leni yanbani Kelima n tie a Tienu. N baa yaa pugidi a fidu, N baa cua ki todi a, N kubi a leni n nujienu yuu paani li bonla kuli.

Esayi 44:23

Tanpoli, mangi a pali, Kelima o Diedo soani o tuoncianli. Ki tinga ñuanlu nni mo N kpaani li pamanli kpaani. A juana, yigini mani li pamanli yigimi. Taani mani leni a fuana leni yi tiidi kuli, Ki yigini, kelima o Diedo daa ki faabi Jakob puoliŋuani, ki doagidi o kpiagidi Isidayeli diema nni.

Esayi 54:4

Da jie liba kelima a kan go le fe. Da tiibi leni fe kelima bi kan go fiagi a. A baa sundi a jafandi yogunu. A kan go tia a kpepuodi yogunu fe,

Esayi 55:12

Moamoani yi baa ña yi yonbidi nni Leni li pamanli, bi baa ciani yi Leni mi yanduanma yin kpeni. A juana leni a joabila kuli, Baa tuogi yi leni li pamanli yigimi, Li fuali nni tiidi kuli mo baa puogi ti nupodi.

Jeremi 33:3

«Yini nni, n baa tuo, n baa waani a yaa bonla n yabi, yaa bonla n wuo ke ŋaa bani la.

Ose Tili 2:21

Isidayeli yaaba, n baa yaa tie Yi togibaa yaa yogunu kuli po, N baa yaa tie yi togibaa, Ki yaa ŋua yaa bujiali n tiegi leni mi teginma. N baa yaa tie yi togibaa, Mi buama leni mi ninñingbadima nni.

Joeli 2:20

N baa deli ki foagidi nujienu po yibali leni yi. N baa deli ki bolini o Mu tinkuonmu nni leni a tinwaga nni. O toatieba yaaba n ye liiga, n baa deli Ki jiini ba puoli ñincianma nni. Yaaba n ye puoli mo, N baa deli ki jiini ba nintuali ñincianma nni. Bi tinkpila nuulu baa gbieni mi fawaama. Bani yaaba n tieni yi Mi biadima boncianla juodima n yeni.

Joeli 2:26

Yi baa je ki guo, Ki pagi mini o Diedo yi Tienu, Yua n tieni yi po li bonlidinkaala. N niba mo kan go le fe abada.

Sakari 8:15

N go jagi ke n baa tieni Yinba Jerusalemi yaaba leni Juda diema Yaaba kuli po yaala n ŋani yene. Yin da go jie mani!

Mi Tiadima 4:32

Musa den yedi Isidayeli yaaba: «Buali mani yaa dana n den pendi hali yogu, ya n den ye ke yi daa ye. Yi baa bandi, ke hali U Tienu n den tagi o nisaalo ki tinga nni yaa daali, laa bonla buolu daa kpa tieni. Naani, ki taa puoli ki yaa caa hali nintuali, yi kpa gbadi ke bi maadi li buolu maama?

1 Samueli 12:16

Moala yin sedi mani ne ki le o Diedo n baa tieni yaa bancianma yi nintuali.

1 Samueli 12:24

Bonyenla bebe n ye, lani n tie yin fangi o Diedo ki yaa ŋua o moamoani nni leni yi pali kuli. Yin go yaa tiani wan den tieni yi po yaa bancianma po.