Joeli 2:18 - U TIENU MAAMA TILI 2013

¹⁸ O Diedo bua o diema, O gbadi o niba po mi ninñima.

Gourmanchéma Bible

¹⁸ Li Miali Diedo bua o diema, O gbadi o niba po mi niñima.

Joeli 2:18 ပူးပေါင်းရင်းမြစ်များ

2 Bi Badiba 19:31

Bi niba baa sieni Jerusalemi ki fo, Siyon juali po baa baa yaaba n cia.» Esayi go den yedi: «Lani n tie o Diedo n baa tieni yaala, kelima o buama po.

Pisomi 103:13

Nani bibaa n gba o bila po Mi ninñima maama, O Diedo moko gba yaaba n fangi o po Mi ninñima yene.

Pisomi 103:17

Ama o Diedo ŋanbili ye Yaa yogu n tuu yaa yogu, Yaaba n fangi o po, O teginma mo ye bi bila yaa bila po,

Esayi 37:32

Li Miali Diedo U Paaciamu Kuli Daano Buacianma baa teni, Jerusalemi n baa yaaba n sieni. Siyon juana po mo n baa yaaba n sani ki cia.»

Esayi 42:13

O Diedo baa ña ki cuoni nani o jakoando, Ki mua mi jama nani o toatielo yeni. O baa kpedi o nialu ki yaa tangi Ki paadi o yibalinba.

Esayi 60:10

Bi canba n baa guani ki maa a dogu bilini, Bi yaa badiba mo n baa yaa tuuni a po, Kelima n den pua ŋa n pabiencianli nni, Ama n ŋanbili nni, N go gbadi a po mi ninñima.

Esayi 63:15

O Diedo, fini yua n ye tanpoli, A yekaanu yuu n gagidi ki ŋani Ki go pia ti kpiagidi, Biini ki diidi. A buama, a jama leni a ninñingbadima ye le? Ŋan da yie ke a kan doagidi ti po a buama.

Esayi 63:9

Bi paboanli kuli yaa niinni, Yaali n den tie omoko yaa paboanli. Yaa maleki n ye o nintuali n den faabi ba. Hali yogu o Diedo den daa ki faabi ba, Ki gobini ba ki tugi ba, Kelima o buama leni o ninñingbadima po.

Jeremi 31:20

Efrayimi tie n bibuadiga, Wani n tie n bigbabili. N kan fidi ki kan tiadi o po, Kelima n bua o. Mi ninñima pia nni o po. N li bua o moamoane. Mini o Diedo n yedi yeni.

Jeremi Bubula 3:22

N bani ke o Diedo ŋanma ki gbeni cain, Ke o ninñingbadima mo ki tuoni mi bianu.

Sakari 1:14

Lani, o Diedo Maleki yeni den yedi, ke min kpaani ki waani ke Li Miali Diedo U Paalu Kuli Daano yedi yaa maama n tie ne: «N pia Jerusalemi yaaba po leni Siyon juali po, yaa buama n yabi boncianla.

Sakari 8:2

«Mini Li Miali Diedo U Paaciamu Kuli Daano, n bua Siyon yaaba hali boncianla. N bua ba leni n pali kuli.

Luki 15:20

Lani, o den fii ki guani o baa po. Wan da den ye hali foagima, o baa den laa o ke mi ninñima cuo o, ke o sani ki ban bibi o ki gobini o leni mi buama.

Mi Tiadima 32:16

Bi den fiini o nunponli leni bi nilanba buli, Ki biendi o pali leni a tuongunda tienma.

Mi Tiadima 32:36

O Diedo baa saa i moamoani o niba po, Ama mi ninñima baa cuo o o naacenba po, O yaa laa ke bi fidu gbeni, Ke laa go pia ban baa kubi yua bi ban baa ŋaa yua.

Mi Tiadima 32:43

Yinba i nilanbuoli, pagi mani o Diedo buolu Kelima wani o Diedo n tuu o naacenba panli. O tuu o panli o koanginkaaba kani, O puni o diema leni o niba kuli sugili.

Jaki 5:11

Diidi mani, ti tua ke li pamancianli ye leni yaaba n laa fala ki go juuni lienni. Yi gbadi Jobi n den pia yaa juunli leni o Diedo n den yuandi ki puni o yaala o juodima yogunu, kelima o Diedo pia mi ninñingbadima, ki go pia li ŋanbili boncianla.

Bi Bujiaba 10:16

Lani, bi den ñani i buli bi siiga ki guani ki ŋoadi Li Miali Diedo. Ban den ye leni yaa fala den cuo o Diedo mi ninñima.