Joeli 2:13 - U TIENU MAAMA TILI 2013

¹³ Da padi mani yi tiayiekaadi bebe ka, Se yin lebidi yi yama.› Lebidi mani ki cua o Diedo yi Tienu kani, Kelima o juogidi yi ki gba yi po mi ninñima. O pali ki be tontoni ki go pia li ŋanbili mo. O yen lebidi ki ŋaa wan bi jagi yaa bonbiadila.

Gourmanchéma Bible

¹³ Da padi mani yi tiayiekaadi bebe ka, Se yin lebidi yi yama.› Lebidi mani ki cua Li Miali Diedo yi Tienu kani, Kelima o juogidi yi ki gba yipo mi niñima, Ki pia li juunli leni li *ŋanbili. O yen lebidi o yama ki cedi ki kan tieni Wan den jagi ke o baa tieni o nilo yaala.

Joeli 2:13 ပူးပေါင်းရင်းမြစ်များ

Mi cilima 37:29

Rubeni den guani ki cua li caakuonli yeni kani, ki sua ke Josefi naa go ye li niinni.

Mi cilima 37:34

Jakob den padi o tiadi, ki lani li paboanli tiadi, ki biidi o pali o bijua kuuma po, hali ke li waagi.

2 Samueli 1:11

Davidi den cuo o tiadi ki padi. Yaa niba n den ye o kani kuli moko den cuo bi tiadi ki padi.

1 Bi Badiba 21:27

Akabi n den gbadi Elia n yedi yaala, o den padi o tiadi, ki lani li paboanli tiadi, ki loli bu ñoabu. O den dua leni laa tiadi, ki cuoni dindini.

2 Bi Badiba 22:11

O bado n den gbadi yaa maama n ye li bali maama tili nni, o den dadi ki padi o tiadi.

2 Bi Badiba 5:7

Isidayeli diema bado n den cogi laa tili, o den padi o tiadi ki yedi: «Naani n tie U Tiene ki baa fidi ki kpa bine ki teni bine n yaa ye, ke o soani n kani min paagi o gbaado? Yin bandi ke o bua ki cidi nne.»

2 Bi Badiba 6:30

O bado n den gbadi o pua maama, o den padi o tiayiekaadi. Li sua ke o ye u bilinu po. Bi niba den laa ke o laa li paboanli tiagu.

2 Bi Badiba Jama 6:27

fini yua n ye hali tanpoli n cengi ba, ki pa sugili a naacenba leni a niba Isidayeli yaaba bi tuonbiadi po. Ŋan bangi ba ban baa yaa cuoni yaa sanŋamu nni, ki go teni ki taaga n yaa mi mi diema po, ŋan den puni a niba yaa diema ke mi tie bi piama yeni.

Nehemi 9:17

Bi den yie baa tuo ma, Ki sundi ŋan den tieni bi po yaa ŋanma. Bi den juagi bi tuli. Bi yiema nni, bi den gandi o yudaano, Ki baa guani ban den ye ti yonbidi nni naanpo. Ama fini, a tie yaa Tienu n puuni sugili, Ki juogidi ki gba mi ninñima, Ke a pali ki be tontoni, ki pia li ŋanbili mo. Lani yaa po, ŋaa den ŋaa ba,

Jobi 1:20

Lani, Jobi den fii ki sedi ki padi o liadicianli, ki kuo o yuli. Li yaa puoli, o den labini ki pugi U Tienu,

Pisomi 103:8

O Diedo tie ninñingbadilo, Ki go pia li ŋanbili. O pali ki be tontoni, Ama o tie mi ŋanma daano.

Pisomi 106:45

O den tiadi wan den kuani Yaa ŋantaado leni ba po, Ki den gbadi bi po mi ninñima, O ŋanbicianli po,

Pisomi 34:18

Bi niteginkaaba yaa kuudi, O Diedo gba. O yen faabi ba leni bi paboanli kuli.

Pisomi 51:17

O Diedo, yaadi n ñoacuuna Lani, n ñoabu baa kpaani ki doagidi a pagidi.

Pisomi 86:15

Ama fini, o Diedo, a tie Yaa Tienu n gba mi ninñima, Ki go pia ti bulicindi. A pali ki be tontoni, ki pia li ŋanbili, Ki go tie ti dugidi daano.

Pisomi 86:5

Fini o Diedo, a ŋani ki puuni sugili, Ki pia li ŋanbili yaaba n jaandi a kuli po.

Esayi 57:15

Yua n ye hali tanpolijoma, Wani yua n ye hali yaa yogunu kuli, Ke o yeli mo gagidi ki ŋani yedi: «N ye mi gagidiŋanma nni Leni yaa kaanu n kpedi ki cie I kaani kuli nni. Ama n go ye leni ban mabindi yua Leni yua n ye leni li pabiidili. Yeni n baa fidi ki baagi yaaba N ye li pabiidili nni, Ki go faabi yaaba n laadi fala bi pala nni.

Esayi 58:5

Naani lani n tie min bua yaa ñoalolima? Naani mi ñoalolima tie ki tibini li yuli, Nani ku ñinmuagu yeni, Ki la li paboanli tiadi, Ki yaa bilini mi fantanpienma nne? Naani lani n tie yin yi yaala mi ñoalolima, Yaa daali n mani o Diedo po?

Esayi 66:2

N yaa nuu n tagi laa bonla kuli, Ki teni ke lani kuli ye. O Diedo n yedi yeni. Diidi n nuni n baa yaa maa yua yaa po: Lani tie o ninñinnilo yua n ye leni li paboanli, Yua n yen gbadi n maama ki yaa digibi.

Jeremi 36:7

Daalinba, bi sugilimiabu baa pundi o Diedo nintuali. Bi siiga yuakuli n ŋaa o tuadibiada, kelima o Diedo pabienli n kandi maama po. O pali fii hali boncianla bi naa niba po.»

Jeremi 41:5

Jaba piinii yaaba n den kuo bi langbiadi, ki yie yaa tiadi n padi, ke bi gbani mo den jia jia den pundi Sikemi, Silo leni Samari, ki kubi bu paabu pada leni a dugibila. Bi den cuani la o Diedo diegu nni.

Jeremi 42:10

‹Yi yaa tuo ki ye mi naa diema nni, N baa pugini yi paalu, N kan bolini yi. N baa ŋuu yi, n kan ŋabi yi, Kelima n pali ki go mangi Min tieni yi yaa biadima po.

Esekieli 9:4

ki yedi o: «Kua Jerusalemi dogu nni ki tieni mi maalima yaaba n laadi fala ki buudi yutuna po, kelima yaa cagindi n tiendi u niinni po.»

Ose Tili 14:1

U Tienu baa waani Samari yaaba fala, Kelima bi yie o. Bi yibalinba baa kpa ba leni mu jugisiemu. Bi baa ŋmaa ki midi bi biwaala, Ki lidi bi puotugupunba mo.

Jonasi 3:9

Li fidi ke yeni, U Tienu baa ti lebidi o yanjagili, ki jiini o pali ti po, ki kan bolini ti.»

Jonasi 4:2

ke o mia o Diedo, ki yedi: «O Diedo, hali min den ye n diema nni, min den li jie yaala ka ne. N den bani ke a tie yaa Tienu n juogidi, ki gba mi ninñima, ke a pali ki be tontoni, ki go tiendi mi ŋanma. A yen lebidi a yama ki cedi ŋan bi jagi ke a baa tieni o nilo yaala. Lani yaa po yo, ke n den tiini ki caa Tarsisi.

Mise 7:18

Ŋme n naani leni fini U Tienu, Fini yua n duundi ki ñandi ti tuonbiadi, Ki puuni sugili a niba yiema po. Ŋaa kubi a pabienli yogunu kuli a niba yaaba n sieni po, Kelima mi ninñingbadima mani a po.

Nahumi 1:3

O Diedo pali naa be tontoni, O paalu mo naa pia bianu. O kan nuali tuonbiadi daano Nani yua n ki pia tagili. O Diedo yaa fii ki cuoni naani, Ku tafaaciangu yen figi, A tawala mo tie o taana n fiindi yaa tangungoe.

Mi Coadima 14:18

‹Mini o Diedo pali ki be tontoni, die n pia li ŋanbili boncianla, ki puuni sugili ti tuonbiadi po leni mi biadima po. Ama n kan saa i tagili daano po moamoani. N yen tungi a bila bi baanba tuonbiadi, hali nifiimitaa, bi nifiiminaa.›

LOMA YAABA 2:4

Bi a fali o ŋanbicianli, o yansoangima leni o juunli, ki naa faami ke U Tienu tieni a po li ŋanbili, ki bua ki gobidi a, ŋan tuo ki lebidi a yama yo?

Efesa 2:4

Ama U Tienu ninñingbadima yabi, o bua ti hali boncianla.

1 Timote 4:8

Ti gbanandi tuonli pia mayuli waamu bebe, die ki bua ki yaa suagi liiga U Tienu sanŋoadima nni, lani n pia mayuli li bonla kuli po. Li niani u ñoanianu yaa miali n tie ne po leni yaa miali n baa cua moko yaa po.