Joeli 1:7 - U TIENU MAAMA TILI 2013

⁷ U nibuolu yeni bolini ti duventiidi, Ki jendi jendi ti kankandi, Ki kpabidi kpabidi yi, ki tudi ki luni yi, Ki kogidi n duventiidi beni poaga ki ŋaa yi bonkpabipieni.

Gourmanchéma Bible

⁷ U nibuolu yeni bolini ti duven tiidi, Ki jendijendi ti kankandi, Ki kpabidikpabidi i ki tudi ki luni i, Ki kogidi n duven tiidi dapoaga ki ŋa a dapiena.

Joeli 1:7 ပူးပေါင်းရင်းမြစ်များ

Pisomi 105:33

O den bolini bi duventiidi leni bi kankandi, Ki kua bi diema tiidi kuli.

Mi Ñama 10:14

A dondoba den yadi Ejipiti diema nni kuli, ki baa Ejipiti tinfanma kuli nni. Bi den yabi hali boncianla, ke bi daa den kpa laa laa bonla buolu, ki kan go le mo abada.

Mi Ñama 10:15

Bi den ŋoagini u tingbanu kuli, ki tinga den biigi kelima bi po. Bi den ŋmani ki tinga bonpudikaala leni i tiidi bonluonkaala kuli, a tatana n den ŋaa yaala. Ejipiti diema nni kuli, bonsoangiliba naa den sieni i tiidi po, ki bagi i kuani nni.

Esayi 24:7

Mi damanma ye leni li paboanli. Duven tiidi kuodi, Yaaba yaa pala n bi mani kuli duni.

Esayi 32:12

Pua mani yi bena ki mua kelima li paboanli po, Yi koaŋami leni yi duventiidi Yii n luoni kuli yaa po.

Esayi 5:6

N baa lu ki diani u kuanu yeni. Oba kan coandi coandi i tiidi yeni beni. Oba kan ko ki gaani ki lindi yi. I konkoni leni a kongoaba baa pudi lienni. N baa waani a tawala mo n da go cedi Taaga n mi u niinni.

Jeremi 8:13

O Diedo yedi: «N baa baa min baa bili ba naani. Duven tiidi kan luoni puu kuli. Bu kankanbu kan go yaa pia kankana, Ti faadi baa mali, N baa ŋaa ba bi yibalinba nuu nni.»

Ose Tili 2:12

N baa yiedi o mubima, O jaconcona nintuali. Oba kuli kan fidi ki faabi o n nuu nni.

Joeli 1:12

Bu duventibu kuodi, Bu kankanbu mali, Grenadi tilondi, ti kpakpalidi, pomie tiidi Leni i kuani tiidi kuli mali. Bi nisaaliba pamanli gbeni.

Amosi 4:9

N yen teni yi kuani n faani, Ki teni a baayuana mo n kua yi. N den teni ke a sidibila ŋmani yi salidinginba leni duven tiidi, Yi kankanŋuuke leni olivie. Ama ba leni lani kuli, yii den lebidi ki guani n kani. O Diedo n yedi yeni.

Habakuki 3:17

I kankandi kan go tieni puuma. I duventiidi kan luoni. Olivie tiidi kan luoni liba kuli. Kpaangu kan tieni i kuani nni. I pe kuli baa bodi a yanlola nni, I ne mo n bodi i naapagi nni.

Malaki 3:11

N kan tuo a bonfuoda n bolini yi bonbulikaala. Yi duventiidi baa luoni boncianla. Li Miali Diedo U Paaciamu Kuli Daano n yedi yeni.