Jobi 6:10 - U TIENU MAAMA TILI 2013

¹⁰ Yeni n baa baa i baagi, Ki yugi ki cii leni li pamanli, N falabiado yua n ki pia bianu yeni po. N bani bonyenla wani: Mii miidi Tienu maama ba mayenma.

Gourmanchéma Bible

¹⁰ N den baa yaa pia laa baagi wani. N den baa yugi ki cii leni li pamanli baa ke n falabiado ki pia bianu. Kelima n bani bonyenla wani, Mii miidi yaa Tienu n gagidi ki ŋani maama.

Jobi 6:10 ပူးပေါင်းရင်းမြစ်များ

Jobi 11:4

A tuo ki yedi: ‹N banma ki pia tagili, Mii pia tagili o nintuali mo.›

Jobi 15:11

Naani a noanli ki fali U Tienu baagi, Leni tin maadi leni a yaa madingima yo?

Jobi 21:33

Ku joaloangu tangbana ki kpiagi o po, Bi niba kuli ŋua o puoli ki cangi o, Yaa niba n cangi ki pia coali.

Jobi 22:22

Cengi o ñoabu nni tundi, Ki kuani o maama a pali nni.

Jobi 23:11

N ŋoadi o taabuona leni o sani, Mii jadi ki tagini santo.

Jobi 23:12

Mii lebidi o bali maama. N kubi n pali nni o ñoamabona kuli.

Jobi 3:22

Bi yaa bi baa ki kua bi takula nni, Se ban yaa ye leni li pamankandikaali.

Jobi 9:4

Wani n pia mi yanfuoma leni u paalu kuli, Ŋme n baa fidi ki yie o po, lan cedi o?

Pisomi 119:13

Ŋan ñani yaa ñoamabona yeni Ye yogunu kuli n ñoabu nni.

Pisomi 119:50

Li tie n po baage n yepaama nni, Kelima a ñoanianu n teni ke n ye.

Pisomi 37:30

O niteginka ñoabu maadi leni mi yanfuoma, O ñoabu mo wangi yaala n tiegi.

Esayi 57:15

Yua n ye hali tanpolijoma, Wani yua n ye hali yaa yogunu kuli, Ke o yeli mo gagidi ki ŋani yedi: «N ye mi gagidiŋanma nni Leni yaa kaanu n kpedi ki cie I kaani kuli nni. Ama n go ye leni ban mabindi yua Leni yua n ye leni li pabiidili. Yeni n baa fidi ki baagi yaaba N ye li pabiidili nni, Ki go faabi yaaba n laadi fala bi pala nni.

Ose Tili 11:9

N kan soani yi nani n pali n den beni ke n jagi maama, N kan go bolini yinba Isidayeli buolu, Kelima n tie U Tienu, mii tie nisaalo ka. N tie yaa Tienu n gagidi ki ŋani, ki ye yi siiga. N kan cua yi kani leni pabienli.

Levi 19:2

«Maadi leni Isidayeli yaaba nitaanli kuli ki yedi ba: Yi baa gagidi ki yaa ŋani kelima mini Li Miali Diedo yi Tienu, gagidi ki ŋani.

Habakuki 1:12

Naani fini ka li tie o Diedo hali mi cilima? Naani fini ka li tie n Tienu yua n Gagidi ki ŋani, Ke a miali mo ki pia bianu? O Diedo, a gandi Kalide yaaba ki puni ba u paalu, Ke ban tundi ti leni tundifala. Ama fini n tie ti faabima tangu.

Habakuki 3:3

O Diedo ñani Temani ki kpendi, O Diedo yua n gagidi ki ŋani, Ñani Paran juana po ki kpendi. Joma Tanpoli gbie leni o kpiagidi, Ki tinga mo gbie leni o pagidi.

Jesu Tondiba Tuona 20:20

Yi go bani ke min wangi yi o Laabaaliŋamo, ki go bangi yi asala nni leni yi diedi nni kuli, mii den wuoni yi yaala n baa yaa ŋani yi po kuli.

Jesu Tondiba Tuona 20:27

N den waani yi U Tienu yanjagili kuli, kaa wuoni liba.

LOMA YAABA 8:32

Wani U Tienu, yua n kaa den yie ke o Bijua n le fala, den teni ke bi kpani o tikuli po. Lani, o Bijua yeni po, li baa gaa lede ke o kan pa ti li bonla kuli leni ti bulicindi?

Mi Tiadima 29:20

O Diedo baa paadi ki ñani o Isidayeli buoli kuli siiga. Landaano baa le ban poli o ŋantaado nni, ki bili yaa fala leni yaa solindi kuli, ke li diani li naa bali maama tili nni.

Mi Doagidima 3:7

Ŋan diani Kilisiti Nitaanli yaali n ye Filadelifi yaa maleki po, ki yedi o: «Yua n Gagidi ki Ŋani, Ki tie o Moamoandaano, Wani yua n kubi Davidi sendabiga, O yaa luodi, oba kuli kan luoni, O yaa luoni mo, oba kuli kan luodi, Wani n yedi yaa maama n tie ne:

Mi Doagidima 4:8

A bonfuodinaada yeni, yuakuli den pia fiabiluoba luoba, ki pia i nuni boncianla bi lindima leni bi poagima kuli nni. Ku ñiagu leni u yensiinu kuli, bi maadi kaa cedi, ki tua: «O gagidi ki ŋani, o gagidi ki ŋani, o Diedo U Tienu, U Paaciamu Kuli Daano gagidi ki ŋani, wani yua n den kpa ye, ki ye moala ki go baa cua.»

1 Samueli 2:2

Yua n Gagidi ki ŋani nani fini o Diedo kuli naa ye. Toa kuli ki ye ke laa tie fini. Oba ki guu ti nani fini U Tienu ti Tanciangu.