Jobi 5:12 - U TIENU MAAMA TILI 2013

¹² O bolindi bi nunfandanba jaga, Ki teni ke bi nii kan fidi ki pa ba ban bua yaala.

Gourmanchéma Bible

¹² O bolindi bi nunfandanba yanjaga, Bi nii kan fidi ki pa ba ban bua yaala.

Jobi 5:12 ပူးပေါင်းရင်းမြစ်များ

Mi cilima 31:22

Li dataali, bi den waani Laban ke Jakob fii ki sani.

2 Samueli 11:9

Ama Uri den duani o bado diegu nintuali leni wani Davidi naacenba kuli, waa den kuni o denpo.

2 Samueli 17:14

Abisalomi leni Isidayeli yaaba kuli den yedi: «Ariki yua Usayi yaa tundi cie Ahitofeli yaa yii.» Ama li tie ke o Diedo den jagi ke o baa bolini Ahitofeli tundiŋami yeni, ki cuani o falaciamo Abisalomi po.

2 Bi Badiba 6:9

Ama U Tienu nilo Elise den soani ke bi waani Isidayeli bado ki yedi: «Ŋan fangi a yuli ki da tagini napo yeni, kelima Siiri yaaba toatieba cua ki kali likani.»

Nehemi 4:15

Ti den tuuni li tuonli yene, ti siiga nni boagidima yuakuli den kubi o kpaanli, ki cili ku tiŋaapanpangu ki yaa caa hali ku ñiagu.

Nehemi 4:9

Ti yibalinba den gbadi ke bi tuodi ki waani ti bi yanjagibiadili. U Tienu den bolini bi cili. Lanwani, tikuli den guani ki tuuni u bilinu kani, yuakuli leni o yaa tuonli.

Jobi 15:5

A tagili n gobidi a ñoacuuna, Ki teni ke a taa bi tuofaadanba mataana.

Pisomi 21:11

A baa bolini bi puoliŋuani u tingbanu po, Ki bolini bi buolu mo, bi nisaaliba siiga.

Pisomi 37:17

Kelima bi nibiadiba paalu baa gbeni, Ama o Diedo kubi bi niteginkaaba wani.

Mi Kpanjama 21:30

O nisaalo yama, o yanfuoma leni o kpaagili kuli, Kan fidi puu kuli o Diedo nintuali.

Mi Kpanjama 22:12

O Diedo kubi mi banma bonŋanla, Ki yiedi o jajanbidinilo maama.

Esayi 19:3

Ejipiti yaaba jama kuli baa gbeni. N baa biani bi jaga fanma. Bi baa bu i buli leni a baayuadiida, Ki bu yaaba n maadi leni bi tinkpiba leni a lingida.

Esayi 37:36

O Diedo maleki den ñani ki pua Asiiri toagoli nni niba kobiga n piinii n tudamuu (185 000). Lan den fii ki faa, bikuli den tie tinkpiba.

Esayi 44:25

N biandi tuofaa-sinankeene fanma, Ki jiendi a baayuadiida. N teni ke a banda suligi ki goa puoli, Ki lebidi bi bancianma ke mi tua yanpiima.

Esayi 8:10

Ba yin jagi ke yi bua ki tieni yaala kuli, Liba kuli kan baa yuli. Yin maadi yaa maama mo kan tieni, Kelima U Tienu ye leni tinbe.

Jeremi 49:7

Li Miali Diedo U Paaciamu Kuli Daano maadi Yaa maama n tie ne Edomi yaaba po: «Naani yanfuodanba ki go ye Temani? Naani i tundi bodi o bijaba kani? Naani bi yanfuoma kuli bode?

Jeremi 8:8

Yi gaa lede ki yedi: «Ti tie yanfuodanbe, O Diedo bali maama ye leni tinbe?» Mi faama po yo ke a tidianla fii, Ki baa diani leni bi tuofaa-tidianmuani.

Abidiasi 1:8

Naani landaali ka ke n baa teni Bi yanfuodanba n bodi Edomi diema nni, Ki teni mi yanfuoma n bodi Esayu juana nni? Mini o Diedo n yedi yeni.

Jesu Tondiba Tuona 12:11

O yama n den guani, o den yedi: «N bandi moala bonŋanla, ke moamoani o Diedo soani o maleki, ki gaa nni Herodi nuu nni leni Jufinba n bua ki tieni nni yaala kuli po.»

1 Samueli 23:13

Lane Davidi den fii leni o niba yaaba n den pundi nani niba kobiluoba, ki ñani Keyila ki gedi ban den baa fidi ki gedi naankani. Sayuli n den gbadi ke Davidi ñani Keyila ki sani, o den kpadi o sancenli.