Jobi 42:8 - U TIENU MAAMA TILI 2013

⁸ Moala, baa mani naatonalele leni petonalele ki gedi n naacemo Jobi kani, ki padi yi yula po li padijuukaali. N naacemo Jobi baa jaandi yi po, kelima n jigini o. N kan faligi yi, nani yi yanluoma n bi pundi maama, kelima yii maadi n po, ke li tiegi nani n naacemo Jobi yeni.»

Gourmanchéma Bible

⁸ Baa mani moala po naatona lele leni petona lele ki gedi n naacemo Joba kani, ki padi yi yula po li *padijuukaali. N naacemo Joba baa jaandi yipo, kelima n jigini o. N kan faligi yi nani yi yanluoma n bi pundi maama, kelima yii maadi npo ke li tiegi nani n naacemo Joba yeni.»

Jobi 42:8 ပူးပေါင်းရင်းမြစ်များ

Mi cilima 20:17

Abalahama den mia U Tienu ke o paagi Abimeleki leni o pua leni o puotuada kuli, ke bi den fidi ki punbi ki mali.

Mi cilima 20:7

Moala ŋan guani o joa yeni o pua, kelima o tie saawalipualo. O baa jaandi a po, lani n tie ŋan yaa ye. Ama a yàá guani o, ŋan bandi ke a baa kpe, fini leni a niba kuli.»

1 Bi Badiba Jama 15:26

Li den tua leni U Tienu yaa todima yo, ke Levi buolu den tugi o Diedo ŋantaadikpaku. Bi den padi naatonalele leni petonalele.

2 Bi Badiba Jama 29:21

Bi den gedini naatonalele, petonalele, pebilalele leni ŋuabuanalele ki padi ba ki mia U Tienu sugili. Laa pada kuli den baa tieni ku badidiegu po, U Tienu diegu po leni Juda niba kuli po. O bado den yedi Alono puoliŋuani bi kopadicianba, ke ban padi ba o Diedo padibinbinli po.

Jobi 1:5

U badu dana yaa den gbeni, Jobi yen soani ban yini o bila wan gagidi ki ŋanbi ba. O yen yagidi ki fii ki padi bikuli yendo yendo po li padijuukaali, kelima Jobi yen yedi o pali nni: «Daalinba n bijaba tieni ti tuonbiadi, ki tudi U Tienu po bi pala nni.» Jobi den li tiendi yene yogunu kuli.

Jobi 1:8

O Diedo den yedi Sutaani: «A nan ko laa n naacemo Jobi? Waa pia kuli olie ki tinga nni. O tie papiendaano, ki go tiegi mo. O fangi U Tienu, waa tiendi kuli yaala n bia mo.»

Jobi 22:30

O baa gaa yaaba n ki pia tagili mi biadima nuu nni, Ki faabi a mo kelima a teginma po.»

Jobi 35:8

A biadima li baa fidi ki biidi a lielo po bebe, A teginma mo li baa fidi ki todi a lielo bebe.

Jobi 42:9

Temani yua Elifasi, Suwa yua Bilidadi leni Naama yua Tisofari den gedi. Bi den tieni nani o Diedo n den yedi ba maama. O Diedo den gaa Jobi jaandi.

Pisomi 103:10

Waa tiendi ti Nani ti tuonbiadi n tie maama, Waa guandi ti tagili panpaani mo.

Mi Ñama 18:12

Musa cuado Jetiro den padi U Tienu po li padijuukaali leni a padifana. Alono leni Isidayeli yaaba nikpela kuli den cua ki taani leni Musa cuado, ki dini U Tienu nintuali.

Esayi 60:14

Yaaba n faligidi a bijaba Baa gbaani a taana kani ki pugi a. Bi baa yaa yi a dogu “Li Miali Diedo dogu”, “Isidayeli Tienu yua n Gagidi ki ŋani Yaa Siyon”.

Jeremi 14:11

O Diedo yedi nni: «Da jaandi bi naa niba po, ki da lingi bi ŋamu mo.

Jeremi 15:1

O Diedo den yedi nni: «Ba Musa leni Samueli yaa cua n kani, n yama kan guani bi naa niba kani. Deli ba ban foagidi n kani. Deli ba ban yaa caa!

Esekieli 14:14

Ama yaa nitaadiba n ye ne: Nowe, Danieli leni Jobi yaa ye laa diema nni, bani bebe n baa faabi bi miana, kelima bi teginma po. Mini o Diedo, U Tienu n yedi yeni.

Esekieli 45:23

Mi jaanma daleleeda yeni niinni, o baa padi a padijuukaana o Diedo po, daali kuli naatonalele leni petonalele, yaaba n ki pia poadi. O baa padi daali kuli mo ŋuabuali ti tuonbiadi sugili miabu po.

Mi Coadima 23:1

Balaam den yedi Balaki: «Maa n po padibinbinalele, ki ŋanbi n po naatonalele leni petonalele.»

Mi Coadima 23:14

O den gedini Balaam yaa joa n yi Tisofimi kuanu po, Pisiga juali yuli po. O den maa padibinbinalele, ki padi padibinbinli kuli po, naatonli leni petonli.

Mi Coadima 23:29

Balaam den yedi Balaki: «Maa n po padibinbinalele, ki ŋanbi n po naatonalele leni petonalele.»

Matie 3:17

Lanyogunu u nialu den maadi tanpoli po ki yedi: «One n tie n Bibuadiga, n pali n mani yua yaa po hali boncianla.»

Efesa 1:6

Lanwani, tin yaa pagi o ŋanbili yaali n pia ti kpiagidi, wan puni ti yaali kelima o Bibuadiga po.

2 Timote 4:14

O maano Alekisandri den tieni nni mi biadima boncianla. O Diedo baa guani o nani o tuona n tie maama.

Hebilunba 10:4

kelima li kan tuo a naatona leni a ŋuabuana soama n fidi ki ñani ti tuonbiadi.

Hebilunba 7:25

Li tie lani yaa po, ke o baa fidi ki faabi yaaba n nagidi U Tienu, kelima o yaa todima po yaa yogunu kuli. O ye ki fo yogunu kuli, ki miadi U Tienu bi po.

Jaki 5:14

Yi siiga niloba yaa yia, wan yini Kilisiti Nitaanli nikpela ban jaandi o po, ki sogi o mi kpama o Diedo yeli nni.

Jaki 5:16

Lanwani, yin tuo yi tuonbiadi yiyaba nintuali, ki go yaa jaandi yiyaba po ke yin paagi. O niteginka jaandi pia u paalu hali boncianla.

1 Jan 5:16

O nilo yaa laa ke o kpiilo tiendi yaa tuonbiadi n kan juodi mi kuuma, wan jaandi o po, U Tienu baa pa o li miali. Li tie yaaba n tieni yaa tuonbiadi n kan juodi mi kuuma yaa maama. Li pia yaa tuonbiadi n baa juodi mi kuuma. Laa tie laa tuonbiadi yaa po ke n yedi ban jaandi.

1 Jan 5:6

Jesu Kilisiti tie yua n den cua leni mi ñima leni mi soama. Waa den cua leni mi ñima bebe ka, o den cua leni mi ñima leni mi soama. Mi Fuoma n tiendi siedi lipo kelima mani mi Fuoma yeni n tie i moamoani.

Mi Doagidima 3:9

Diidi, yaaba n tie Sutaani nitaanli yaaba, ki pua faama ke bi tie Jufinba ki naa tie yeni, n baa teni ban cua ki gbaani a nintuali, ki bandi ke n bua ŋa.

1 Samueli 25:35

Lanwani, Davidi den gaa Abigayili kani wan den cuani o po yaa paabu, ki yedi o: «Guani ki kuni a denpo leni mi yanduanma. A gbadi? N gbadi ŋan yedi yaala, n tuo a miabu.»