Jobi 42:6 - U TIENU MAAMA TILI 2013

⁶ Lani n teni n tuo ke i tagili tie n yii. N gbaa mi fantanpienma leni mi tama nni ki miadi sugili.»

Gourmanchéma Bible

⁶ Lani n teni n tuo ke i tagili tie n yii Ki gba mi fantanpiema leni mi tama nni ki miadi sugili.»

Jobi 42:6 ပူးပေါင်းရင်းမြစ်များ

Mi cilima 18:27

Abalahama go den guani ki maadi ki yedi: «Diidi, n ñigini ki maadi leni n Diedo mini yua n tie mi wagima leni mi fantanpienma bebe.

1 Bi Badiba 21:27

Akabi n den gbadi Elia n yedi yaala, o den padi o tiadi, ki lani li paboanli tiadi, ki loli bu ñoabu. O den dua leni laa tiadi, ki cuoni dindini.

Esidirasi 9:6

ki yedi o: «N Tienu, i fe pia nni hali boncianla, ke n yuli tiibi. N Tienu, n kan fidi ki yaadi n yuli ki diidi a. Ti tagili yabidi hali ki milini ti, ti tuonbiadi dogini ki pundi tanpoli.

Jobi 2:8

Jobi den kaa ku tinbengu po mi fantanpienma nni, ki taa li tancancali ki kpiadi oba.

Jobi 30:19

U Tienu luni nni li ŋoabili nni, Ke n tua nani mi wagima Leni mi fantanpienma yeni.

Jobi 42:5

N tubili den gbadi ke bi maadi a maama, Ama moala wani, n nunbu laa ŋa.

Jobi 42:7

O Diedo n den maadi leni Jobi laa maama ki gbeni, o den yedi Temani yua Elifasi: «N pali beni hali boncianla fini leni a danliliediba po, kelima yii maadi yaala n tiegi n po, nani n naacemo Jobi yeni.

Jobi 9:31

A bi baa ñuagi nni li ŋoabili nni, Hali yaala ke n tiadi mo baa sengi nni.

Pisomi 51:17

O Diedo, yaadi n ñoacuuna Lani, n ñoabu baa kpaani ki doagidi a pagidi.

Esayi 5:5

Lanwani, n baa teni yin bandi Moala min baa soani n duventiidi Kuanu yaa tuonli. N baa fobi ku goangoangu ki lu, Yaa yandi n bua ban kua ki ŋmani, Yaa santagiba mo n baa, ban ŋmaa.

Esayi 58:5

Naani lani n tie min bua yaa ñoalolima? Naani mi ñoalolima tie ki tibini li yuli, Nani ku ñinmuagu yeni, Ki la li paboanli tiadi, Ki yaa bilini mi fantanpienma nne? Naani lani n tie yin yi yaala mi ñoalolima, Yaa daali n mani o Diedo po?

Jeremi 31:19

Ti den yaadi, ama ti biidi ti pala ki mia sugili. A teni ke ti bandi ti tagili ki pua ti bena, I fe pia ti kelima tin den tieni yaala ti panma nni po.›

Esekieli 16:63

Lanwani, a baa tiadi yaala n den tieni puoli po, i fe n cuo ŋa, ke a kan go tuo ki yaadi a ñoabu. Ama n baa tieni a po sugili leni ŋan den tieni yaa biadima kuli. Mini o Diedo, U Tienu n yedi yeni.»

Esekieli 20:43

Lankane yi baa yaa tiadi yi tagu po leni yin den joagini yi yula leni yaa tuona kuli po. I fe baa cuo yi leni yin den soani yaa tuonbiada kuli po.

Esekieli 36:31

Lanwani, yi baa yaa tiadi yi tagilibiadi yeni po leni yi tuona ya n den gundi yeni po. Yi kan go fidi ki yaadi ki diidi yi yula, kelima yi tagili leni yi tuongunda po.

Esekieli 6:9

Lani, yi niba yaaba n ciadi yeni, baa tiadi n po, ban ban ye ti yonbidi yaa nibuolu siiga. Min baa mudi bani yaaba yaa pala, ya n yie nni ki tiendi mi conconma leni i buli yeni, baa tiadi min den faligi ba maama. Bi kan go fidi ki diidi bi lieba nunmu, kelima bi cancagituona po.

Danieli 9:3

Lani n den loli bu ñoabu ki lani li paboanli tiadi, ki wuli n yuli po mi fantanpienma, ki jigidi n nunga ki diidi o Diedo U Tienu, ki jaandi ki miadi o todima.

Levi 13:12

Mi gbaadima daano yeni gbanu po kuli yaa tieni mu calimu, ki cili o yuli po ki jiidi hali o taana po, o kopadiciamo n diidi o naankani kuli yaa pia mu calimu,

Matie 11:21

«Fala baa yaa ye leni fini Korasini dogu. Fala baa yaa ye leni fini Betisayida dogu, kelima yaa bancianma n tieni a niinni ne, yaa den tieni Tiiri leni Sidon dogi nni, bi den baa laa li paboanli tiadi, ki wuli mi fantanpienma bi yula po, ki doagidi ke bi lebidi bi pala hali yogu.

Luki 10:13

Fala baa yaa ye leni fini Korasini dogu. Fala baa yaa ye leni fini Betisayida dogu, kelima yaa bancianma n tieni a niinni ne yaa den tieni hali yogu Tiiri leni Sidon dogi nni, bi den baa la li paboanli tiadi leni mi fantanpienma ki lebidi bi pala.

Josue 7:6

Li paboanli po, Josue leni Isidayeli yaaba nikpela den padi bi tiadi, ki wuli bi yula po mi tama. Bi den laabi o Diedo ŋantaadikpaku nintuali, ki yaa caa hali ku yenjuagu.