Jobi 37:23 - U TIENU MAAMA TILI 2013

²³ Ti kan fidi ki pundi U Paaciamu Daano kani, Kelima o paalu n yabi maama po. O moamoani leni o teginma ki pia lie. O kan faligi yua n tiegi.

Gourmanchéma Bible

²³ Ti kan fidi ki pundi U Paaciamu Kuli Daano kani, Kelima o paalu n yaba maama po. O moamoani leni o *teginma ki pia lie. O kan faligi yua n tiegi.

Jobi 37:23 ပူးပေါင်းရင်းမြစ်များ

Jobi 11:7

Naani a fidi ki bandi U Tienu ŋasiili ki gbeni? Bi ki bandi U Paaciamu Daano paalu Leni o yabinu fuuli?

Jobi 11:8

O paalu yabi ki kpedi ki pundi ti tawadi, A baa tieni be? U ñua ki cie bi tinkpiba diema, A baa bandi be lienni?

Jobi 12:13

Mi yanfuoma leni u paalu ye U Tienu kani, I tundi leni mi yanfuoma ye o yaa kane.

Jobi 25:2

«Li bali leni ti jawaanciandi kuli ña U Tienu kane. O yen teni mi yanduanma n yaa ye tanpoli po.

Jobi 26:14

Line da yaa tie o tuona waamu bebe, Ke tin gbadi yaala tie i soabidi bebe, Ŋme n baa fidi ki bandi O tuonciama n da maama?»

Jobi 36:26

U Tienu yabi hali maama Ke ti kan fidi ki bandi o, O bina mo ki pia coali.

Jobi 36:3

N baa ñani n bandima hali foagima yo, Ki saa yua n tagi nni po i moamoani.

Jobi 36:5

U Tienu pia u paalu, waa yie oba kuli mo. O pia u paalu kelima o yanfuoma n yabi.

Jobi 37:19

Waani ti tin baa yedi o yaala. Ti kan go yedi puu kuli kelima ti boanma po.

Jobi 37:22

Mi yenma ña nujienu po yo. U Tienu yabinu ŋamu pia jilima.

Jobi 8:3

Naani U Tienu baa golini mi teginma? Naani wani U Paaciamu Daano Baa tieni yaala n ki tiegi?

Jobi 9:19

N yaa yedi ke n baa tieni u paalu, O yaa paalu n cie. Ba li yaa tie ti buudi kani, Ŋme nan baa tuo ki yini o likani?

Jobi 9:4

Wani n pia mi yanfuoma leni u paalu kuli, Ŋme n baa fidi ki yie o po, lan cedi o?

Pisomi 145:3

O Diedo yabi ki pundi ki baa ti pagidi, O yabinu mo naa pia bandi-gbenma.

Pisomi 30:5

Yinba o Diedo ŋoadikaaba, Yiini mani ki pagi o yeli. Kpiagi mani o yegagidikaali.

Pisomi 62:11

Da dugi mani ku tugumoangu po! Da jigini mani i janbi! Yi piama yaa pugidi, Yin da kuani yi yama lienni.

Pisomi 62:12

Yenma ka ke n gbadi U Tienu kani Yaa maama n tie ne: «Mini n tie u Paalu Daano.»

Pisomi 65:6

U Tienu ti Candaano, A tiendi yaa bonla n pia I jeje leni mi teginma. A gaani ti po ti miabu. Mi ñincianma leni u tinbianu yaaba, Yaaba n ye foagima kuli dugi a yaa po yo.

Pisomi 66:3

Yedi mani U Tienu: «A bontienkaala pia i jeje!» A yibalinba gunbi a kani leni ti ñoamamandi, Kelima a paalu n yabi maama po.

Pisomi 93:1

Li Miali Diedo kaa li bali po, Ki pia ti kpiagidi! O Diedo pia ti kpiagidi, Ki ñagini u fidu o ciaga, Nani ku gbanñagidigu yeni. Lani yaa po n teni, Ke li ŋandunli se bonŋanla ki kan begibi.

Pisomi 99:4

Ban pagi a paalu, Fini o bado yua n bua yaa bujiali n tiegi. Fini n bili ti miali yema n baa yaa cuoni maama, Fini n bili Jakob buolu po, Yaa bujiali n tiegi leni mi teginma.

O Yanfuodaano 3:11

O tuuni o tuona kuli li yogunu. O kuani bi nisaaliba yama nni, ban bandi yaala n pendi leni yaala n kpendi. Ama bi naa fidi ki bandi o tuona kuli, ki cili mi cilima ki yaa caa hali mi juodima.

O Yanfuodaano 7:24

Yaala n ye, foagi, ki ñua boncianla, Ŋme n baa fidi ki gaa lan bundi yaala?

Esayi 45:21

Cua mani ki doagidi yi moamoani. Bani mo n tundi biyaba. Ŋme n den puni li laabaalo hali mi cilima? Ŋme mo n den waani laa bonla hali yogu? Naani laa tie mini Li Miali Diedo ka? Mini yaa ka, tientoa ki ye. N tie yaa Tienu n tiegi ki go faabidi, Min yaa ka, tientoa ki ye.

Esayi 63:9

Bi paboanli kuli yaa niinni, Yaali n den tie omoko yaa paboanli. Yaa maleki n ye o nintuali n den faabi ba. Hali yogu o Diedo den daa ki faabi ba, Ki gobini ba ki tugi ba, Kelima o buama leni o ninñingbadima po.

Esekieli 18:23

Mini o Diedo U Tienu yedi: ‹Naani n bua o nibiado kuuma yo? Min sugini yaala tie wan lebidi o tagu ki yaa ye ki fo.›

Esekieli 18:32

Mini o Diedo U Tienu yedi ke mii bua niloba kuli kuuma. Lebidi mani ki guani ki yaa ye!› »

Esekieli 33:11

Yedi ba daa, ke o Diedo U Tienu yua n fo poli ki yedi line: ‹Mii bua o nibiado kuuma ka, ama min bua yaala tie ke wan lebidi o tagu ki yaa ye yo.› Lebidi mani yi pala ki ŋaa i tagibiadi. Be yaa po ke yinba Isidayeli yaaba yi baa kpe?

Matie 6:13

Da tuo tin baa mi tulinma nni, Ama ŋan gaa ti o Biado kani.

Luki 10:22

Jesu den pugini ki yedi: «N Baa puni nni li bonla kuli bali. Oba kuli ki bani Bijua n tie yua, kali Baa bebe. Oba kuli mo ki bani Baa n tie yua, kali Bijua leni wani Bijua n bua ki doagidi o yua yaa po.»

LOMA YAABA 11:33

U Tienu ŋalimano yabi, o banma leni o yanfuoma yabi ki ñua ki pendi bi nisaaliba bancianma kuli. O jaga pendi bi nisaaliba n fidi ki kpaagi yaala. Baa fidi ki bandi yaala yaa po, ke o tieni wan tiendi yaala.

1 Timote 6:16

Wani bebe n ki pia kuuma, Ki ye miali kuli n kan nagini yaa yenma nni. Miali kuli n daa laa yua, Ki kan fidi ki le o mo. Wani n pia yaa jigidi leni yaa paalu N ki pia gbenma, hali yaa yogunu kuli. Amina!

Hebilunba 12:10

Ti baanba yen tundi ti tundifala u yogunu waamu bebe, nani ban sua ke li dagidi maama, ama U Tienu tundi ti tundifala ti ŋamu po, ke tin taani leni o o gagidiŋanma nni.