3 N maama baa doagidi n pali n tiegi maama. N li baa maadi i moamoani bebe yo.
«Naani yanfuodaano baa guani Yaa maama n tie ne? Naani o baa pua mi fanma?
N ñoacuuna kan maadi yaala n ki tiegi, N lanbu mo kan pua faama.»
N kan tieni gagidima bi niba siiga, Ki bagi min taani yi siiga oba kuli po,
Kelima mii tie laa nibuolu. N yaa tieni yeni n Tagido baa bolini nni tonma.
Diidi n baa waani min pia yaa maama.
«Ŋme n gangi ki biidi n jaga Leni mi yanluodanmaama?
Moala, diidi mani nni bonŋanla, Naani n baa pua yi mi faama?
Bi yanfuodanba maama po teni Ke bi niba bua mi banma. Ama bi yanluodanba ñoana ñandi Mi yanluomaama.
Bi yanfuodanba ñoacuuna yadi mi banma, Ama bi yanluodanba kan fidi ki tieni la.
Wula ye, i lanŋanmoani moko wule, Ama mi yanfuodanmaama wani pa.
N tundi yi tundiŋame, Yin da yie n bangima.