Jobi 3:13 - U TIENU MAAMA TILI 2013

¹³ Moala ji bi baa sua ke n dua n kuli nni, Ki goa, ki fuodi

Gourmanchéma Bible

¹³ Moala di bi baa sua ke n dua suo n kuli nni N bi baa yaa goa, ki ye leni mi yanduanma.

Jobi 3:13 ပူးပေါင်းရင်းမြစ်များ

Jobi 10:21

Hali ke n daa gedi ki kan go guani, Li biigili leni mi kuuma diema nni,

Jobi 10:22

Li biigicianli leni li paboanli diema nni, Mi kuuma leni ti yanyagidi n ye naankani, Ke mi yenma tie nani li biigili yeni!»

Jobi 14:20

Yogunu kuli a paagidi o yema, Ki teni ke o pendi. A teni ke mi kuuma lebidi o nunga ke a deli o.

Jobi 16:22

N miali bina coali caa ki baa gbeni. N baa tagini yaa sanu n ki pia guanma.

Jobi 17:13

Naani min sugini yaala kuli ki tie Ke bi tinkpiba diema n tua n deni ka? N baa bili n duanu li biigili nne.

Jobi 19:25

N bani ke n faabika fo, Ke wani n baa juodi ki fii ki tinga nni.

Jobi 19:27

Wane ke n nuni baa diidi bonŋanla, Laa tie nitoa ka ke n baa le. N pali coagi boncianla, Kelima n guu lanyogunu yo.

Jobi 21:13

Bi ye leni mi yemanma bi miali dana nni kuli, Ki go pundi bi tinkpiba diema nni leni mi yanduanma.

Jobi 21:23

Niloba yen kpe leni mi yanduanma, Kaa bangi liba kuli po.

Jobi 21:26

Ama bikuli taani ki duani mi tama nni, A sidibila mo n ŋoadi ki pini ba.

Jobi 24:19

Nani u tayialu leni ku wuligu N teni ke a tatana yuodi maama, Bi tinkpiba diema moko baa je, Ti tuonbiadi daano yene.

Jobi 24:20

O naamado baa sundi o po, A sidibila n baa je o ki gbadi bi manu. Bi kan go tiadi o po. Ti tuonbiadi daano baa kua nani bu tibu yeni!›

Jobi 26:5

U Tienu paalu yabi ki cie mi ñincianma, Yaaba n ye lienni leni bi tinkpiba kuli digibi.

Jobi 26:6

Bi tinkpiba diema nni, Liba kuli ki duagi o po. U kulu nni mo, puu kuli ki wuo o po.

Jobi 3:12

Be n teni ke n den baa Min baa kali yaa panlieda po? Be n teni ke n baa yaa biilieda N baa ŋaani nni?

Jobi 34:22

Laa pia yaa biigili Bi yaa kuuma jinjingu n baa fidi Ki tua kaanpaalu bi nibiadiba po o nintuali.

Jobi 7:21

Be n teni ke a yie ke a kan tieni N tagili po sugili? Be n teni ke ŋaa tieni n tudima po sugili? Moala wani n ji caa ki baa duani mi tama nne. A baa lingi nni ki sua ke mii go ye.»

O Yanfuodaano 9:10

Ŋan baa fidi ki tieni yaala leni a fidu kuli, ŋan tieni la, kelima tuonli, bi kpaagili, bi banma, bi yanfuoma naa ye bi tinkpiba kaanu ŋan caa nan po yeni.

Esekieli 32:27

Baa den taani ki piini a jifola yeni siiga yaaba n den taani kpe leni a jakoanda. A jakoanda yeni jiidi bi tinkpiba yekaanu leni bi toatiadi. Bi den duani ba ki kuli bi yula bi jugisiemu. Ama ba yeni bi tuonbiadi baa ki ŋua ba, kelima a jakoanda yeni n den jiendi yaaba n fo.