Jobi 26:7 - U TIENU MAAMA TILI 2013

⁷ O teni ke nujienu ye u damu nni, Ki teni ke ki tinga mo juani ku lengu nni.

Gourmanchéma Bible

⁷ O teni ke nijienu ye u damu nni, Ki teni ke ki tinga mo juani ku lengu nni.

Jobi 26:7 ပူးပေါင်းရင်းမြစ်များ

Jobi 38:6

Ki tinga tanpuuna maa be yaa po yo? Ŋme n den bili ki tinga tanpuukaali,

Jobi 9:8

Wani o bebe n yen tandi tandi ti tawadi, Ki yaa cuoni mi ñincianma gbanu po.

Pisomi 24:2

Kelima wani n maani ki tinga Mi ñincianma po, Ki teni ke ki se a ñingola po.

Pisomi 89:12

Fini n die tanpoli, fini n die ki tinga moko. Ŋanduna leni yaala n ye lienni kuli, fini n tagi la.

Pisomi 89:13

Fini n tagi nuganu leni nujienu. Tabori leni Hermon juana yiini ki pagi a yeli.

Esayi 40:21

Yii go bandi o? Yii gba o maama? Baa den waani yi o hali mi cilima? Yii fidi ki bandi ki gagidi Ki tinga Tagido n tie yua?

Esayi 40:22

Wani n tie yua n ye ki tinga Gaanilindima tanpoli, Ki nua bi niba nani i naaci yeni. O yen ladi ti tawadi nani yaa cabili n faali yeni, Ki dadi ki tandi tanpoli mo nani li gbandieli yeni, Lan tua o yekaanu.

Esayi 40:26

Yaadi ki diidi mani tanpoli! Ŋme n tagi laa bonla kuli? Li tie wani yua n yen teni a ŋmabila Kuli n taani ki ña nani a toagola yeni. O yen taagi akuli yela ki yi ŋa, O paalu leni o fidiciamu po, Ba yenli kan sieni kaa cua.

Esayi 42:5

Li Miali Diedo U Tienu yua n tagi tanpoli, Ki tandi tanpoli leni li fanma, Ki ladi ki tinga leni yaala n pudi ki po kuli, Ki puuni yaaba n ye ki po kuli mi fuoma, Ki go puuni yaala n cuoni ki po kuli li yaa fuoma, Maadi yaa maama n tie ne:

Sakari 12:1

O Diedo n yedi yaala Isidayeli yaaba po, Wani yua n tagi tanpoli, Ki go bili ki tinga tanpuuna, Wani yua n puni o nisaalo li miali yedi: