Jobi 23:10 - U TIENU MAAMA TILI 2013

¹⁰ Ama o nan bani n sanu n tie yuu. O yaa ti biigi nni yaa yogunu, N baa ña ki ŋani nani wula yeni.

Gourmanchéma Bible

¹⁰ Ama o nan bani n sanu n tie yu. O yaa ti biigi nni yaa yogunu n baa ña ki ŋani nani wula yeni.

Jobi 23:10 ပူးပေါင်းရင်းမြစ်များ

Mi cilima 18:19

N den gandi wani ke wan bili li ñoamabonli o bijaba leni o diegu yaaba po, yaaba n baa ŋoadi o puoli, ki baa yaa kubi o Diedo sanu, ki go tiendi yaala n tiegi, ki kubi mi teginma. Li tie lani yaa po ke o Diedo baa tieni Abalahama po wan den niani o yaala kuli.»

2 Samueli 22:22

Kelima n cuoni o Diedo sani nni ke li tiegi, Mii foagidi leni n Tienu.

2 Bi Badiba 20:3

«O Diedo, gbadi n po mi ninñima. Ŋan tiadi ke n cuoni a nintuali leni mi teginma leni papienli. Ŋan tiadi ke n tieni yaala n mani a po.» Li yaa puoli, o den mua boncianla.

Jobi 10:7

A bani cain ke mii pia biili, Ke oba mo kan fidi ki faabi nni a nuu nni.

Jobi 23:7

O bi baa bandi ke wani leni yua n bu tiegi. Yeni n bujialo bi baa saa n po i moamoani, Ki faabi nni yaa yogunu kuli po.

Jobi 23:9

Naani o pia li tuonli nujienu po? Mii fidi ki laa o lipo. Naani o ban wuo nuganu po yo? Mii nua o lipo.

Jobi 31:4

Naani U Tienu ka diidi min tagini yaa sanu, Ki coadi n taayaagima kuli?

Jobi 31:6

U Tienu n biigi nni, Yaa bonbiigikaala n tiegi nni, Ki bandi n papienli n da maama.

Jobi 33:9

‹Mii pia jaligi, mii pia tuonbiadi, N ŋani cain, mii pia tagiliba.

Jobi 6:29

Guani ki cua mani! Da tiendi mani yaala n ki tiegi! Guani mani ki cua ne! N li baa ki se n teginma nne.

Jobi 7:18

Ki baa yaa kpendi ki goandi o tiŋaagu kuli, Ki biigidi o u yogunu kuli?

Pisomi 1:6

Kelima o Diedo bani bi niteginkaaba sani, Ti tuonbiadi danba sani caani mi bolinma po.

Pisomi 11:5

O Diedo biigidi o niteginka leni o nibiado. O pali fa o tugumoandaano po.

Pisomi 17:3

A Diidi n pali bonŋanla, Ki goandi li ku ñiagu. A biigidi nni, Ama ŋaa laa tagiliba kuli. N ñoabu mo naa kua n liiga.

Pisomi 66:10

U Tienu, kelima a biigi ti, A den jugi ti nani ban jugi Ŋanjilifa u maafanu nni maama yeni.

Pisomi 7:9

O Diedo ja ti buudi leni i nibuoli. Saa n po i moamoani o Diedo, Nani n teginma leni n papienli N pundi maama.

Mi Kpanjama 17:3

Bi biigidi ŋanjilifa leni wula Ku fantanbuogu nne, Ama yua biigidi a pala wani n tie o Diedo yo.

Jeremi 12:3

Fini o Diedo, a bani nni, A nua nni, a bani yaala n ye n pali nni. Nani ban ñani yaa pe ki baa n kodi yeni, Piadi ki sieni ba mi kodima daali po.

Sakari 13:9

N baa ŋaani bani yaaba n sieni ki fo yeni, Nani ban yen puli ŋanjilifa leni wula U mu nni maama, Ki ñani ti joagindi yeni. Bi baa yaa jaandi ki miadi nni, N baa yaa gaani bi miabu. N baa yedi: ‹Bine n tie n niba.› Bimo n yedi: ‹Li Miali Diedo tie ti Tienu.› »

Jan n diani U Tienu Laabaaliŋamo maama 21:17

Jesu go den buali o mi taataama: «Jan bijua Simon, a sua ke a bua nni bi?» Li den biidi Pieli pali leni Jesu n buali o taalimitaa: «A sua ke a bua nni bi?» Lani, o den yedi o: «N Diedo, a bani li bonla kuli, a bani ke n bua ŋa.» Jesu den yedi o: «Ŋan yaa kubi n pe.

1 Korenti 3:15

Ama yua yaa tuonli n buodi, o baa luo i panpaani. O baa faabi, die nani yua n sani ki ñani u mu nni ki cia yeni.

Mi Tiadima 8:2

Yi baa yaa tiadi o Diedo yi Tienu n den teni ke yi cuoni yaa cenli bina piinaa mi fanpienma kuli nni, kelima o den bua ki faligi yi, ki biigi yi, ki bandi yaala n ye yi pala nni leni yi yaa baa kubi o bali maama, bi yi yaa kan kubi ma.

2 Timote 2:19

Ba yeni, U Tienu n puu yaa tanpuuli se bonŋanla, ki ñii mi naa maama po: «O Diedo bani o yaaba.» Li go yedi: «Yua n yedi ke o tie o Diedo yua kuli, n sani ki ŋaa mi biadima.»

Hebilunba 11:17

Li tie li dandanli yaa po ke Abalahama den padi Isaaka, U Tienu n den biigi o yaa yogunu. Wani yua n den baa u ñoanianu, den tuo ki baa padi o bonjayenyenga,

Jaki 1:12

Li pamanli ye leni yua n fidi ki juuni mi biigima nni. Bi yaa biigi o ki pagi o yaa yogunu, o baa baa li miali badifogiliga, o Diedo n niani ke o baa pa yaaba n bua o kuli yaaga.

1 Pieri 1:7

Laa bonla cua ki baa doagidi yi dandanli n moani maama. Wula, ba ke o tie bonmoanla, baa fidi ki biidi. Ama bi yen biigi o leni u mu. Li tie yenma leni yi dandanli, yaala n tie bonmoanla ki cie wula, ban baa biigi yaali ki bandi lin moani maama. Lani n tie yin baa ti pagidi, ti kpiagidi leni ti jigidi Jesu Kilisiti n baa doagidi yaa yogunu.